YESKIAL 27:16 - Susula Malalaok Hehelu Palak Ma Hehelu Beuk

¹⁶ Basa manadangan fo maleme nusa Siria mai, ala asa bua dangam-mala, ma o bua-lo'a makadotom sila-la. Ala bae lenik batu poemata fo dulan-na momo'dok, tema pila balanggeok, tema nanaseu-sook nenik bunga, tema abalutu, batu poemata koral, ma batu pilas dalima.

YESKIAL 27:16 ပူးပေါင်းရင်းမြစ်များ

KEJADIAN 10:22

Sem anan-nala nde Elam, Asyur, Arpakhsad, Lud ma Aram.

KEJADIAN 28:5

Leondiak, Isak po'i Yakob neu leo Mesopotamia neu, leo Laban, fo Betuel hataholi Aram ndia anan-na. Laban nde been-na, Yakob ma Esau inan Ribka, ka'an-na.

2 SEMUEL 10:6

Basa boema, hataholi Amon-nala, lame'da lae sila tatao-nono'in ndia, tao-na Dauk musu no sila. Hu ndia de, ala se'ba solda'du Siria fo manaleo nai Bet-Rehob ma Zoba, lifun duahulu, ma solda'du Tob lifun sanahulu dua boe, boema nusa Maakha manen-na, no solda'dun lifun esa.

2 SEMUEL 15:8

Nana, nai lelek au bei leo eme Gesur, fo nusak Siria, au aheluk basa, neukose au u sene-do'ok neu Manetualain nai Hebron, metema Ana po'i au fali leo Yerusalem u.”

2 SEMUEL 8:5

Hataholi Siria-la leme Damsyik mai, ala haitua solda'du-la leu, fo ala tulu-fali Mane Hadadezer-ra. Tehu Dauk sengis, de ana taonisa sila solda'dun lifun duahulu dua.

YESKIAL 16:10

Basa boema, Au fe o pake ba'du madulak, ta'bueis kapa louk, temak fefeo langak abalutu, ma ba'du manalu abalutu.

YESKIAL 16:13

No enok ndia, o nanabalias nenik lilopilas ma lilofulak; o papake-ngganggaom, taon neme tema abalutu ma tema abalutu madulak. O bole mu'a loti fo, taon neme ha'desopu malole, fo nanasese'dok nenik faioe ma mina setun. O mata makeek nanseli, de o mandaa da'di ina manek.

YESKIAL 16:18

O ho'i-ma, Au fe o bua papake madulak-kala, fo o pakes neu dodoki-dudulak sila. O sipo-ma, Au fe o mina setun ma boomenik-ka boema, o tunu-hotu fen neu dodoki-dudulak sila.

YESKIAL 16:57

ma nai lelek, o tatao-nono'i mangalaum-ma, beita nanabubuluk fa hetu? Besak ia, o sama leo ndia so boe; o da'di bua nanahika-humek neme hataholi Edom, hataholi Filistin ma uma titia-tataim fe'ek fo, ala ta lahiik loo o fa.

YESKIAL 28:13

O mamana leleom-ma nai Eden, fo Manetualain osin-na. O bua papakem-mala, nanabalias nenik poemata mata-matak-kala fo nde: batu dalima dula pilas, batu poemata dula fula-momo'dok, batu poemata dula kunik, batu poemata dula balau, batu poemata dula momo'dok, batu poemata dula kunik mangadilak, batu poemata dula kunik lilopilas, batu poemata dula balau, batu poemata dula momo'dok ma batu alkali pilas. O bua-lo'a lilopilam-mala boeo makadotok. Bua-lo'as sila-la, nanataok soaneu o, nai faik fo o nananakadada'dik-ka.

HAKIM-HAKIM 10:6

Hataholi Israel-la, lasala-lasingo seluk neu Manetualain. Ala ta taoafik neu Manetualain fa, ma ala ta sene-do'ok-kana so'on. Ala sene-do'ok neu lamatua daebafak Baal ma Asytoret, boema leoina Siria, Sidon, Moab, Amon ma Filistin lamatua daebafan-nala.