YESKIAL 26:3 - Susula Malalaok Hehelu Palak Ma Hehelu Beuk

³ Manetualain Fo Mademaina nafa'da nae, “Hai Tirus, Au ia, o musum-ma. Neukose, Au adenu leoina makadotok ala mai, sama leo lii nai tasi lai, fo ala sapu-la o.

YESKIAL 26:3 ပူးပေါင်းရင်းမြစ်များ

MAZMUR 107:25

No paletan-na, de ani-sangu mai, ma Ana fe lii-la lapoponu.

YESAYA 5:30

Nai faik ndia, nai Israel-lala'en-na, lamanene nasanggati natee-natatik-ka kao-kao, sama leo lii tasi-a. Mitak, nusak ndia lala'en-na makahatuk fo neni makase'ek-ka. Mangale'dok-ka da'di makahatu kiu-kiuk.

YEREMIA 21:13

Makabuin-na boema Manetualain nafa'da neu Yerusalem nae, “Hai Yerusalem! O mamamana madema lena heni bafa-bafak do manai o boboan kaisum-ma. O sama leo pupukuk batu fo namadema nai mok maselok-ka, tehu neukose au la'ben o. O mafa'da mae hapu hataholi esa boen hapusapun-na o, do ana titipa-sosoli o kota musum fa,

YEREMIA 50:31

Babel, o mamadema dalem-ma nanseli! Hu ndia de Au, Manetualain Fo Madema ina, Manetualain Fo Manakoasa, la'ban O. Losa faik fo Au huku o.

YEREMIA 50:42

Ala leni kokouk ma tee; sila mangalaun-nanseli ta lalelak do'o do ampon fa sama leo tasi fo'a, ndala-la lakadi, fo sila nde fes leu tao musu no Babel.

YEREMIA 51:42

Tasi oe lua leo Babel neu; lii-na fo'a sa'e la nusak ndia.

YEREMIA 6:23

Tafa-sisilon-nala nde kokouk ma tee; hataholi sila manalaun-na seli, ma ta lalelak do'o do ampon fa. Sama leo lii mapoponuk-ka ngguun-na, leondia boe, sila ndalan-nala ei ndu'un-na, nai lelek fo leu sapu-la Yerusalem-ma.”

YESKIAL 21:3

mae Au, Manetualain kokolak nae leo ia, ‘Au ia, emi musum-ma, Neukose, Au fe'a-a Au tafainang-nga, fo Au taoisa emi basam-mala, nau hataholi mangalauk, do hataholi malole boe.

YESKIAL 26:19

Manetualain Fo Mademaina, nafa'da nae, “Au tao o da'di kota fo, nee-nee lino-linok, sama leo kota fo, laun ta. Neukose Au fe oe-a neme tasi maloaina buin-na mai, fo ana poti-na o.

YESKIAL 27:26

Basa o hataholi manasefem-mala, ala loo o leo tasi tala'dak neu. Ani timu matuaina, ana hotu fe o.

YESKIAL 28:22

Mafa'da laun-nala mae Au, Manetualain Fo Mademaina, nafa'das nae, ‘Hai Sidon, o musum-ma nde Au ia. Neukose hataholi-la, ala koa-kio Au, nanahu Au tatao-nono'ing soaneu o-a. Nai lelek Au huku o laum-mala, neukose ala bubuluk lae Au nde, Manetualain fo malalao-malalafuk-ka.

YESKIAL 29:10

de o, ma o Lee Nil-la, musun-na, nde Au ia. Neukose Au tao dae Masir-ra lala'en-na, da'di dae louk, mulai neme kota Migdol-la, nai kii, losa leo kota Aswan-na, nai kona, fo leo Sudan dae toon-na neu.

YESKIAL 38:3

Mafa'dan mae Au, Manetualain Fo Mademaina nde been-na, ndia musun-na.

YESKIAL 5:8

Hu ndia de, Au, Manetualain Fo Mademaina, afa'da ae o musum-ma nde been-na, nde Au. Neukose, Au huku o nai leoina fe'ek-kala matan.

MIKHA 4:11

Leoina makadotok lakabubua basa fo sapu-la o, hai Yerusalem! Lafa'da lae, “Muse tao nakalulutuk Yerusalem! Neukose ami mete kota ndia da'di ai-batu madodouk!”

NAHUM 2:12

Makahulun-na, singa kaan-na, nana'an-na nai ndia, de ana sisii fen neu singa ina no anan. Ana tao nahenu ndunun-na nenik paa bibiak fo ana kaa nalak-kala.

NAHUM 3:5

Manetualain Fo Manakoasa, nafa'da nae, “Hai Niniwe, neukose Au fepa-li'u o! Au o'du akaholak o nai leoina-la matan, fo lita o tatao-nono'im fo maneni mamaek-ka.

ZAKHARIA 14:2

Neukose Manetualain naloo nakabubua basa leoina-la, fo leu sapu-la Yerusalem. Neukose ala loso-la kota ndia, ala bonga uman-nala ma ala sungu loo inan-nala. Neukose, ala foo leni laun-na seli, leo mamana tu'u-tapak neu, tehu bei ela hataholi-la, ala leo lahele nai kota ndia.

ZAKHARIA 9:4

Tehu neukose Manetualain tao-nan da'di nuu-taa hata-taak. Basa kota ndia, su'i-beten lala'en-na, neukose Ana tu'u-tapa henis leo tasi dale neu, ma neukose ha'i na'a heni kota ndia.

LUKAS 21:25

“Meten te neukose hapu ta'du-tana nai le'do a, bula ka, ma nduu kala. Nai daebafa ka, leoina la neukose ala bii ma lapangamak lasasale matak lo lii mapoponu ka.