YESKIAL 26:20 - Susula Malalaok Hehelu Palak Ma Hehelu Beuk

²⁰ Boema Au haitua o leo, hataholi manamatek-kala mamananna neu, fo makabubua moo hataholi makahulun eli-la. Au po'ilotak o, mahele meme hataholi manamatek sila-la mamanan-na, fo nai ai-batu manatapasasalak manaketu-basa taak-ka, tala'daheon, ma sama-sama moo hataholi manamatek-kala Soona neukose hataholi ta leo o daem-ma so'on, ma neukose, o ta nanalekek nai hataholi maso'dak-kala dalek so'on.

YESKIAL 26:20 ပူးပေါင်းရင်းမြစ်များ

MAZMUR 27:13

Au amahele, neukose au la'ola'di Manetualain dale malolen-na, nai au maso'dang-nga dalek, nai daebafak ia.

MAZMUR 28:1

Dauk kokoa-kikion-na. Ou Manetualain, au aloo bou-bou neu O, au manamasala'eng-nga nde O, mamanene au hala naloloong-nga. Metema O denge-denge soaneu au soona, au sama leo hataholi fo ana kona leo bolo mamates dale neu.

YESAYA 14:10

Sila basa-basas laloo bee bou leun lae, ‘Hai! Besak ia, o sama leo ami so, fo tapandoes ma be'i-balakai tak.

YESAYA 14:9

Hataholi manamatek-kala daebafan-na lakalupu-lakasee, sipok mane Babel ndia. Boema hataholi fo makahulun-na ala koasa nai daebafak-ka samanen-nala nggenge, ma basa manek-kala samanen-nala, ala fo'a leme sila kandela manen lain mai.

YESAYA 4:5

Boema nai pupuku Sion-na, ma basa hataholi fo lakabubua nai ndia, Manetualain nakadada'dik ko'as-sa nai fai lele'don-na, boema ha'imasuk ma ha'ipila mangale'dok-ka, nai fai le'odaen-na. Manetualain no koasan-na mesak-kana, neukose Ana da'di leleo fo nasulu-nahapa kota ndia lala'en-na.

YESAYA 59:10

Ami mafanggonggoe, sama leo hataholi pokek-ka; ami makatunu nai fai le'dohanan-na, sama leo nai fatila'da; ami sama leo, hataholi manamatek, nai hataholi maso'dak-ka tala'da.

YEREMIA 33:9

Yerusalem neukose ana da'di namahokok ma Au matua mademang. Basa leoina manai daebafak ia neukose ala da'di manabiik ma mamata'uk, ma ala ta fe ha'da-holomata mai Au, metema lamanene la'eneu basa malole-mana'a fo Au taon soaneu Yerusalem laun-nala, ma la'eneu tetu-temak fo Au fen neu kota ndia.”

RATAPAN 3:6

Ana laka au leo nai makahatuk dale sama leo hataholi manamatek manai tepo-lelek makahulun-na.

YESKIAL 31:14

Basa sila-la ala da'di, fo ela nai hatematak ia, neukose ta hapu seluk ai fo, ana moli dedemak ndia so'on; ta hapu seluk ai fo, pe'dan-na losa ko'as-sa, leomae ana moli nai oe-a tala'da boe. Basa-basas manamatek mesa-mesan, sama leo hataholi daebafak fo, manasapu-manalalok-ka, fo leu lakabubua loo hataholi manamatek-kala, nai hataholi manamatek-kala mamanan-nala.”

YESKIAL 39:7

Tehu neukose, Au afa'da Au na'de malalao-malalafung-nga nai hataholi Israel-la tala'da heon, ma Au na'deng ndia, neukose ta nanatao nanggenggeok so'on. Soona besak-ka leoina-kala, ala bubuluk lae Au nde Amak, Manetualain fo malalao-malalafuk neme Israel mai.”

AMOS 9:2

Leomae ala tola leo hataholi manamatek-kala daebafan dale leu boeo, neukose Au hapus. Leomae ala kae leo lalai leu boeo, neukose Au akona henis leme naa mai.

YUNUS 2:2

“Ou Manetualain, nai au susang-nga dalek, au aloo neu O de O mataa au Au dokodoe tutulu-fafalik neme hataholi manamatek-kala daebafan dale mai, de O mamanene ma O taoafik neu au dokodoeng-nga.

YUNUS 2:6

Au palaboku losa letek-kala huun-na, leo mamanak fo lelesuinan-na nananggoek losa tepo-lelek mate'ek-ka. Au samane nga sota-mangu nai au aoinang dale boema au afandele de au aloo bou-bou neu O. Boema au hule-haladoing losa O, leo O Uma malalao-malalafum-ma dalek neu. Boema O so'u-ma au neme tasi dale mai, ou Manetualain, fo au Manetualaing-nga!

ZAKHARIA 2:8

See natee-nata'ti no emi soona, natee-natati no Au tei-ateng nde ndia.” Boema Manetualain Fo Manakoasa nadenu au fo anduku-alosak hala heheluk ia, neu leoina fo lamanako Au anang-ngala hata-heton.

BILANGAN 16:30

Tehu metema, Manetualain tao hata esa, fo dodoo basa ia, emi beita mamanene fan, ma dae-a natangga, fo ana ko'do-nalas no basa hata-heton-nala lala'en-na, nalosa ala masok loo ao holi-holin-nala, leo hataholi mana matek-kala daebafan dale neu soona, besak-ka emi bubuluk mae hataholi sila-la, ala la'ban Manetualain.”

BILANGAN 16:33

Boema basa-basas tenak loo ao holi-holin-nala, loo basa hata-heton-nala lala'en-na, leo hataholi manamatek-kala daebafan dale leu. Dae matanggak ndia, nakatema falik, de nakadofu ketus, nalosa mopok-kasa.

MATEOS 11:23

Ma ba'eneu kota Kapernaum no hataholi nala! Ade neukose emi nanaso'u namademak losa nusa so'da ka do? Neukose ta hetu! Te neukose emi nanatu'u henik leo tasi ha'ik dale meu! Nanahu leo uni ka, manda'di beuk fo nanataok neme emi tala'da ndia, nanataok neme Sodom, fo kota ndia, bei hapun nai daebafa ka losa besak ia!

LUKAS 10:15

Boema emi, fo kota Kapernaum, emi maedaenga, neukose ala so'u lamdedema emi losa nusa so'da ka do? Ta! Nakalenak bai, tao leo bee o, ala tapa emi leo tasi ha'ik dale meu!”

2 PETRUS 2:5

Leondiak boe, no daebafa ka, nai lelek makahulu na. Manetualain ta po'ilota kasa latapo'i leme huhuku ka mai fa. Lelek ndia, Manetualain fe faa tua ka luu na daebafa hataholi masala-masingo ka de, ka'da Noh no hataholi hitu laso'da. Nana Noh tui-benga halak la'eneu maso'dak fo nandaa no Manetualain dale na.