YESKIAL 26:16 - Susula Malalaok Hehelu Palak Ma Hehelu Beuk

¹⁶ Leoina manai tasi su'uk-kala, manen-nala lita o ua-nalem da'di tao leondiak soona, neukose ala fo'a leme kandela manek lain mai, fo ala o'duheni sila ba'du manalu matua-madema-na, ma sila ba'du nanaseu bunga-na, fo langatuuk dele bengge'be leu dae lain. Neukose ala bii-lamata'u lanseli, nalosa dalen-nala ta tesa-tama fa.

YESKIAL 26:16 ပူးပေါင်းရင်းမြစ်များ

AYUB 8:22

Hataholi fo, ana ta hii o fa, neukose ana mae, ma name'da aoinan-na nai daeanak, ma neukose, hataholi mangalauk-ka uman-na, nanatao nalutuk losa mopon.”

MAZMUR 109:18

Ba'eneu ndia soona, supa-sook ndia, tatao-nono'i biasa ndia, sama leo ana pake papake-ngganggaon. Nemen-na fo, supa-sook ndia, sama leo oe-a, fo ana susi leo aon dale neu, ma sama leo mina, fo ana faa leo dui-nala dalek neu.

MAZMUR 109:29

Nemen-na fo, hataholi manakalaak au-a, nakamumulu-nakamamaek-ka, poti-nalas, ma bibii-mamaek-ka nalu'e-nalas sama leo ba'du manalua.

MAZMUR 132:18

Neukose nusan-na, so'da-molek tataas esa, tehu musun-nala, neukose nananakamamaek.”

MAZMUR 35:26

Nemen-na fo, hataholi fo namahoko nita au doi-dosong-nga, da'di napangamak, ma ana hapu mamaek Nemen-na fo, hataholi fo ana koao-ndaeao soaneu au-a, nananakadadaek ma nananakamumulu-nakamamaek.

YESAYA 3:26

Neukose hataholi-la manato'a-taak, ala kii-makaleleu nai kota lelesuinan-nala, ma neukose kota ndia mesak-kana sama leo ina nanao'du nakaholak-ka de nangatuuk nai dae lain.

YESAYA 41:5

Laun nusa dook-kala lita hata fo Au tao basan so Ala nggenge, ma ala dele betoo, nanahu bibii-namata'uk-ka, boema, lakabubua sama-sama, de ala mai.

YESAYA 47:1

Manetualain nafa'da nae, “Hai Babel, kona meme o kandela manem lain mai leona, fo mangatuuk muu afu dale. O ta la'ok malelengoao, ma ta mata makeek, sama leo makahulun-na fa.

YESAYA 52:2

Hai Yerusalem, fo'a meme afu dale mai leon, fo sasapu heni, afu manai o aom-ma. Hai Sion, fo nanafook-kala lemin! Se'iheni namosina, fo nanapa'ak nai emi botoliim-ma leona!

YEREMIA 48:39

Moab nakalulutuk so! Moab mae nanseli! Ana kii hu ka nde nananakadadaek ma ana da'di nanafook neme leoina titia-tatain-nala mai. Au Manetualain nde manakokolak-ka.”

RATAPAN 2:10

Lasi nggolok manai kota, langatuuk denge-denge nai dae lain; ala nggali afu leo langan-nala lain neu, ma ala pake lafa kalong fo da'di ta'du-tana susa. Anafe'oanak-kala boeo, lakatele langan-nala losa dae lain.

YESKIAL 16:10

Basa boema, Au fe o pake ba'du madulak, ta'bueis kapa louk, temak fefeo langak abalutu, ma ba'du manalu abalutu.

YESKIAL 26:21

Neukose Au tao o da'di natutu'duk fo, neni bibii-namata'uk matuaina, fo ndia nde da'di o so'da mete'em-ma. Hataholi-la neukose ala sanga o, tehu ala ta hapu o fa. Au, Manetualain Fo Mademaina, nde manakokolak-ka.”

YESKIAL 28:17

O mata makeem-ma, ana tao-na o koao-ndaeao, ma o na'de nanakoa-nanakiom-ma, ana tao-na o, tao tunga o nggoam-ma. Hu ndia de, Au bala o muu dae lain, fo Au taon da'di nasanene'dak ba'eneu mane fe'ek-kala.’ ”

YESKIAL 31:15

Manetualain Fo Mademaina, nafa'da nae leo ia, “Metema ai ndia, ana kona leo hataholi manamatek-kala mamanan-na neu soona, Au adenu oe manai dae dale-a, fo ala enen da'di leo ta'du-tana manasusak. Neukose Au akaneteisa lee-la, fo ala boso faa, ma Au bakate'teisa, lee anak-kala. Hu kande, ai ndia maten so, de neukose Au fe makahatuk-ka poti-na basa letek Libanon-nala, ma ana tao-na, basa ai manai nula dale-la, ala male.

YESKIAL 32:10

Tete'ek-ka, metema Au leleuk Au tafainang-nga soona, neukose Au sengi o. Mane-manek-kala, ma leoina-kala, neukose lita Au tatao-nono'ing soaneu o ndia. Nai hatematak ndia, neukose ala dele bee-too no bibii-namata'uk-ka, ma ala dele ngge'be-ngge'be, nanahu ala bii sila mate.’ ”

YESKIAL 7:27

Neukose Manek-ka, ana kii-makaleleu, ma ketu maneana namahehenan-na, boema neukose laun-na, ana dele ngge'be-ngge'be no bibii-namatauk-ka. Neukose, Au huku emi nandaa no emi tatao-nono'im lala'en-na, ma Au aketu-ala'di emi, sama leo emi maketu-mala'di hataholi fe'ek. Soona besak-ka, emi bubuluk mae Au nde Manetualain-na.”

YESKIAL 7:8

Ta dook-ka so'on te, neukose emi mame'da mita, Au nasa-melung fo manalua ponu-ponung-nga. Au aketu-ala'di emi, nandaa no emi tatao-nono'im. Neukose, Au balas emi tatao-nono'im fo, ta kandaak lala'en-na.

DANIAL 5:6

Mata-panan fula ma ana bii nanseli, nalosa lungulangan-na dele ngge'be-ngge'be.

HOSEA 11:10

Manetualain nafa'da nae, “Metema, Au angao sama leo singa soona, neukose Au anang-ngala tunga Au, fo Au tao-a musu noon-na, dele ngge'be-ngge'be. Neukose no lai-laik, Au anang-ngala mai leme muli mai, fo ala sene-do'ok neu Au.

YUNUS 3:6

Lelek mane Niniwe, namanene halak ndia boema, ana fo'a napadeik de no lai-laik ana la'o ela kandela manen-na. Ana o'du heni ba'du manen-na, de ana pake si'di kalong, boema nangatuuk neu afu lain.

HAGAI 2:22

Au tao akalulutuk nusa-nusak-kala, ma Au tao akalulutuk koasan-nala. Neukose Au fae alenga kaleta natee-nata'tin-nala loo hataholi manaho'un-nala; neukose mate basa ndalan-nala, ma hataholi manasa'ek-kala, esa taonisa esa.

1 PETRUS 5:5

Leondiak boe, tolanoo muli solu kala lemin! Tunga lasi kala paleta na. Emi muse makaloe-makadae ao mala, ma esa nalalau-naoono esa no dale nakaloe aok. Nana nai Susula Malalaok dale nanasulak nae leo ia, “Manetualain la'ban hataholi mana koao-ndaeao ka, tehu Ana sue-lai hataholi mana makaloloe-makadae ao ka.”

NINITAK 18:9

Mane-manek daebafak fo ala tunga nai inak ndia tatao-nono'i manasosoa-piao na ma inak ndia nasa sasaoana na, neukose ala kii ma makaleleu kota ndia, metema lita ha'imasu ka namasu neme ha'i fo manahotu naputu nana.