YESKIAL 26:14 - Susula Malalaok Hehelu Palak Ma Hehelu Beuk

¹⁴ Fo Au la'oela kande, ka'da batu esa mesak-kana, fo hataholi tasi-la, mamana ho'i dalan-nala. Kota ndia, neukose ta nananafofo'a falik so'on. Au, Manetualain Fo Mademaina, nde manakokolak-ka.”

YESKIAL 26:14 ပူးပေါင်းရင်းမြစ်များ

AYUB 12:14

Hata fo, Manetualain ofe henin, soona ta bisa nafofo'a falik-kana so'on, Manetualain tao see, da'di hataholi nanafook soona, ta nana po'ik so'on.

AYUB 40:8

Ade, o sanga malelesi Au ndoong ma matetung-nga, fo o soa ndoon-na, ma o fe salan-na leo Au mai do?

YESAYA 14:27

Manetualain Fo Manakoasa, naketu basa, soaneu tao leondiak. Ana so'uk liman-na, soaneu Ana huku, de hataholi esa boen, ta hapu kena-ka'i fan.

YESAYA 23:12

Manetualain nafa'da nae, “Hai kota Sion-na nei, neukose o ta mamahoko-setelee so'on. O laum-mala, nanatuni-ndenik. Leomae lalai leo Siprus leu boe, ala ta hapu nee-nee mino-linok fa.” (

YESKIAL 21:32

Neukse, ha'i-a, na'aheni emi. Emi daam-ma, neukose ana faa nai emi nusam dale, fo ta hapu hataholi esa boen, nafandele emi so'on. Au Manetualain nde manakokolak-ka.’ ”

YESKIAL 22:14

Tehu nai lelek Au huku basa o soona, o bei mapalani, do o bei mabe'i-balakaik soaneu o so'uk o limam-ma do ta? Au, Manetualain Fo Mademaina, kokolak basa so, de neukose Au tao hata fo, Au kokolak basan so.

YESKIAL 26:12

O musum sila-la, neukose ala kalo leni basa o hata-hetom, ma o bua dangam-mala lala'en-na. Neukose, ala tao lakalulutuk o papala nanadamam-mala, ma ala tao latu'u o uma mana'ahiim-mala. Neukose ala ho'i-la batun-nala, papan-nala, ma daen-nala, fo ala tapas leo tasi dale leu.

YESKIAL 30:12

Neukose Au tao ama'da Lee Nil-la, ma Au fe Masir lala'en-na, leo hataholi mangalauk-kala neu. Neukose Au adenu hataholi nusa dea-la, fo ala tao lakalulutuk nusak ndia lala'en-na. Au fo Manetualain, nde manakokolak-ka.”

YESKIAL 47:10

Hataholi manadolu-dala, ala ho'i sila dalan-nala, leme oemata manai En-Gedi-a su'un-na, losa oemata manai En-Eglaim-ma, su'un-na. Basa i'ak mata-matak lala'en-na, lai oe ndia dalek, sama leo nai Tasi Tala'dak-ka dalek boe.

YESKIAL 5:13

Neukose o mame'da mita, Au nasa-melung ma Au fefepa-lili'u matuainang-nga, losa Au daleng-nga tesa-tama. Basa sila-la ala da'di soona, neukose o mamahele mae Au, Manetualain kokolak o o so, nanahu Au amanasa o ta lilineka fa.

YESKIAL 5:15

Metema, Au amanasa o, ma Au huku o soona, basa leoina manai o boboa-kaisum-ma, lame'da bibii-namata'uk nanseli. Neukose, ala hakinonoli o, ma ala pela-malua mete o.

YESKIAL 5:17

Fe'ek neme susa-soe la'a-ndoes-sa mai, neukose Au fe la'a-ndoes, tatao-nono'ik fo ta nalelak susue-lalaik-ka, natee-natatik soaneu taonisa o laum-mala, ma bana makaa-makisuk soaneu taonisa anan-nala. Au, fo Manetualain, nde manakokolak-ka.”

MALEAKHI 1:4

Leouni'ka, Esau tititi-nonosin, fo hataholi Edom sila-la lae, “Ami kotam-mala, nanatao nakalulutu basak so, tehu neukose ami mafofo'a falik-kana,” soona neukose, Manetualain nataa nae, “Sila bole lafofo'a falik-kana, tehu neukose Au tao atu'un. Neukose lokes soona lae, ‘Nusak nanasoo-supak’, ma loke sila soona lae, ‘Leoina manahapu Manetualain nasa-melun, losa dodoon-na.’ ”

BILANGAN 23:19

Manetualain ta sama leo hataholi daebafak-ka fa, fo mu'dak la'iesak-kana, nasasale dale, ma Ana hii nasapepeko-nasandandali. Metema, Manetualain helu soona, tao leo bee-o, Ana tao natetun! Metema Ana kokolak soona, tao leo bee-o, neukose ana da'di!

MATEOS 24:35

Lalai a no daebafa ka neukose mopos, tehu Au dede'a-kokolang lahele losa dodoo na.”

ULANGAN 13:16

Muse tao nakabubua laun manai kota ndia, hata-heton lala'en-na, fo madodous leu dae loak dale, soona muse hotuheni kota ndia, no basa hata-heton lala'en-na, fo da'di neu tutunu-hohotuk ba'eneu emi Manetualaim-ma. Basa ndia soona, la'oela basa hata-heto nanahotu henik sila-la, muse la'oelas leme ndia, fo ala da'di ai batu manatapasasalak, boema, ta bole mafofo'a falik kota ndia so'on.