YESKIAL 26:12 - Susula Malalaok Hehelu Palak Ma Hehelu Beuk

¹² O musum sila-la, neukose ala kalo leni basa o hata-hetom, ma o bua dangam-mala lala'en-na. Neukose, ala tao lakalulutuk o papala nanadamam-mala, ma ala tao latu'u o uma mana'ahiim-mala. Neukose ala ho'i-la batun-nala, papan-nala, ma daen-nala, fo ala tapas leo tasi dale leu.

YESKIAL 26:12 ပူးပေါင်းရင်းမြစ်များ

2TAWARIKH 32:27

Manek Hizkia da'di hataholi kamasu'ik nanseli, de basa hataholi-la fe ha'da-holomata neun. Ana tao kama-kama fo ana pe'da hata-heton, fo nde: lilopilas, lilofulak, batu poemata, bumbu-bumbu, sisili musu, ma bua-lo'a kabelik fe'ek-nala.

2TAWARIKH 36:10

Neu teu manamaik-ka boema, Manek Nebukadnezar-ra foo neni Yoyakhin leo Babel neu da'di leo hataholi nanafook, ma ana ho'i neni bua-lo'a kabelik-kala leme Manetualain Uman-na mai boe. Basa boema Nebukadnezar so'u Zedekia, fo Yoyakhin to'o-na da'di manek neu Yehuda ma Yerusalem.

YESAYA 23:11

Manetualain nakapepela liman-na neu tasi lain, de ana loliheni nusa-nusak-kala. Ana fe paleta, fo ela tao nakalulutuk Fenisia kota musun-nala.

YESAYA 23:8

Ade hataholi manadangan-nala, ta nde teidale manefetoana fo, nanafe ha'da-holomata nanseli nai daebafak-ka do? See kande ho'i nakeketuk, soaneu tao natu'da Tirus, kota fo manakoasan-nanseli ia?

YESAYA 32:12

Kii-makaleleu emi tina maoe-maisim-mala, ma emi osi angol fo, boan-nala makadotok sila,

YEREMIA 25:34

Hai mauli-malangan-nala lemin, hai basa manafo Manetualain anan-nala lemin, ki-namatani mapane'e! Loli fali nai afu dale, nana fain-na losa emi nanado'dok, ma mananaladeak-ka neukose nanatao tapasasalak. Neukose emi sama leo ule dae kabelik-ka fo tu'da henin de ba'en.

YEREMIA 52:14

Boema basa ana manatungan-nala tao lakalulutuk papala-nanadaman-nala.

YESKIAL 26:5

Neukose, basa hataholi tasi-la, ala ho'i sila dalan-nala nai batu ndia lain. Au, Manetualain Fo Mademaina, nde manakokolak-ka. Neukose leoina-kala, ala mai fo, ala kalo leni Tirus hata-heton-nala.

YESKIAL 28:8

Neukose ala tao lakalulutuk o tetu-temam fo, o hapun neme o manatee-tenom, ma o malelam-ma mai ndia. Neukose ala taolisa o, fo latoi-latono o nai tasi dale.

DANIAL 11:8

Nai lelek ana fali ne'un leo Masir neu, neukose ana ho'i neni musun-na lamatua daebafan-na dodoki-dudulan, ma hata-heto lilopilas ma lilofulak fo nanatunu-hotu basak neu lamatua daebafak ndia so. Teuk de'ubee dalen-na, neukose ta nata'ti no manek nusa kii fa.

HOSEA 13:15

Leomae Israel tetu-temak sama leo na'u manaeloakak-ka, tehu neukose Au haitua ani timu mato'bik-ka mai neme moo solokaek-ka mai. Neukose anin ndia, ana tao nama'da basa oemata lala'en-na, ma oedolu-la, nalosa basa hata kabelik lala'en-na mopok-kasa.

AMOS 5:11

Emi tuni-ndeni hataholi nuu-taa hata-taak-ka, ma emi loso-ma sila gandum-ma. Hu ndia de, neukose emi ta leo nai emi uma manaahiim fo emi taom-ma ka dalek fa. Neukose emi ta minu angol fo emi sele nai emi osim-mala dalek fa.

NAHUM 2:9

Loso-ma la'iesak lilopila lilofulan! Hata-heto manai kota ia, tete'ek-ka ana sasi kao-kao!

ZAKHARIA 7:14

Au sapu balisis, sama leo ani-sangu-a, nalosa no nakasetik, leu leo nai nusa dea-la. Dae maisi-mamina ia, ana da'di nee-nee lino-linok, hataholin ta, ma na'u-aianan ta.”