YESKIAL 25:7 - Susula Malalaok Hehelu Palak Ma Hehelu Beuk

⁷ Hu ndia de, neukose Au fe emi leo leoina-kala meu, fo ala lamanako ma ala loso-la, basa emi hata-hetom lala'en-na. Naukose, Au tao amate-amopo emi, nalosa emi ta da'di leoina esa so'on, ma boeo emi nusa mesam ta so. Soona besak-ka emi bubuluk mae Au nde, Manetualain-na.”

YESKIAL 25:7 ပူးပေါင်းရင်းမြစ်များ

YESAYA 33:4

Hataholi manasapuk, ma manamamanako sila hata-heton-nala, sama leo lama bubuak-ka.

YEREMIA 49:2

Tehu losa fain-na Au tao-a laun Raba, Amon kota inan ndia lamanene hala natee-natatik. Kota ndia da'di nakalulutuk ma nggolok-nggolok manai na-la nanahotu henik. Boema neukose Israel-la ho'i falik dae-na fo neme hataholi manaho'i na makahuluk-kala.

RATAPAN 1:14

Ana ho'i-na basa au sala-singong, boema Ana pa'an da'di esa, de Ana bokoliin neu au botolii nga, nalosa belan-na tao-na au ndole-ndaku. Manetualain fe au leo musu nook-ka neu; au be'i-balakaing ta soaneu la'ban-nasa fa.

YESKIAL 14:9

Metema, nabi esa nanake'di-ndiu basak, nalosa ana fe natataa masalak soona, Au nde ke'di-ndiu nana. Au, Manetualain Fo Mademaina, neukose kalua henin neme hataholi Israel-la dalek mai.

YESKIAL 21:31

Neukose, Au kaluaheni Au nasa-melung fo, manalua ponu-ponung-nga neu emi. Neukose, Au fe emi leo hataholi fo, dale susue-lalai tak-kala neu, fo ala tao lamate-lamopo emi.

YESKIAL 21:32

Neukse, ha'i-a, na'aheni emi. Emi daam-ma, neukose ana faa nai emi nusam dale, fo ta hapu hataholi esa boen, nafandele emi so'on. Au Manetualain nde manakokolak-ka.’ ”

YESKIAL 25:10

Neukose, Au po'ilotak leoina-kala, leme moo solokaek dulu mai, fo ala sengi Moab sama-sama no nusa Amon-na, nalosa Moab ta nalupa leoina esa so'on.

YESKIAL 25:13

Hu ndia de, Au po'a-benga, ae neukose Au huku Edom, ma Au taoisa hataholi lala'en-na, ma basa bana-manu manai naa-la. Basa nusak ndia lala'en-na, mulai neme Teman losa leo kota Dedan-na neu, Au taon da'di nee-nee lino-linok; neukose mate laun-nala nai natee-natatik dale.

YESKIAL 25:16

Hu ndia de, Au po'a-benga ae neukose, Au sapu-a hataholi Filistin-nala, fo Au tao amate-amopos. Neukose Au taoisa, basa hataholi fo bei elak manai Filistin tasi su'un-na.

YESKIAL 26:5

Neukose, basa hataholi tasi-la, ala ho'i sila dalan-nala nai batu ndia lain. Au, Manetualain Fo Mademaina, nde manakokolak-ka. Neukose leoina-kala, ala mai fo, ala kalo leni Tirus hata-heton-nala.

YESKIAL 35:3

Mafa'da laun-nala, hata fo Au, Manetualain Fo Mademaina, nafa'da neus, ‘Emi musum-ma, nde Au ia, hai laun manai Edom letelepan-nala lemin! Neukose Au tao-a, emi daem-ma, ana da'di dae louk, de hataholi ta leo dalek fa, ma o kotam-mala, ala da'di ai batu manatapasasalak. Soona besak-ka emi bubuluk, mae Au nde Manetualain-na

YESKIAL 6:14

Hei, neukose Au so'uk au limang-nga, fo Au tao akalulutuk sila nusan-na, mulai neme Mook Solokaek Kona, losa kota Ribla nai kii. Nai hataholi Israel-la mamana leleon-nala, neukose ta hapu hataholi maso'dak esa boen. Soona besak-ka basa hataholi-la, ala bubuluk lae Au nde Manetualain-na.”

ZEFANYA 1:4

Neukose Au huku Yerusalem ma Yehuda laun-nala lala'en-na. Bei ela hataholi fo ala sene-do'ok neu Baal-la, neukose Au tao amopo-amates leme mamanak sila-la mai. Neukose, lafandele heni imam-imam fo lalalau-laoono Baal-la.