YESKIAL 25:3 - Susula Malalaok Hehelu Palak Ma Hehelu Beuk

³ Madenu leoina ndia, fo namanene hata fo Au, Manetualain Fo Mademaina, nafa'das: ‘Emi mamahoko, mete Au Umang-nga nanatao nanggenggeok, ma dae Israel-la nanatao nalutuk, boema leoina Yahudi-a, nanafook leo mamana tu'u-tapak neu.

YESKIAL 25:3 ပူးပေါင်းရင်းမြစ်များ

MAZMUR 35:21

Ala eki ma lafa'da au, lae sila lita basa au tatao-nono'ing so.

AMSAL 17:5

See hakinonoli hataholi nuu-taa hata-taak-ka soona, nakamumulu-nakamamaek Manetualain, fo manamakadada'dik-kana. See namahoko-setelee soaneu hataholi ua-nale poke-pake-a soona, tao leo bee-o, ana hapu huhukuk.

RATAPAN 1:7

Yerusalem tu'da ma doi-doso basa boema, nafandele neu tepo-lelek maneu ka, fo nai lelek hata-heton bei makadotok; tao leo beek de laun-na tu'da leo musu liman dale neu, de ta hapu hataholi esa boen, mai tulu-fali fan. Musu noon-nala ka'da hika mete tutu'dan-na.

RATAPAN 4:21

Hai leoina Edom-ma Us, bole hika leon, mamahoko-setelee leon, bei dai emi bei bisa! Neukose soe-a ana mai neu emi boe ma hu kande mamafuk-ka, de neukose o o'du makaholak seluk o aoinam-ma.

YESKIAL 21:28

“Hai hataholi daebafak fo, manasapu-manalalok-konei, kokolak dede'a nananafa'da elak leona! Mafa'da hataholi Amon fo, lakamumulu-lakamamaek basa Israel so, mae Au, Manetualain Fo Mademaina nafa'da nae, ‘Tafaina esa, nanasadia basak soaneu nado'do-napau so; tafaina ndia, nanafofola basak so, de isin-na nangale'do, sama leo ndelas-sa, fo ela naheheaon soaneu nanisa.

YESKIAL 25:6

Manetualain Fo Mademaina, nafa'da nae, “Emi totoko lima, boema emi foti-longe. Emi makadadaek dae Israel-la.

YESKIAL 25:8

Manetualain Fo Mademaina, nafa'da nae, “Moab nafa'da nae Yehuda ndia, sama leo leoina fe'ek-kala boe.

YESKIAL 36:2

‘Lelek leoina titia-tataik-kala, sapu-la emi, ma lamanako emi hata-hetom-mala, ala lakamumulu-lakamamaek basa Israel lala'en-na so. Ala kokolak no namahokok, lae pupukuk makahuluk sila-la, besak ia, da'di sila nuun so. Hu ndia de, hai letek-kala ma pupukuk-kala, lee anak-kala ma bafak-kala, hai kota-kota fo manada'di ai batu manatapasasalak-kala, ma kota fo hataholin-nala la'oelan so, boema leoina titia-tatain-nala, lamanako ma ala hakinonolin-na, mamanene hata fo, Manetualain Fo Mademaina nafa'dan neu emi nae: Nai Au nasa-melung fo manalua ponu-ponung-nga dalek, neukose Au fe nasanene'da mahelek neu leoina fo, manai emi titia-tataim-mala, lena-lenak neu Edom, nanahu no namahokok, sila lakamumulu-lakamamaek, ala loso-la Au daeng-nga, ma ala loso-la moo mana'un-nala. Besak ia, Au amanasa anseli, nanahu leoina sila-la, lakamumulu-lakamamaek, boema lakadadaek emi.

MIKHA 7:8

Ta hapu ne'ek ba'eneu ita musun-nala, soaneu lamahoko neu ita nakalulutun-na fa. Nana leomae ita tu'da boe, tehu neukose ita fo'a seluk. Besak ia, ita nai makahatuk dale, tehu neukose Manetualain nangale'do-na ita.

ZEFANYA 2:8

Manetualain Fo Manakoasa nafa'da nae, “Au amanene basa leoina Moab, ma leoina Amon-nala nakamumulu-nakamamaen, ma hakinonolin neu Au anang-ngala so. Ala tui dede'a me'i-afek lae neukose ala ho'i-la Au anang-ngala daen-na.

HAKIM-HAKIM 6:3

Tama seluk, metema hataholi Israel-la leu tao tina-osi soona, hataholi Midian-nala mai sama-sama loo hataholi Amalek ma hataholi fe'ek-kala leme moo solokaek-ka mai, fo ala sapu-la hataholi Israel-la.