YESKIAL 24:7 - Susula Malalaok Hehelu Palak Ma Hehelu Beuk

⁷ Kanisak-ka, ana da'di nai kota ndia, tehu daan-na, ana ta faa leo dae lain neu fa, te ana faa leo batu mateaina lain neu, nalosa ta bisa nakadofu ketu fan.

YESKIAL 24:7 ပူးပေါင်းရင်းမြစ်များ

1RAJA-RAJA 21:19

fo mafa'dan mae Au, fo Manetualain nafa'da nae leoia, ‘O manisa so, baite o maseti-mahange bai! Hu ndia de, neukose busa-la lalamemei o daa ma nai mamanak fo busa-la lalameimei Nabot daa na!’ ”

AYUB 16:18

Hai daebafak-konei tatao-nono'i mangalauk soaneu au-a, boso mafunin; boso denge-denge moo au ngganggasing, fo au oke ndoos ma matetuk-ka.

YESAYA 26:21

Neukose Manetualain kona neme mamana leleon-na, nai nusa so'dak-ka, fo Ana huku laun manai daebafak-ka, nanahu sila sala-singon-nala. Kanisak fo, ala taon no nafufunik-ka, neukose nanabubuluk. Dae-a ta poti ketu hataholi nanatao nisak-ka so'on.

YESAYA 3:9

Sila heo-hilun fo manakoao-ndaeaon-na, natu'du sila tatao-nono'i mangalaun-na. Sila tao sala-singok no le'do-le'dok, sama leo makahulun-na hataholi Sodom-mala. Soe ba'eneu sila! Sila leni soe fe sila aoinan-nala.

YEREMIA 2:34

Ami papake-ngganggaom nanggenggeo, hu kande hataholi nuu taa-hata taak-ka, ma hataholi sala taak-ka, daan-na, ta hu kande nakodaa nanaho'un-nak-ka daan-na fa. Leomae leondiak boe,

YEREMIA 6:15

Tunga ndoon-na, ala mae, nanahu ala tao basa, dede'a nananakamumulu-nakamamaek ndia so. Tehu lakapapalu lou, ma bibii-mamae tak-kala. Hu ndia de, neukose ala tu'da, sama leo hataholi fe'ek-kala boe; metema Au hukus soona, mopo dipon-nala. Au, fo Manetualain nde manakokolak-ka.”

YESKIAL 23:45

Tehu neukose, hataholi ndoos-sala laketu-lala'di hataholi ka'a-fa'di ka duak sila-la, nenik enok hohonge, ma kanisak-ka, nana memak sila lasala so.”

IMAMAT 17:13

Metema, hataholi Israel esa, do hataholi nusa esa, ana leo nahele nai leoina Israel-la tala'da, ho'un-na manupui, do bana fe'ek, fo ta nalulik fa soona, muse ana do'do heni bana ndia daan-na, fo nakadofu ketun nenik dae.

ZEFANYA 1:17

Manetualain nafa'da nae, “Neukose, Au fe susa-soe ba'uk-ka, leo hataholi daebafak-ka neu, nalosa lafangganggao, sama leo hataholi pokek-ka. Lasala-lasingo neu Au so, de besak ia, neukose daan-nala faa sama leo oe-a, ma popolan-nala laboo lai dae lain.”

ULANGAN 12:16

Ka'da emi ta bole mi'a daan-na fa, po'ahenin leo dae lain neu, sama leo oe-a.

ULANGAN 12:24

Ta bole mi'a daan-na makandondook fa, te emi muse po'ahenin leo dae lain neu, sama leo oe-a.