YESKIAL 24:3 - Susula Malalaok Hehelu Palak Ma Hehelu Beuk

³ Au, Manetualain, anuu nakandandaak esa ia, soaneu manduku-malosak-kana neu Au anang fo, ala hii ka'da lena-la'ban sila: Di'a oe leo ulek dale neu, soona so'un leo la'o lain neu.

YESKIAL 24:3 ပူးပေါင်းရင်းမြစ်များ

2RAJA-RAJA 4:38

La'i esa boema, la'a-ndoes-sa, ana da'di nai basa nusak-ka lala'en-na. Boema Elisa fali ne'un leo Gilgal neu. Lelek ana bei nanoli nabi bubuak esa, te nadenu atan-na ho'i-na uledae matua esa, fo ana do'de-nasu sila nana'a-nininun.

MAZMUR 78:2

Au nau kokolak dede'a lasik ma nakandandaak, ma au afa'da mangalele'do, neneuk tepo lelek makahulun-na,

YESAYA 1:2

Hai lalai, mamanene leon hai daebafak-ka, taoafik leona! Manetualain nafa'da nae, “Au anang fo Au akabobois-sala, ala lena-la'ban Au paletang-nga so.

YESAYA 29:2

Tehu neukose, Manetualain fe soe-a mai, neu kota ndia, nalosa hataholi-a nakadii-nakau ma nahoo. Basa kota lala'en-na, nalupa leo mei tunu-hotuk fo, nadiu daak.

YESAYA 30:1

Manetualain nafa'da nae, “Soe ba'eneu mauli-malangan Yehuda-la, nanahu ala la'ban Au. Ala tunga dale tutu'uk fo, ta neme Au dale tutu'ung-nga mai fa. Ala lima-lee, hehelu-balataak fo, nasei-kosalak no Au dale hihiing-nga. Hu ndia de, sala-singon-nala ladodou.

YESAYA 30:9

Nana, sila nde been-na, leoina esa, fo ala hii ka'da la'ban Au, ala hii ka'da lasapepeko-lasandandali, ma ala ta nau lamanene Manetualain nanolin-na fa.

YESAYA 63:10

Tehu ala lena-la'ban, de ala tao lakahehe'dik, Manetualain dalen-na. Boema, Ana nasafali da'di sila musun, de Ndia mesak-kana, natee-natati la'ban-nasa.

YEREMIA 1:13

Boema Manetualain natane seluk au nae, “O mita seluk beek bai?” Boema, au ataa ae, “Au ita ulek-ka nakadoto nai boboak kii, de hii-hii nae nasale leo ia mai.”

YEREMIA 1:14

Manetualain nafa'da nae, “Soe matuaina, neukose ana mai neme kii mai, fo ana tunin-na basa nusak ia laun-nala.

YESKIAL 11:11

Da'di, neukose emi ta leo no nee-nee lino-linok nai nusak ia dalek, de ta sama leo paa nai ulek esa dalek fa. Neukose Au usi emi, fo Au huku emi nai nusak Israel-la.

YESKIAL 11:3

Hu ndia de, hai hataholi daebafak fo, manasapu-manalalok-konei, manduku-malosak Au hala hehelung-nga la'eneu sila huhukun-na. Nana lafa'da lae, ‘Ta dook-ka so'on te, neukose ita tafofo'a falik uma ia-la. Kota ia da'di ulek, ma ita da'di paa nai ulek dale. Neukose ita ta hapu ha'i-a haan-na fa, nanahu ulek ia nasulu-nahapa ita.’ ”

YESKIAL 11:7

Hu ndia de, Au, Fo Manetualain Mademaina, Au afa'da o ae, Memak kota ia da'di ulek, tehu paa manai ulek dale-a, ta nde emi fa, te nde hataholi fo, emi taomisak-kala! Tehu ba'eneu emi soona, neukose Au usiheni emi, fo emi kalua meme kota ia dalek mai!

YESKIAL 12:2

“Hai hataholi daebafak fo, manasapu-manalalok-konei, o leo nai hataholi malenalanga-masa'ba sook-kala tala'da heon. Sila mamatak, tehu ta lita fa; madi'idook, tehu ta lamanene fa, nana ala nau lalenalanga-lasa'basoo.

YESKIAL 12:25

Au, Manetualain Fo Mademaina, kokolak neu leoina Israel-la, ma basa hata fo Au afa'dan, tao leo bee-o neukose ana da'di no lai-laik. Mamanene leon, hai leoina malenalanga-masa'basook-kala lemin! Nai tepo-lelek o maso'da, neukose Au akalala'ok basa hata lala'en fo, Au afa'dan neu o. Au, Manetualain Fo Mademaina, nde manakokolak-ka.”

YESKIAL 17:12

“Matane malenalanga-masa'basook sila-la, ade sila lalelak nakandandaak ndia, sosoa-ndandaan do ta Mafa'das mae manek Babel-la nai Yerusalem so, de ana foo neni mane Yehuda no basa kota ndia hataholi matua-mademan-nala, leo Babel leu.

YESKIAL 17:2

“Hai hataholi daebafak fo, manasapu-manalalok-konei, tui fe hataholi Israel-la, nakandandaak esa ia.

YESKIAL 2:2

Nai lelek au amanene halak ndia boema, Manetualain Duladalen-na, ana masok leo au aoinang dale neu, de ana tao-na au apadeik atetu. Basa boema, au amanene seluk halak ndia nafa'da nae,

YESKIAL 2:3

“Hai, hataholi daebafak manasapu-lalok-konei, Au adenu o muu leo hataholi Israel fo, manalena-la'ban neu Au-a. Hataholi sila-la, malenalanga-masabasook-kala, sama leo sila bei-ba'i kain-nala boe.

YESKIAL 2:5

su'di ala nau lamanene do ta; te Au paluuk-kande, sila muse bubuluk, lae hapu nabi nai sila tala'da.

YESKIAL 2:6

Tehu o, hai hataholi daebafak manasapu-lalok-konei, boso bii-mamata'u neu basa malenalanga-masabasook sila-la, ma neu sila hala-kokolan-nala. Neukose, ala lena-la'ban o, ma lakamumulu-lakamamaek o, nalosa o maso'dam-ma, nono'kabai nai kulak-ka tala'da. Leomae leondiak boe, boso bii-mamata'u.

YESKIAL 2:8

Hai, hataholi daebafak manasapu-lalok-konei, mamanene hata fo, Au afa'dan neu o. Boso da'di malenalanga-masabasook boe. Mapook o bafam-ma, fo mu'a hata fo, Au fen neu o.”

YESKIAL 20:49

Tehu au fo Yeskial, au afa'da au hahapung-nga nae, “Manetualain Fo Mademaina, boso madenu au afa'da dede'ak ndia! Basa hataholi-la, ala haladoi so, nana au nau kokolak nenik dede'a nakandandaak, nalosa ta lalelak sosoa-ndandaan fa.”

YESKIAL 24:6

Manetualain Fo Mademaina, nafa'da nae, “Soe ba'eneu kota fo henuk no kanisak-ka! Kota ndia, sama leo ulek-ka nalulutu, fo beita lose nita fan. So'deheni paa manai ulek ndia dalek-ka, biak esa-esa, fo boso ela biak esa boen.

YESKIAL 3:9

Neukose, Au tao o da'di batu piak, fo tean-na sama leo batu intan-na. Boso bii-mamata'u neu malenalanga-masabasook sila-la.”

MIKHA 2:4

Neukose hataholi pake emi ua-nalem da'dileo dede'a holo, ma neukose ala tao nakamee fafaluk-ka nde ia: ‘Manetualain loso-na ami nusam ia so de Ana fen neu hataholi fo manafoo neni ami-a. Ami lutu-lutu makandondook so.’ ”

MARKUS 12:12

Boema basa lasi-lasi leoina Yahudi fo mana mamanene nakandandaak ndia, ala sanga enok ho'u Yesus, nana ala bubuluk Yesus kokolak nakandandaak ndia, ana tu'da la'e sila nde ndia. Tehu ala bii hataholi makadoto kala. Da'di, ala la'oela Yesus.

LUKAS 8:10

Yesus nataa nae, “Emi nanafe baba'e-babatik basa soaneu bubuluk bibila-babaak la'eneu tao leo beek Manetualain paleta da'dileo Mane ka. Tehu hataholi fe'e kala soona, nanananolik ninik nakandandaak, fo ela ala taoafi kana, tehu ala ta bubuluk hata fo ana da'di fa, ma lamanene tehu ta lalela kana fa.”

HATAHOLI 7:51

Tolanoo kala langa batu manseli, ma tea na seli soaneu emi tunga Manetualain! Emi di'idoo mala pake nanseli neu Manetualain dede'a-kokolan! Emi mo emi bei ba'ikai mala matak esa! Emi la'ban Manetualain Dula Dale na tataas esa!