YESKIAL 23:8 - Susula Malalaok Hehelu Palak Ma Hehelu Beuk

⁸ Ana sosoa-piao nakandoo, sama leo makahulun-na, ana sosoa-piao neme Masir, nai lelek mopo na'de anafe'oanan-na. Nai lelek bei anan-na, hataholi sungu non so, de ala taon da'di leo ina manasosoa-piaok.

YESKIAL 23:8 ပူးပေါင်းရင်းမြစ်များ

1RAJA-RAJA 12:28

Ana tai dodoo basa dede'ak ndia boema, ana tao na sapi lilopilas nanadoki-dulak dua, boema nafa'da laun-na nae, “Leoina Israel-la lemin! Dook-ka nanseli so, emi meu leo Yerusalem meu fo hule-haladoi. Mulai neme besak ia mai buas ia-la nde da'di emi lamatuam fo no emi kalua meme Masir mai!”

2RAJA-RAJA 10:29

Hu ndia de, Manetualain nafa'da Yehu nae leo ia, “Basa hata lala'en, fo Au paletan neu o, fo o taon neu Ahab tititi-nonosin-nala, o taon so. Hu ndia de, Au aheluk, ae o upu-anam, losa tititi-nonosi ka 4, neukose da'di manek neu Israel.” Tehu, Yehu ta tunga Amak, fo Israel Manetualain-na, hoholo-lalanen no dale katema tuak fa. Ana tunga Yerobeam tatao-nono'in, fo ana taon-na hataholi Israel-la lasala-lasingo nenik, ala sene-do'ok neu sapi lilopilas fo, lapadedeik-kana nai Betel ma Dan.

2RAJA-RAJA 17:16

Ala la'olena sila Manetualain hoholo-lalanen lala'en-na, de ala tao-la sapi dua neme liti-a mai, fo ala sene-do'ok neun. Ala tao lamatua daebafa Inak Asyera, dodoki-dudulan, ala sene-do'ok neu nduuk-kala, ma ala sene-do'ok neu Lamatua Daebafak Baal-la.

KELUARAN 32:4

Harun ho'in-na lolo'ek sila-la de natanoes boema ana di'an leo mamana dodoki-dudulak esa dalek neu, de ana taon-na sapi nanadoki-dulak esa. Leoina ndia nafa'da nae, “Hai Israel, Ita lamatuan fo manahela-nole ita kalua teme Masir mai-a, nde ia!”

YESKIAL 20:7

Au adenus fo, ala tu'u-tapaheni, sila hii lanuu dodoki-dudulak fo nanamaluak sila-la, ma Au kena-ka'is, fo ala boso tao langgenggeo aoinan-nala nenik, ala sene-do'ok neu sosongo-tatangok maneme Masir sila mai, nana Au nde, sila Aman Manetualain-na.

YESKIAL 23:19

Ana boetai sosoa-piao, sama leo bei muli-solun-na, fo nai lelek ana sosoa-piao neme Masir-ra.

YESKIAL 23:21

Hai Oholiba, o mahiik tao seluk o tatao-nono'i mangalaum fo, o tao-no'in nai lelek o bei muli-solum-ma, ma nai lelek hataholi Masir-ra, ala de'i o.)”

YESKIAL 23:3

Nai lelek bei muli-solun-nala, ala leo leme Masir. Mopo na'de anafe'oanan-nala neme Masir, de ala da'di ina manasosoa-piaok.

NINITAK 11:8

Popola nala neukose lalefule'ak nai kota matua ndia enon lain, fo nai bee sila Lamatua na nanalona-nggangek. Kota ndia na'de nakasasama na nde Sodom do Masir.