YESKIAL 23:5 - Susula Malalaok Hehelu Palak Ma Hehelu Beuk

⁵ Leomae Ohola ana da'di Au saoinang so, tehu ana bei sosoa-piao nahele, de ana manggate nanseli, nalalau-naoono tou susue-lalain-nala leme Asyur mai.

YESKIAL 23:5 ပူးပေါင်းရင်းမြစ်များ

1RAJA-RAJA 14:16

Neukose Manetualain la'oela Israel nanahu Yerobeam nasala-nasingo so, ma ana tao na hataholi Israel-la lasala-lasingo boe.”

1RAJA-RAJA 14:9

Tehu o tao tatao-nono'i mangalauk matuaina, lena neme hata fo manapaleta makahuluk-kala tao-no'in-nana. O la'oela Au ma o tao mafo'a Au nasa-melung nenik o tao sosongo-tatangok boema doki-dula kala leme liti mai, fo o sene-do'ok neun.

1RAJA-RAJA 15:26

Saman-na leo aman fo ana paletan-nakahuluk neme ndia mai, ndia boeo tao tatao-nono'i mangalauk nai Manetualain mata memeten-na, nalosa ana tao na hataholi Israel-la lasala-lasingo.

1RAJA-RAJA 15:30

Yerobeam nasala-nasingo, de ana tao na hataholi Israel-la boeo lasala-lasingo. No enok ndia, Yerobeam tao lafo'a Amak fo hataholi Israel-la Manetualain-na nasa-melun.

1RAJA-RAJA 21:26

Ahab tao sala-singok fo neni mamaek nanseli a nde: ana sene-do'ok neu sosongo-tatangok sama leo hataholi Amori-la tao-no'i ka. Hataholi Amori sila, Manetualain usihenis kalua leme nusa Kanaan-na naik lelek hataholi Israel-la masok nusak ndia.

2RAJA-RAJA 15:19

Lelek Pul fo Manek Asyur-ra sapu-na Israel, boema Menahem fen lilofulak kilo 34.000 fo ela ana tulu-falin, fo tao natea-nahele Menahem koasan-na neu Israel.

2RAJA-RAJA 16:7

Ahas nadenu hataholi neu leo Tiglat-Pileser, fo mane Asyur-ra neu, fo nini hala heheluk-ka nde ia: “Au ia, o atam fo manalilinekak; hu ndia de, au dokodoe fo, mai leon-na, fo soi-mala au, neme mane Siria, ma mane Israel-la, te besak ia, ala sapu-la au.”

2RAJA-RAJA 17:3

Salmaneser, fo Asyur manen-na, natee-nata'ti non, de ana sengin, nalosa tunga teuk, ana muse bae bea leo mane Asyur-ra neu.

YEREMIA 50:38

Tao mama'dak basa lee-la, ma tina-nala! Hu ka nde Babel henuk no sosongo-tatangok ma bibii ina mai fo nde nanatao namulu hataholi kamahehelek-kala.

YESKIAL 16:28

Tehu o tatao-nono'im sila-la, beita dai fa; o usi mahele hataholi Asyur-ra. Fo o sosoa-piao moos, tehu ala beita tao lamahoko o dalem-ma boen.

YESKIAL 16:37

Hu ndia de, neukose Au aloo akabubua basa o tou susue-lalai palam-mala, nau touk fo, o mahiik-kana, do touk fo, o ta mahiik-kana fa boe. Neukose, lapadeik okofefeo-la o, fo ala o'du lakaholak o, nalosa o hapu mita, o aopaa makaholam-ma.

YESKIAL 23:12

Oholiba boeo, nahiik nanseli no hataholi Asyur sila-la, fo nde ta'eana mata makeek-kala leme solda'du manasa'e ndala-la mai, basa manefetoana-la, manapaleta matua-madema-la, boema solda'du manapake bua papake pila balanggeok sila-la.

YESKIAL 23:16

Lelek Oholiba nita dulak sila-la boema, nasa sosoa-piaon fo'a, de ana ka'i malanga solda'du matuaina manai Babel sila-la,

YESKIAL 23:20

Nasa sosoa-piaon-na, nasuu nanseli neu touk-kala, sama leo ndala mane manasanga ndala ina. (

YESKIAL 23:4

Ka'ak-ka na'de, Ohola; fo nde Samaria. Fa'dik-ka na'de, Oholiba; fo nde Yerusalem. Au sao-a duas, de Au hapu anak neme duas mai.

YESKIAL 23:7

Ohola sosoa-piao no manapaleta matua-madema sila-la. Bai te, hu kande nasa sosoa-piaon nasuu nanseli, de ana tao nanggenggeo aoinan-na, nenik ana sene-do'ok neu hataholi sila sosongo-tatangon-nala.

YESKIAL 23:9

Hu ndia de, Au fen leo tou susue-lalain-nala neu, fo nde hataholi Asyur fo, nahiik-kasa nanseli ndia.

HOSEA 10:6

Neukose, ala ko'o leni sosongo-tatangok ndia leo Asyur neu, fo ala fe hiik-kana neu mane matua. Israel tunga dale tutu'uk, fo manatao-nalas hapu mamaek ma nakamumulu-nakamamaek ndia.

HOSEA 12:1

Manetualain nafa'da nae, “Leoina Israel-la, okofeo-la Au nenik masapepeko-masandandalik ma tipu-daik. Leoina Yehuda lena la'ban lahele Au, Manetualain fo Malalao-malalafuk, ma manalilinekak.

HOSEA 5:13

Leoina Israel-la, ma hataholi Yehuda-la, lame'da lita sila ha'da-tataon mangalaun-na, boema Israel neu leo Asyur neu, fo noke tutulu-fafalik neme manek matua mai. Tehu manek ndia, ta hapu tulu-fali, do tao matalolole sila ha'da-tataon fa.