YESKIAL 23:18 - Susula Malalaok Hehelu Palak Ma Hehelu Beuk

¹⁸ Basa ndia boema, ana sosoa-piao no le'do-le'dok, ma natu'du aoinan-na nai lea matan. Au meten soona, Au malua, sama leo Au malua ka'an-na.

YESKIAL 23:18 ပူးပေါင်းရင်းမြစ်များ

MAZMUR 106:40

Boema Manetualain nasan-na lua ponu-ponu soaneus, Ana malua seluk, Ndia nuu mesan-na.

MAZMUR 78:59

Manetualain nita boema, namanasa nanseli, de Ana ta sipok-kasa, makandondook fa.

YESAYA 3:9

Sila heo-hilun fo manakoao-ndaeaon-na, natu'du sila tatao-nono'i mangalaun-na. Sila tao sala-singok no le'do-le'dok, sama leo makahulun-na hataholi Sodom-mala. Soe ba'eneu sila! Sila leni soe fe sila aoinan-nala.

YESAYA 57:8

Emi pasak emi dodoki-dudula manggenggeom-ma neu emi umam-ma lelesun-na, bafan-na. Emi la'oela Au so. Emi o'duheni, emi bua papakem-ma, de kae leo pepe'uk fo, emi tao mamaloan nenik emi hataholi susue-lalai tou-ta'em ma ina-anafe'om, de emi se'ban, fo ana sungu no emi, soaneu emi tao matetu emi dale hihiim-ma.

YEREMIA 12:8

Au anang-ngala la'ban Au; sama leo singa nai bafak dale, leondiak boe, sila langao lasale Au.

YEREMIA 15:1

Manetualain nafa'da au nae, “Neukose Au ta sue-lai leoina ia-la so'on, leomae Musa ma Semuel lapadeik nai ia, fo loke susue-lalaik neu sila. Madenu laoina ia-la la'o, te Au ta nau mete-lakanae fas!

YEREMIA 6:8

Hei laun Yerusalem-mala lemin, tunga ndoon-na, basa toto'a-tataak sila-la, ala da'di nasanene'dak esa neu o! Boso nalosak Au la'oela emi, ma Au tao asafali emi kotam-ma, da'di moo solokaek, fo hataholi ta leo fan.”

YEREMIA 8:12

Hai Au anang-ngala lemin, tunga ndoon-na, emi muse mae, nanahu emi tao basa hata fo, nananakamumulu-nakamamaek ndia so! Tehu emi makapapalulou, ma bibii-mamae tak-kala. Hu ndia de, neukose emi tu'u meu, sama leo hataholi fe'ek fo, manatu'u basak-kala so; metema Au huku emi soona, mopo emi dipom-ma.

RATAPAN 2:7

Manetualain ta sipok mei tunu-hotun fo malalao-malalafuk-ka fa, Ana la'oela Uman-na; Ana po'ilotak musu-a tao natu'u papala nanadaman-nala. Nai mamanak fo makahulun-na ita sene-do'ok ma tao feta, musu-a eki nanahu lamahoko-setelee.

YESKIAL 21:24

Au, Manetualain Fo Mademaina, afa'das ae, ‘Emi sala-singom, nanabubuluk basak so, de basa hataholi-la, ala bubuluk lae emi masala. Emi tatao-nono'i mangalaum-ma, nananitak nai basa emi tatao-nono'im lala'en-na dalek so. Besak ia, fain-na losa, emi nanahukuk so, de neukose Au fe emi leo emi musum-ma neu.’

YESKIAL 23:10

Ala o'du lakaholak-kana no nakasetik, boema ala taolisan nenik tafaina, de ala loso-la anan-nala. Inak-kala kokolak na'den-na, nai basa mamanak lala'en-na.

YESKIAL 23:19

Ana boetai sosoa-piao, sama leo bei muli-solun-na, fo nai lelek ana sosoa-piao neme Masir-ra.

YESKIAL 23:9

Hu ndia de, Au fen leo tou susue-lalain-nala neu, fo nde hataholi Asyur fo, nahiik-kasa nanseli ndia.

HOSEA 2:2

Manetualain nafa'da nae, “Hai Au anang-ngala lemin, au saong ta emi inam so'on, ma ndia saon ta Au fa. Hu ndia de madede'a moon, fo ela ana boso hohonge ma ana boso boe da'di manasosoa-piaok seluk bai.

HOSEA 7:1

Manetualain nafa'da nae, “Nai lelek fo Au hii akahahaik Au anang Israel, ma tao atalolole sila ha'da-tataon, boema Au ita ka'da sila tatao-nono'i mangalaun-na, ma sala-singon-nala. Sila esa ke'dindiu esa, leu lamanako nai hataholi uman, ma laseti-lalaka hataholi hata-heton nai enok-kala.

AMOS 5:21

Manetualain nafa'da nae, “Au ta hii, ma malua mete emi agama-ma fai malolen-nala!

AMOS 6:8

No balakaik Manetualain Fo Manakoasa ma Mademaina, Ana fe basa hala nasanene'dak-ka nde ia nae, “Au ta hii hataholi Israel-la koao-ndaeaon fa; Au ta hii sila uma manen fo malole-mana'an-nala fa. Neukose Au fe sila nusan-na polon-na, no basa hata manai dalek-kala lala'en-na, leo musu neu.”

ZAKHARIA 11:8

Manafoo 3, de 3-s ta hii au fa, ala tao-la au hihii amanasa. Au usi henis, nai bulak esa dalen-na.

ULANGAN 32:19

Manetualain nita dede'ak ndia boema, namanasa, de Ana ta sipok anan-nala fa.