YESKIAL 22:9 - Susula Malalaok Hehelu Palak Ma Hehelu Beuk

⁹ Nai o laum-ma dalek, hapu hataholi manatui dede'a pe'dak, fo lakasasa'ek dede'ak neu hataholi fe'ek, fo ela hataholi ndia nanahukunisak. Hapu nggelok boe, ala hii la'a paa fo, nanatunu-hotu basak neu sosongo-tatangok-kala so. Hapu nggelok seluk bai, ala hii tao tatao-nono'i manggenggeok.

YESKIAL 22:9 ပူးပေါင်းရင်းမြစ်များ

MAZMUR 101:5

Neukose, au tao amopo-amate hataholi fo, no denge-dengek, ana tao nanggenggeo hataholi na'den. Neukose au ta po'ilotak hataholi manakoao-ndaeaok-ka, ma hataholi fo, namatutua-namadedema aoinan-na.

MAZMUR 106:28

Basa boema, ala sene-do'ok neu Baal neme Peor, ma la'a nana'ak fo, nanatunu-hotuk soaneu lamatua daebafak-kala.

MAZMUR 50:20

O makasasa'ek dede'ak nakandoo neu o tolanoom-ma, ma o kokolak dede'a ta malole neu o tolanoo bongim-ma.

KELUARAN 20:16

Boso sakasii pepekok la'eneu hataholi fe'ek.

KELUARAN 23:1

“Boso makalala'ok halak masapepeko-masandandalik, ma boso tulu-fali hataholi mangalauk fo manasakasii pepekok.

AMSAL 10:18

Hataholi mananafuni nape'da dalek-ka nde been-na, manake'di-ndiuk. Hataholi manakokolak nanggenggeo hataholi na'den-na nde been-na, hataholi nggoak.

AMSAL 18:8

Kokolak nanggenggeo hataholi na'den ndia, la'dan-na seli; de hataholi-a nau ko'don.

AMSAL 26:22

Tao nanggenggeo hataholi na'den ndia, la'dan-na seli, de hataholi-a nau ko'don.

YEREMIA 6:28

Sila basa-basas ta tunga paleta, ma langabatuk-kala, de langan-nala tean-na, sama leo liti ma besi-a. Ha'da-paliin-nala kaboo-kabalik, ma ala la'ok su'di leo bee leu soona, ala kokolak langgenggeo hataholi fe'ek na'den-na.

YEREMIA 9:4

Hataholi-a esa-esak, muse nanea besa-besa soaneu nonon-na, ma tolano bongik-ka boeo, ta hapu nananamahelek fa. Nana, sila boeo, sama leo Yakob, de sila esa-esak ke'di-ndiu seluk tolanon-na. Hataholi-a esa-esak, la'ok su'di leo bee neu, fo kokolak nanggenggeo hataholi na'den, ma kokolak dede'a masapepeko-masandandalik.

YESKIAL 11:6

Emi taomisa hataholi de'u-de'u basa ndia so, nalosa eno-enok manai kota dale-la, henuk no hataholi manamatek-kala popolan-na.

YESKIAL 16:43

Au huku o nanahu, o ta mafandele, tao leo beek de, Au puli-amo'do o, nai lelek o bei muli-solum-ma. O taom-ma Au amanasa nenik, o tatao-nono'i mangalaum sila-la. Tao le'e de, o bei popo-tama seluk o ha'da-tataom nanamaluak sila-la, nenik sosoa-piaok-ka bai? Au, Manetualain Fo Mademaina, nde manakokolak-ka.”

YESKIAL 18:11

fo aman beita tao nita tatao-nono'ik sila-la fa. Na'a tutunu-hohotuk fo, nanatunu-hotuk nai mamana sene-do'ok neu lamatua daebafak-kala. Ana fufu'di-oodok ma ana sungu no hataholi fe'ek saoinan.

YESKIAL 18:15

Ni'iana ndia, ana ta nau sene-do'ok neu hataholi Israel-la sosongo-tatangon fa, do na'a tutunu-hohotuk fo, nanatunu-hotuk nai mamana sene-do'ok neu lamatua daebafak-kala. Ana beita fufu'di-oodok nita hataholi fe'ek saoinan fa,

YESKIAL 18:6

Ana ta sene-do'ok neu hataholi Israel-la, sosongo-tatangon fa, do na'a tutunu-hohotuk, fo nanatunu-hotuk nai mamana sene-do'ok neu lamatua daebafak-kala. Ana beita fufu'di-oodok nita, hataholi fe'ek saoinan fa, do ana sungu no inak fo, ana hapu he'di bulak.

YESKIAL 23:29

Nanahu hataholi sila-la ta lahiik loo o fa, de neukose ala loso-la basa o tutunga-sasangam lala'en-na. Neukose ala la'oela o da'di leo ina manasosoa-piao makaholak, fo o da'di bua nanananiluk nai lea matan. O nasa sasaoana manafo'am-ma, ma o manasosoa-piaom-ma nde

YESKIAL 24:13

Hai Yerusalem, o tatao-nono'i ha'da hataholi taa-ma, tao nanggenggeo o aoinam-ma. Au so'ba, tao balisi o, tehu sosoa-ndandaan ta, nana o manggenggeok mahele. Neukose, o ta balisi seluk so'on, losa Au kalua Au nasa-melung neu o.

HOSEA 4:10

Neukose, emi mi'a neme tutunu-hohotuk fo nanatunu-hotuk-ka mai, tehu neukose emi mamala'a mahele. Neukose emi sene-do'ok neu lamatua daebafak, fo ala lamaheles fe bubu'u-palusa lalole, tehu emi laum-ma ta namade'u fa, nana emi la'oela Au so, de emi meu sene-do'ok neu lamatua daebafak fe'ek-kala.”

HOSEA 4:14

Tehu, neukose Au ta huku sila tatao-nono'in ndia fa, nana emi boeo, meu leo manasosoa-piaok fo lalalau-laoono nai uma sosongok-kala, ma emi basa-basam-mala, tunu-hotu tutunu-hohotuk neu lamatua daebafak-ka. Tete'ek-ka dede'ak ia la'en, nae, ‘Leoina fo ta nanuu malelak la'eneu Manetualain fa, neukose mopo-mates.’

HOSEA 4:2

Ala soo-supa tehu ala ta tao tunga fan; ala lasapepeko-lasandandali, lanisa, lamanako, ma ala hohonge. Tatao-nono'i mangalauk-ka boetai nakadele, ma kanisak-ka ana da'di, latutungao.

HOSEA 6:9

Imam-imam manai kota ndia, sama leo nakoda bubuak esa, fo ala maku hataholi mananisik enok ndia. Nai enok fo manaleo mamana malalao-malalafuk manai Sikhem-ma neu, boeo ala tao eno kanisak-ka! Ala tao basa tatao-nono'i mangalauk sila-la, no dale nameme'dak.

HOSEA 7:4

Sila basa-basas manadea-dalek, ma ta manalilinekak-kala fa. Sila dale nakamuu-nakadaun-na, sama leo ha'i nai la'o dale, fo nai lelek manatunu loti-a, beita kame ha'desopun-na fo ana tunun, de ana ta nggengge'u ha'i ndia fa.

IMAMAT 19:16

Boso la'ok neu-mai, fo kokolak hataholi manai emi leoinam-ma dalek na'den-na, fo daenga emi boso meni mamates fe emi nonoo hataholim-ma. Au nde Manetualain.

MALEAKHI 3:5

Manetualain Fo Manakoasa, nafa'da nae, “Neukose Au mai neu emi, fo aketu-ala'di. Neukose no lai-laik, Au da'di sakasii neu hataholi manasuangik-kala, manahohongek-kala, manasakasii pepekok-kala, hataholi fo ana ta bae natetu hataholi mana'a ngga'di-la, ngga'din-na fa, manatuni-ndeni faluina-anamaak-kala, hataholi nusa dea, ma neu basa hataholi fo ana ta fe ha'da-holomata neu Au fa.”

MATEOS 26:59

Malanga ima mala ma basa mana Maketu Mala'di Agama Matua Ina, ala sanga enok fo ala hapu sakasii pepekok soaneu laketu huku lisa Yesus.

HATAHOLI 24:13

Sila boeo ta hapu fe buti esa boen la'eneu sila kalaan neu au a fa.

HATAHOLI 24:5

Ami ho'u ma hataholi ia hataholi mana tao tasi'bu mangalauk. Nai basa mamanak lala'ena nakadada'dik tasi'bu nai hataholi Yahudi la tala'da, ma ana da'di mauli-malangan nai hataholi Nazaret tala nakabua na.

HAKIM-HAKIM 20:6

Au ko'o-a popolan-na, boema au kee-keen, de basa boema, au haituan neu leo ka sanahuluduak manai ita leoinan-na dalek, esan-na biak esa. Au tao dede'ak ndia, nanahu hataholi Gilead sila-la, ala tao basa tatao-nono'i mangalauk, ma neni mamaek nai hataholi Israel-la dalek so.

SEMUEL SUSULAK-KA ESAN-NA 24:10

Saul lipa leo dea neu te, Dauk senek no ha'da-holomata, boema nafa'da nae: “Tao le'e de, Ama Manek mamanene hataholi-la kokolak lae, atam-ma sanga tao soe Ama Manek?