YESKIAL 22:26 - Susula Malalaok Hehelu Palak Ma Hehelu Beuk

²⁶ Basa imam Israel-la, ala la'olena Au hoholo-lalaneng, ma ala tao langgenggeo bua-lo'as fo nanafe hehelik soaneu Au. Ala ta mete kofe'ek, hata beek-kande nanakena-ka'ik ma hata beek-kande ta nanakena-ka'ik fa. Boeo, ala ta lanoli laun-na, fo ala mete kofe'ek, beek kande balisi, ma beek kande manggenggeok, tunga agama nakaneneten-nala. Ala ta taoafik neu fai Sabat-ta fa. No enok ndia de, leoina Israel-la, nakamumulu-nakamamaek Au.

YESKIAL 22:26 ပူးပေါင်းရင်းမြစ်များ

2TAWARIKH 36:14

Fe'ek neme ndia mai, Manetualain Uman fo Manetualain mesak-kana nde taon da'di Uma hehelik ba'eneun-na, mauli-malangan Yehuda-la, imam-imam-mala, ma laun-nala taon langgenggeon, nanahu ala tunga sene-do'ok neu sosongo-tatangok, ma ala tunga leoina manai sila titia-tatain-nala, maso'da masala-masingo-nala.

YEREMIA 15:19

Manetualain nataa nae, “Metema o fali ma'im-ma soona, neukose Au sipok o. Neukose o da'di Au atang seluk bai. Metema o tui-benga dede'a-dede'ak fo masosoa-ndandaak, te ta kokolak bafa louk fa soona, o bole da'di Au nabing seluk ai. Neukose hataholi mai seluk leu o-a mai bai, te ta palu o mu leo sila fa.

YEREMIA 2:8

Ta hapu imam esa boen, fo natane nae, Au, fo ndia Manetualain-na nai bee fa. Basa manaketu-mala'dik-kala boeo, ta bubuluk see Au fa basa manakoasa-la, lena-la'ban Au paletang-nga. Basa nabi-la, kokolak pake Baal na'den-na, ma ala sene-do'ok neu sosongo-tatangok fo, sosoa-ndandaa taak-ka.”

RATAPAN 4:13

Tehu dede'ak ndia da'di so nanahu imam-imam ma nabi-la sala-singon. Ala taolisa hataholi sala tak-ka so.

YESKIAL 22:8

O tao manggenggeo, Au mamana huhule-haladoing-ngala, ma o ta taoafik neu fai Sabat-ta fa.

YESKIAL 23:38

Ma ta ka'da ndia fa. Sila boe, ala tao langgenggeo Au Umang-nga ma fai Sabat fo, Au aketu basan ndia so.

YESKIAL 36:20

Ala lai su'di mamanak bee boe, ala tao langgenggeo Au na'de malalao-malalafung-nga tataas esa. Nana hataholi-la lafa'da lae leo ia, ‘Leoina ia nde been-na, Manetualain anan, tehu ala muse la'oela dae fo, Manetualain fen neu sila.’

YESKIAL 42:20

Da'di, Manetualain Uman-na daen-na, neni dae duduik esa, fo balakak, de boboak esa soona, metel natun dua limahulu. Dae duduik ndia, nanapa'a okofefeok nenik papala nanadamak esa, fo sue kande ana ta'da fe'ek dae hehelik soaneu Manetualain-na, neme laun-na daen-na mai.

YESKIAL 44:10

Manetualain nafa'da au nae, “Neukose, Au huku hataholi Lewi-la, sama-sama loo hataholi Israel fe'ek fo, manala'oela Au, ma manasene-do'ok neu sosongo-tatangok-kala.

YESKIAL 44:23

Basa imam-mala, muse lanoli Au anang-ngala, soaneu ala bisa mete lalelak, beek-kande nanafe hehelik neu Au, ma beek-kande ta, beek-kande balisi, tunga agama, ma beek-kande manggenggeok.

YESKIAL 44:24

Nai dede'ak esa dalek, sila muse fe nakeketuk, da'di leo manakee-manafula, ma sila muse laketun tunga Au nakaneneteng-ngala; sila muse ho'u lahele Au hoholo-lalaneng, ma Au nakeketung-ngala, nai Au fai maloleng-ngala, ma ala tao lalalao-lalafu Au fai Sabat-ta.

YESKIAL 7:26

Susa-soe ma tutui-bebenga ta malole-la, ala mai tataas esa. Neukose, emi dokodoe, fo ela basa nabi-la, lafa'da ela emi, dede'a-kokolak, tehu ala ta bisa fa. Basa imam-mala, nanolin ta, soaneu lanoli salanik-kala, ma mopo mauli-malangan nanoli-nafa'dan so.

IMAMAT 10:10

Emi muse mete malelak, hata beek-ka nde nanafe hehelik soaneu Manetualain, ma hata beek-ka nde ta nanafe hehelik fa, hata beek-ka nde manggenggeok, ma hata beek-ka nde ta manggenggeok fa.

IMAMAT 11:47

Emi muse bisa mete malelak, beek-ka nde balisi, ma beek-ka nde manggenggeok, bana beek-ka nde bole na'a paan-na, ma bana beek-ka nde, ta bole na'a paan-na fa.

IMAMAT 13:43

Imam-ma, muse palisak hataholi ndia, de metema memak hapu peta fula pilabalanggeok soona,

IMAMAT 20:25

Hu ndia de, emi muse mete kofe'ek malelak, bana beek-ka nde nalulin, ma bana beek-ka nde ta naluli fan. Boso mi'a bana nalulik-ka paan-na. Au afa'da ae, bana ndia bana nalulik, da'di metema emi mi'an soona, emi manggenggeo.

MALEAKHI 2:7

Memak basa imam mala bela-ba'un nde, soaneu lanoli hata ndoos-sa la'eneu Au, Manetualain fo Mademaina. Laun-na muse latane sila, Au hihii-nanaung leobeek, nanahu Au hataholi nadedenung-ngala nde sila.

MALEAKHI 2:8

Tehu besak ia, emi fo imam-imam mala lemin, emi la'ok sala neme eno ndoos-sa mai so. Emi nanolim-mala, lele'a-loloso neni hataholi makadotok, fo ala tao salak. Emi tao malutu hehelu-balataak fo Au taon no emi-a so.

ROMA 2:24

Nai Susula Malalaok dale nanasulak nae leo ia, “Hu ka nde emi hataholi Yahudi, de Manetualain na'de na nanatao nanggenggeok nai leoina fe'e kala dalek.”

SEMUEL SUSULAK-KA ESAN-NA 2:22

Eli namalasi nanseli so. Namanene hataholi-la kalaak do'e-do'e, la'eneu anan-nala ha'da-paliin neu hataholi Israel-la. Eli boeo bubuluk, anan sila-la sungu loo inak malalau-maoono nai Manetualain Lalaa Teman-na lelesu bafan-na.

SEMUEL SUSULAK-KA ESAN-NA 2:29

Da'di, tao le'e de emi bei tenepeta lita tutunu-hohotuk fo nandaa no Au paletang-nga, fo Au leoinang-nga, tunu-hotu fen neu Au? Tao le'e de, o fo Eli, fe ha'da-holomata neu o anam-mala, lena neme o fe ha'da-holomata neu Au, ma o po'ilotak-kasa tao laao aoinan-nala nenik baba'ek neulauk-kala, neme basa tutunu-hohotuk fo Au leoinang-nga tunu-hotun soaneu Au?