YESKIAL 22:11 - Susula Malalaok Hehelu Palak Ma Hehelu Beuk

¹¹ hataholi fe'ek saoinan, do manafeun-na, do fa'din fo esak inan, fo ana sungu non.

YESKIAL 22:11 ပူးပေါင်းရင်းမြစ်များ

2 SEMUEL 13:1

Dauk anamanen Absalom, fa'di inaanan esa mata makeek, na'de Tamar. Dauk sao fe'en esa, anamanen-na na'de Amnon, ana hii Tamar,

2 SEMUEL 13:11

Tehu lelek Tamar loo fen kokis ndia boema, Amnon ho'un-nan, de nafa'da nae, “Fa'di-a, mai sungu moo au!”

2 SEMUEL 13:14

Tehu, Amnon ta nau tunga fa, ma hu kande ndia balakain-na lena, boema nakaseti fa'din ndia, de ana tao tatao-nono'i mangalauk non.

YEREMIA 29:23

Sila ua-nalen-nala leondiak nanahu ala tao sala-singok matuaina nai Israel; fonde ala hohonge, ma ala pake Manetualain na'den-na soaneu ala tui dede'a-dede'ak fo ta tete'ek-ka fa. Ndia ta nanda no Manetualain hihi-nanaun fa. Ana bubuluk hata fo ana taok-ka, ma ndia sakasii seluk la'ban sila. Manetualain nde manakokolak-ka.”

YEREMIA 9:2

Ela leo been-na, au hapu mamana susunguk, nai moo solokaek-ka, ba'eneu hataholi fo, nai leleo-lala'on-na dalek! Soona neukose, au la'oela au leoinang, fo au alai leo naa u, fo au dook-ka eme sila mai. Sila basa-basas manatipu-daik-kala, hataholi manalilineka tak, bubuak esa,

YESKIAL 18:11

fo aman beita tao nita tatao-nono'ik sila-la fa. Na'a tutunu-hohotuk fo, nanatunu-hotuk nai mamana sene-do'ok neu lamatua daebafak-kala. Ana fufu'di-oodok ma ana sungu no hataholi fe'ek saoinan.

YESKIAL 18:6

Ana ta sene-do'ok neu hataholi Israel-la, sosongo-tatangon fa, do na'a tutunu-hohotuk, fo nanatunu-hotuk nai mamana sene-do'ok neu lamatua daebafak-kala. Ana beita fufu'di-oodok nita, hataholi fe'ek saoinan fa, do ana sungu no inak fo, ana hapu he'di bulak.

YESKIAL 33:26

Emi mamahena, emi tafainam-ma. Emi tatao-nono'im, nanamaluak. Emi basa-basam-mala, manahohongek mesa-mesan. Ade, emi bei mapalani, manaku dae ia, emi daem do?

IMAMAT 18:15

Boso sungu moo o manafeum-ma anan-na,

IMAMAT 18:20

Boso sungu moo hataholi fe'ek saon; nana tatao-nono'ik ndia, ana tao-na o da'di manggenggeo.

IMAMAT 18:6

Manetualain fe nakanenetek-kala nde ia: Boso sungu moo hataholi esa neme emi tolanoo ka'a-fa'dim mai.

IMAMAT 18:9

Boso sungu moo o fetom-ma, do o feto palam, fo nau emi mamatua sama-sama nai uma esa dalek, do namatua nai uma fe'ek boe.

IMAMAT 20:10

Metema, hataholi Israel esa, ana hohonge no hataholi fo bei sila leoina esa saoinan-na soona, muse hukunisan no inak ndia.

IMAMAT 20:12

Metema touk esa, ana sungu no manafeu inan-na soona, muse hukunisa hataholi ka duak sila-la. Sila hohonge so, de mates, hu kande sila salan-na.

IMAMAT 20:17

Metema touk esa, ana sungu no feton-na, do tolanoo inan fo duas ama esa, tehu esak inan, do ina esa, tehu esak aman soona, sila ta da'di Au anang so'on. Ala tao tatao-nono'i ta kandaak fa, de muse ala lu'a-lepa aon buna-boan.

MALEAKHI 3:5

Manetualain Fo Manakoasa, nafa'da nae, “Neukose Au mai neu emi, fo aketu-ala'di. Neukose no lai-laik, Au da'di sakasii neu hataholi manasuangik-kala, manahohongek-kala, manasakasii pepekok-kala, hataholi fo ana ta bae natetu hataholi mana'a ngga'di-la, ngga'din-na fa, manatuni-ndeni faluina-anamaak-kala, hataholi nusa dea, ma neu basa hataholi fo ana ta fe ha'da-holomata neu Au fa.”

1 KORINTUS 6:9

Ade emi bubuluk hataholi ta manatunga Manetualain hihii-nanau na, neukose ala ta da'di lima eik neme Manetualain hataholi kamahehele nala mai fa do? Boso fe hataholi ke'dindiu na emi! Hataholi manatao-no'i sosoa-piao kala, manasongo-tango kala, manahohonge kala, touk fo nase'o ao paa na neu ina kala fo ana hapu doik, touk manatao tatao-nono'ik fo manini mamaek soaneu nonoo tou na ma saoina na,

GALATIA 5:19

Hataholi daebafa ka hihii-nanaun ma ha'da-tataon, nananitak nai tatao-nono'in fo nde, sosoa-piao ka, manggenggeo ka, ma ta kandaa ka dalek;

ULANGAN 22:22

Metema, nai kota esa dalek, ala ho'u-la touk esa, ana sungu no hataholi fe'ek saon-na soona, muse tapanisa la'iesak duas. No enok ndia, emi tao mamopo tatao-nono'i mangalauk ndia.

ULANGAN 27:22

‘Nanasoo-supak ba'eneu hataholi fo, ana sungu no feto bongin-na, do tolanon fo ama esa, do ina esa.’ Hataholi Israel-la lataa lae, ‘Tete'ek-ka!’ ‘Amin!’

IBRANI 13:4

Basa hataholi lala'ena, muse latu'du heo-hilu ha'da-holomata soaneu uma lo a, hu ndia de ela leo bee na saotou saoinak, esa lilineka nahele no esa. Hataholi mana sosoa-piao ka ma manahohonge ka, neukose Manetualain naketu-nala'dis.