YESKIAL 21:7 - Susula Malalaok Hehelu Palak Ma Hehelu Beuk

⁷ Metema latane o lae, tao le'e de o mahoo soona, mafa'da mae o dalem-ma he'dis-sa, nanahu halak esa, neukose ana mai. Metema halak ndia, ana losa soona, neukose ana tao-na dalen-nala makasufu; liman-nala lakamate, ma lungulangan-nala dele bee-too, ma neukose mopo manggaten-nala. Tete'ek-ka, fain-na losa so, de neukose basa sila-la, ala da'di. Au, Manetualain Fo Mademaina, nde manakokolak-ka.”

YESKIAL 21:7 ပူးပေါင်းရင်းမြစ်များ

2 SEMUEL 17:10

Soona, leomae hataholi palani ta'ti batu, ma hataholi ao makadelek sama leo singa boeo, tao leo bee-o, neukose ana bii boe. Nana basa hataholi Israel-la, ala bubuluk lae Ama Manek aman ndia nde been-na, palani ta'ti batu, ma lae solda'dun-nala nde been-na, matee-mata'ti palani-la.

2RAJA-RAJA 21:12

Hu ndia de, Au, fo Manetualain, fo hataholi Israel-la sene-do'ok-ka, neukose fe soe matuaina neu Yerusalem ma Yehuda, nalosa hataholi see, namanene soe ndia soona, neukose ana nggenge-la.

MAZMUR 58:7

Ou Manetualain, helu la'di nisin-nala leon, Fe'a heni singa molisoluk sila-la nolin-nala leon Manetualain.

YESAYA 13:7

Neukose basa hataholi-la lame'da mate liman-nala, ma mopo palanin-nala.

YESAYA 28:19

Neukose soe-a, tuni-ndeni emi tataas esa, de emi muse lu'a-lepan tunga faik, fafaik, le'dohanak ma le'odaek. Metema emi malelak Manetualain hala hehelun-na soona, neukose emi bii-namata'u.

YESAYA 35:3

Matetea-mahehele lima tapandoes-sa, Taom-matea lungulanga manadelek-ka.

YESAYA 7:2

Lelek manek Yehuda namanene lae solda'du Siria-la masok nusa Israel-la, da'di leo tia-laik boema, ndia no leoinan-na bii-lamata'u lanseli, nalosa ala dele bengge'be, sama leo anin-na fafaek ai-la.

YEREMIA 26:12

Boema au afa'da ae, “Manetualain nde nafa'da au anduku-alosak hala haituak fo la'ban Manetualain Uman-na, ma kota ia sama leo hata fo emi mamanenek-ka.

YEREMIA 49:23

Manetualain nafa'da nae leo ia neu Damsyik. “Laun manai kota Hamat ma Arpad-tala bii lanseli hu ka nde lamanene hala mangalauk. Dalen-nala he'dis ma nalena langa pikok sama leo lii nai tasi lain.

YEREMIA 50:43

Lamanene halak ndia, boema manek Babel-la ta napalani fa. Dudu'a-aafi bibik-ka nai dalen dale so, ma namahe'di sama leo inak fo sanga bongik-kala.

YEREMIA 8:18

Au daleng-nga nono'ka bai nanasasa'dak, de he'dis-sa, au dale he'ding-nga, mo'do-akidoon ta.

RATAPAN 5:17

Lete Sion-na nee-nee lino-lino ma nanala'oelak; busa fuik-kala tonggela nai naa. Hu ndia de, ami dalem-ma nakalulutuk, ami kii losa ami mata memetem-ma da'di keluha'buk.

YESKIAL 20:49

Tehu au fo Yeskial, au afa'da au hahapung-nga nae, “Manetualain Fo Mademaina, boso madenu au afa'da dede'ak ndia! Basa hataholi-la, ala haladoi so, nana au nau kokolak nenik dede'a nakandandaak, nalosa ta lalelak sosoa-ndandaan fa.”

YESKIAL 21:15

Ana tao-na Au leoinang-nga mopo palanin-nala, de ala tu'u fo'a. Au fe nasanene'dak mahelek neu sila kotan-na, nenik tafaina fo isin-na, nangale'do sama leo ndelas-sa, ma naheheleaon fo nado'do-napau ndia.

YESKIAL 21:6

Hai hataholi daebafak fo, manasapu-manalalok-konei, makadii-makau ma mahoo nai hataholi Israel-la matan, nono'kabai o dalem-ma he'dis-sa, ma ketu o namahehenam-ma.

YESKIAL 21:8

Manetualain nafa'da au nae,

YESKIAL 22:14

Tehu nai lelek Au huku basa o soona, o bei mapalani, do o bei mabe'i-balakaik soaneu o so'uk o limam-ma do ta? Au, Manetualain Fo Mademaina, kokolak basa so, de neukose Au tao hata fo, Au kokolak basan so.

YESKIAL 24:19

Boema laun-nala latane lae, “Tao le'e de, Ama tao leondiak? Sosoa-ndandaan le'obeek ba'eneu ami?”

YESKIAL 6:2

“Hai, hataholi daebafak fo, manasapu-manalalok-konei, makanae leo Israel leten-nala neu, fo manduku-malosak Au hala hehelung fo, la'eneu sila huhukun-na.

YESKIAL 7:17

Hataholi lala'en-na, neukose liman-nala lakamate, ma lungulangan-nala makei.

YESKIAL 7:26

Susa-soe ma tutui-bebenga ta malole-la, ala mai tataas esa. Neukose, emi dokodoe, fo ela basa nabi-la, lafa'da ela emi, dede'a-kokolak, tehu ala ta bisa fa. Basa imam-mala, nanolin ta, soaneu lanoli salanik-kala, ma mopo mauli-malangan nanoli-nafa'dan so.

DANIAL 5:6

Mata-panan fula ma ana bii nanseli, nalosa lungulangan-na dele ngge'be-ngge'be.

IMAMAT 26:36

Emi hataholim manai mamana okak nusa fe'ek-kala, neukose Au tao-alas ala bii-lamata'u lanseli, nalosa anin-na fuu akidook-ka fo nangguu boeo, ala bii fo lalai. Neukose emi malai, nono'kabai ala usi emi nai natee-natatik dale, boema emi tu'u-fo'a, leomae ta hapu musu deka no emi fa.

NAHUM 2:10

Niniwe lutu-lutu so, ana da'di mamana nees ma na'u-aiana, ta moli nai ndia so'on. Hu kande, bibii-namata'uk-ka de laun-na dalen-nala makasufu. Lungulangak-ka nakamate ma dele ngge'be-ngge'be. Basa hataholi-la mata panan-nala befula.

LUKAS 21:26

Hataholi daebafa ka neukose ala bii lini mamate momopon lasasale matak lo hata fo neukose ana da'di nai daebafak ia lala'ena, nana basa mana koasa lalai maloa ta latetu-landaa so'on.

ULANGAN 20:8

Basa solda'du matuaina-la boeo, muse lafa'da dede'ak ia neu emi lae, ‘Ade, nai emi dalek, hapu hataholi tene manahailuak ma manabii-mamata'uk do? Metema hapu soona, ana bole fali ne'un, fo ela ana boso taon-na hataholi fe'ek mopo palanin-na.’

IBRANI 12:12

Hu ndia de, tao balakai emi limam mana ndole-ndaku mala, ma emi lungulanga mana delem ndia!

YOSUA 5:1

Basa mane Amori manai Lee Yarden-na boboan muli, ma basa mane Kanaan manai Tasi Tala'dak-ka su'un-na, lamanene lae Manetualain Manakoasa, tao nama'da lee Yarden-na, nai lelek hataholi Israel-la lena lee ndia. Boema ala bii ma ala dele bengge'be, nanahu hataholi Israel-la.

YOSUA 7:5

Hataholi Ai-la usis leme kota Ai lelesuinan-na, losa leo mamana kali lilopilas-sa neu, de ala taolisa, fafa'kama hataholi teluhulu nee, neme hataholi lifu ka teluk-kala mai, nai pupukuk-ka huun-na. Boema hataholi Israel-la hela-hae, ma ala bii.

1 PETRUS 4:7

Basa hata lala'e na sanga deka basan ia so, hu ndia de, ela leo bee na emi muse paleta ma ao ina mala ma manea, fo ela emi hapu loak soaneu hule-haladoi.