YESKIAL 21:5 - Susula Malalaok Hehelu Palak Ma Hehelu Beuk

⁵ Soona besak-ka hataholi-la bubuluk, lae Au, Manetualain, fe'a-a Au tafainang-nga, de ta so'dok falik-kana so'ok fa.’

YESKIAL 21:5 ပူးပေါင်းရင်းမြစ်များ

YESAYA 45:23

Au helu basa so, de Au hehelung-nga, neukose ta hela falik-kana fa; Au soo inik Au na'deng-nga: Basa hataholi-la, neukose ala senek nai Au matang, ma laheluk nai sila dede'an-na dalek, soaneu lilineka neu Au.

YESAYA 55:11

Leondiak boe, dede'a-kokolak fo, Au kokolak-ka, ana ta fali ma'in leo Au mai, no palsuma fa, tehu ana hapu tao hata fo, Au ahiik-kana, ma ana hapu basa hata lalaen fo, Au dudu'ak-ka.

YEREMIA 23:20

Nasa-melun neukose ta naloe fa, metema Ana dudu'a-aafi nakala basa-basas beita da'di fa. Nai fai makabuin-na neukose Manetualain anan-nala bubuluk dede'ak ndia no mangale'dok.”

YEREMIA 25:27

Boema Manetualain nafa'da neu au nae, “Mafa'da meu hataholi sila-la mae Au, Manetualain Fo Manakoasa, fo Israel Manetualain-na nadenus ala ninu losa ala mafuk ma ala muta-muta mesan. Au taoas latu'u lai fo'ak de ala ta hapu fo'a fa, nanahu natee-natatik-ka fo au uni fen neu sila.

YESKIAL 17:2

“Hai hataholi daebafak fo, manasapu-manalalok-konei, tui fe hataholi Israel-la, nakandandaak esa ia.

YESKIAL 20:48

Neukose ala bubuluk lae Au, Manetualain nde tao napila ha'i ndia, de ta hapu hataholi esa boen, bisa taonisa ha'i ndia fa.’ ”

YESKIAL 21:30

Hai hataholi Amon-nala lemin, so'dok falik emi tafainam-ma! Neukose, Au aketu-ala'di emi nai mamanak fo, emi nananakadada'dik, ma nanabongik-ka

YESKIAL 21:6

Hai hataholi daebafak fo, manasapu-manalalok-konei, makadii-makau ma mahoo nai hataholi Israel-la matan, nono'kabai o dalem-ma he'dis-sa, ma ketu o namahehenam-ma.

NAHUM 1:9

O tutu'u beek fo o taon soaneu la'ban Manetualain soona, tao leo bee-o, neukose ta da'di fa. Neukose Ana ta balas nape'da dalen-na losa la'i dua neu musun-nala

ULANGAN 32:40

No Au, Manetualain fo maso'dak-ka, na'den-na, Au so'uk Au limang-nga, Au soo-supa:

SEMUEL SUSULAK-KA ESAN-NA 3:12

Nai faik ndia, neukose Au tao basa hata lala'en, fo Au fe basa nasanene'da mahelek neu Eli teidale-bobongin-nala neme makasososan-na, losa mate'en-na.