YESKIAL 21:3 - Susula Malalaok Hehelu Palak Ma Hehelu Beuk

³ mae Au, Manetualain kokolak nae leo ia, ‘Au ia, emi musum-ma, Neukose, Au fe'a-a Au tafainang-nga, fo Au taoisa emi basam-mala, nau hataholi mangalauk, do hataholi malole boe.

YESKIAL 21:3 ပူးပေါင်းရင်းမြစ်များ

MAZMUR 17:13

Fo'a leon, ou Manetualain, la'ban au musung-ngala, fo tao makalas leon-na. Soi-tefa-mala au, nenik O tafainam-ma, neme hataholi mangalauk-kala mamain-na

MAZMUR 80:17

Musu-a lo'on, de ana hotu henin; nemen-na fo, O nasa-melun tao namopo-namates.

MAZMUR 83:15

Sama leo ha'i-a na'a heni nula, ha'i pilak fo, na'a naputu letek-kala.

KELUARAN 15:9

Musu nafa'da nae, ‘Neukose au usis, fo au ho'u-alas, au fe'a au tafainang-nga, de au ta'ti isas. Boema au loso-a hata-heto-nala, au baba'en, fo au u'a-paken losa au doa-henin.’

PENGKHOTBAH 9:2

Memak, ua-nalek matak esa ana tuni la'e hataholi-a esa-esak; Nau hataholi dale ndoos do hataholi malela ha'da tak-ka, nau hataholi malole do hataholi mangalauk, nau hataholi balisi do hataholi manggenggeok, nau hataholi fo ana tunu-hotu tutunu-hohotuk, do hataholi manatunu-hotu tak-ka boe. Hataholi malole-a, ua-nalen ta malole lena heni hataholi masala-masingok-ka fa, hataholi manasoo-supak-ka, sama no hataholi fo ana ta nau soo-supa fa.

YESAYA 10:5

Manetualain nafa'da nae, “Soe ba'eneu Asyur! Au pake Asyur da'di leo ue, ma ai kalapu'ak soaneu fepa hataholi fo Au nasa-melung tu'da la'es.

YESAYA 34:5

Manetualain sadia basa tafainan-na, nai nusa so'dak-ka so, de besak ia, neukose tafaina ndia na'a leoina Edom fo, huhukun-na nananaketu basak so, de neukose nanatao namate-namopok.

YESAYA 57:1

Hataholi malole ma manatao tatao-nono'i malaole-a maten soona, ta hapu manabubuluk, do manataoafik neu fan. Mate basa soona, sila lala soe-a deak, ma sila hahaeaon no mole-dame.

YEREMIA 17:27

Basa sila neukose ala da'di metema emi mamahele neu Au, ma tao fao sabat-ta da'di fai hehelik soaneu Au. Boso lu'a-lepa hata beek ndia boe tunga Yerusalem lelesu inan-nala nai faik ndia dalen-na. Metema emi la'o lena Au paletang sila-la soona, Yerusalem lelesu inan-nala ma uma manen-nala neukose Au hotu heni la'i esak-kasa ma ha'i ndia ta hapu nakamate fa.’ ”

YEREMIA 21:13

Makabuin-na boema Manetualain nafa'da neu Yerusalem nae, “Hai Yerusalem! O mamamana madema lena heni bafa-bafak do manai o boboan kaisum-ma. O sama leo pupukuk batu fo namadema nai mok maselok-ka, tehu neukose au la'ben o. O mafa'da mae hapu hataholi esa boen hapusapun-na o, do ana titipa-sosoli o kota musum fa,

YEREMIA 21:14

tehu neukose Au huku o nanahu o tatao-nono'im. Neukose au hotu heni o mamana manem-ma ma basa hata lala'en-na fo manai boboa-kaisun-nala neukose au hotu heni beo, Au, Manetualain, nde manakokolak-ka.”

YEREMIA 50:31

Babel, o mamadema dalem-ma nanseli! Hu ndia de Au, Manetualain Fo Madema ina, Manetualain Fo Manakoasa, la'ban O. Losa faik fo Au huku o.

YEREMIA 51:20

Manetualain nafa'da nae, “Babel sama leo ai fefepak, Au sisilong-nga soaneu nate-natatik. O nanapake fo soaneu sapu-la leoinak-kala ma nusan-nala.

YEREMIA 51:25

Hei Babel, o sama leo letek fo ana tao nakalulutuk basa daebafak. Tehu Au, Manetualain neukose la'ban o, Au hele loloso ma loli o leo ha'i fo ela ha'i na'a heni o da'di afu.

YESKIAL 14:17

Bole da'di, Au fe natee-natatik-ka leo nusak ndia neu, ma Au haitua fes tafa-sisilo, soaneu tao lamate-lamopo, nau hataholi do bana-manu boe.

YESKIAL 14:21

Manetualain Fo Mademaina nafa'da nae, “Neukose, Au huku Yerusalem nenik Au huhukung haa, belan-na seli, fo Au tao amate-amopo, nau hataholi do bana-manu boe. Huhuku ka haak sila-la nde: natee-natatik-ka, la'a-ndoes-sa, bana makaa-makisuk-ka, ma he'di-laus-sa.

YESKIAL 21:19

“Hai hataholi daebafak fo, manasapu-manalalok-konei, dulak-ma, enok dua, fo biasa manek Babel-la ho'i neni tafainan-na, fo ana la'ok tunga enok ndia. Enok ka duak sila-la, muse leme nusak fo esa mai; enok esa leo Raba, ma kota Amon-na neu; boema esak-ka leo Yerusalem, ma kota musu manai Yehuda neu. Pasak papak matu'du enok neu eno kaba'ek-ka.

YESKIAL 24:9

Manetualain Fo Mademaina, nafa'da nae, “Soe ba'eneu kota fo henuk no kanisak-ka! Au mesang-nga nde, neukose akaduduluk ai fo hotuheni kota ndia.

YESKIAL 26:3

Manetualain Fo Mademaina nafa'da nae, “Hai Tirus, Au ia, o musum-ma. Neukose, Au adenu leoina makadotok ala mai, sama leo lii nai tasi lai, fo ala sapu-la o.

YESKIAL 29:10

de o, ma o Lee Nil-la, musun-na, nde Au ia. Neukose Au tao dae Masir-ra lala'en-na, da'di dae louk, mulai neme kota Migdol-la, nai kii, losa leo kota Aswan-na, nai kona, fo leo Sudan dae toon-na neu.

YESKIAL 5:12

Metema, ba'e o laum-ma neu baba'ek telu soona, Au taoisa baba'ek esa, nanahu he'di-laus ma la'a-ndoes-sa da'di nai kota dale. Baba'ek esa, nanado'do nisak nai kota deak, ma neukose Au nggenggela-ngganggali baba'ek esa seluk, leo basa daebafak-ka bu'un-nala leu, ma neukose Au usis tataas esa nenik tafaina.

YESKIAL 5:8

Hu ndia de, Au, Manetualain Fo Mademaina, afa'da ae o musum-ma nde been-na, nde Au. Neukose, Au huku o nai leoina fe'ek-kala matan.

IMAMAT 26:25

Neukose, Au akadada'dik natee-natatik-ka nai emi tala'da heom, fo soaneu huku emi, nanahu, emi la'olena Au hehelu-balataang no emi-a so. Ma metema, emi makabubua nai emi kotam dale, fo sanga nasulu-nahapak soona, neukose Au fe he'di-laus manalea-hai taak-ka mai, nalosa no nakasetik, emi makatele neu emi musum-ma.

IMAMAT 26:33

Neukose, Au fe natee-natatik-ka, da'di nai emi nusam-ma, fo ana tao tapasasala emi, nai nusa dea-la. Neukose, emi tinam-mala, ma emi kotam-mala nanapo'ilotak, fo ala da'di ai-batu madodouk.

AMOS 5:6

Fali leo Manetualain Manakoasa mai leona, soona neukose emi maso'da. Metema emi ta fali fa soona, neukose Ana mai sama leo ha'i masalolo'dek-ka, fo ana hotu heni basa hataholi Israel-la. Ta hapu hataholi esa boen nai Betel bisa taonisa ha'i ndia fa.

AMOS 7:4

Au hapu ninitak esa seluk neme Manetualain Fo Mademaina mai. Au ita naheheleaon, fo Ana huku anan-nala nenik ha'i. Ha'i ndia na'a heni tasi manai daebafak-ka buin-na ma ana mulai na'a heni tina-la.

NAHUM 2:13

Manetualain Fo Manakoasa nafa'da nae, “O musum-ma nde Au ia. Neukose Au hotu heni o kaletam-mala. Neukose mate o solda'dum-mala nai musu dale, ma neukose Au ho'i-a basa hata fo o ho'i malas leme hataholi fe'ek-kala mai. Neukose ta lamanene o hataholi nadedenum-mala hala nonoken-nala so'on.”

NAHUM 3:5

Manetualain Fo Manakoasa, nafa'da nae, “Hai Niniwe, neukose Au fepa-li'u o! Au o'du akaholak o nai leoina-la matan, fo lita o tatao-nono'im fo maneni mamaek-ka.

ZEFANYA 2:12

Boeo neukose Manetualain naketu huhuku mamates soaneu Sudan laun-nala.

ZAKHARIA 13:7

Manetualain Fo Manakoasa, nafa'da nae, “Fo'a leon, hai tafaina, fo sapu-ma manafoo fo naue-nale'di fe Au! Taomisan leona, soona neukose bi'ilopo-la tapasasala. Neukose Au sapu-a Au anang-ngala,