YESKIAL 21:26 - Susula Malalaok Hehelu Palak Ma Hehelu Beuk

²⁶ Au, Manetualain Fo Mademaina, kokolak basa so. Makonaheni o ti'ilanga manem-ma, ma se'iheni o fefeo langam-ma leona. Besak ia, o ha'da-tataom nasafali so. So'u madema hataholi nuu taa-hata taak-kala, fo fes koasa. Makonaheni basa manakoasa-la, na'de matua-mademan-nala!

YESKIAL 21:26 ပူးပေါင်းရင်းမြစ်များ

2RAJA-RAJA 25:27

Nai hataholi Yahudi-la bula ka 12-na, fain 27, fo Yoyakhin nanafoo basak, de nai mamana ookak-ka, teuk 37 dalen-na so, boema Ewil-Merodakh da'di mane Babel. Nai teuk ndia dalen-na boe, Ewil-Merodakh natu'du ndia dale kasian-na neu Yoyakhin, de ana kalua henin neme bui dale mai,

2RAJA-RAJA 25:6

Basa boema, loo Manek Zedekia leo Manek Nebukadnezar-ra neu, fo nai kota Ribla, de naketu huhukun-na.

MAZMUR 75:7

Nana naketu-nala'dik-ka, ta mai neme dulu do muli mai fa, boeo ta neme kii do kona mai fa.

AMSAL 27:24

nanahu su'i-betes-sa, neukose manasapu-manalalok, nakalenak koasa soaneu paleta boeo, neukose ta nahele losa dodoon-na fa.

YESAYA 47:12

Ka'da makatatakak menik o mo'do-akidoom, ma suangim-ma, fo ana taon-na o, langam-ma dila, mulai neme tepo lelek o bei anan-ma. See bubuluk, ndia masosoa-ndandaak ba'eneu o, soaneu makabibiik o musum-mala.

YEREMIA 13:18

Manetualain nafa'da neu au nae, “Madenu manek-ka no ina manek-ka kona neme kandela manen lain mai, nana ti'ilanga manen fo mana'ahiik-ka tu'da henin neme langan mai so.

RATAPAN 5:16

Ami dale namatutuam-ma taak-kana so, ami hapu soe hu kande ami masala-masingo so.

YESKIAL 16:12

Au fe o ndeli, lolo'ek, ma bulamolik mana'ahiik.

YESKIAL 17:24

Basa ai manai nusak-ka, neukose ala bubuluk, lae Au nde, Manetualain-na. Au lo'oheni ai mademaina-la, Au fe ai kaba'ok-kala lamadema. Ai maso'dak-ka, Au fen namatuu ma ai tuuk-ka, Au fen nanupu fo nakapela. Au fo Manetualain, kokolak basa so, de basa Au hala-kokolang lala'en-na, neukose nanatao natetuk.”

LUKAS 1:52

Nakonaheni mane-mane kala leme kandela mane nala lain mai ma hataholi matasi'da-matasai kala nanatao namadedemak.

YAKOBIS 4:10

Ela leo bee na, emi makaloe-makadae ao ma, nai Amak Manetualain matan, fo besa ka Ana so'u namadedema emi.

HAKIM-HAKIM 17:5

Mikha nanuu mamana tunu-hotuk esa so. Ana tao-na dodoki-dudulak sosongok de'ubee, ma tema babaafanak biak esa, efod boema ana so'u ana toun esa, da'di imam.