YESKIAL 21:24 - Susula Malalaok Hehelu Palak Ma Hehelu Beuk

²⁴ Au, Manetualain Fo Mademaina, afa'das ae, ‘Emi sala-singom, nanabubuluk basak so, de basa hataholi-la, ala bubuluk lae emi masala. Emi tatao-nono'i mangalaum-ma, nananitak nai basa emi tatao-nono'im lala'en-na dalek so. Besak ia, fain-na losa, emi nanahukuk so, de neukose Au fe emi leo emi musum-ma neu.’

YESKIAL 21:24 ပူးပေါင်းရင်းမြစ်များ

YESAYA 3:9

Sila heo-hilun fo manakoao-ndaeaon-na, natu'du sila tatao-nono'i mangalaun-na. Sila tao sala-singok no le'do-le'dok, sama leo makahulun-na hataholi Sodom-mala. Soe ba'eneu sila! Sila leni soe fe sila aoinan-nala.

YEREMIA 15:2

Metema ala latane neu o lae, sila muse leu leo bee leu, soona matas mae leoia, ‘Manetualain nafa'da nae, fo nananaketu basak soaneu maten nanahunamahe'di soona nemena fo maten nanahu he'di-laus. Fo nananaketu basak soaneu mate nai netee-natatik-ka dalek soona, nemena fo maten nai natee-natatik dalek. Fo nananaketu basak soaneu maten nanahu la'a-ndoes-sa soona, nemena fo maten nai la'a-ndoes-sa dalek! Fo nananaketu basak soaneu nanafook, nemena fo nanafua nenik da'di leo nanafook-ka!’

YEREMIA 2:34

Ami papake-ngganggaom nanggenggeo, hu kande hataholi nuu taa-hata taak-ka, ma hataholi sala taak-ka, daan-na, ta hu kande nakodaa nanaho'un-nak-ka daan-na fa. Leomae leondiak boe,

YEREMIA 3:2

So'ba mete leo lain fo leo pupuk-kala lain muu! Mamanak beek-kande, o beita muu sosoa-piao meme ndia fa? Sama leo hataholi Arab-pala lai moo solokaek-ka, leondiak boe, o mangatuuk nai enok-ka su'un-na fo o mahani hataholi fo, ana hii nakaminak susue tou-ta'ek ma ina-anafe'ok. O tao manggenggeo nusak ia, nenik o sosoa-piaom, ma o tatao-nono'i mangalaum-ma

YEREMIA 6:15

Tunga ndoon-na, ala mae, nanahu ala tao basa, dede'a nananakamumulu-nakamamaek ndia so. Tehu lakapapalu lou, ma bibii-mamae tak-kala. Hu ndia de, neukose ala tu'da, sama leo hataholi fe'ek-kala boe; metema Au hukus soona, mopo dipon-nala. Au, fo Manetualain nde manakokolak-ka.”

YEREMIA 8:12

Hai Au anang-ngala lemin, tunga ndoon-na, emi muse mae, nanahu emi tao basa hata fo, nananakamumulu-nakamamaek ndia so! Tehu emi makapapalulou, ma bibii-mamae tak-kala. Hu ndia de, neukose emi tu'u meu, sama leo hataholi fe'ek fo, manatu'u basak-kala so; metema Au huku emi soona, mopo emi dipom-ma.

YESKIAL 21:23

Laun Yerusalem-mala, neukose ta lamahele lae manek Babel-la neu sapu-na sila, nanahu ala tao basa hehelu-balataak loo manek Babel-la so. Tehu dede'a nanafa'da elak ia, ana fe sila nasanene'dak nae neukose, sila nanaho'u-nak, nanahu sila sala-singon-nala.

YESKIAL 21:25

Ma Au afa'da manek Israel-la ae, ‘Hai manek fo mangalauk ma malelesik-konei! O fai huhuku mate'em-ma, ana deka so.

YESKIAL 23:23

Neukose, Au aloo akabubua basa o tou susue-lalaim-mala, fo Au os leo o mai. O tou susue-lalaim fo leme Babel, Pekod, Soa, Koa, Asyur, boema hataholi Kaldea-la. Au o ta'eana mata-makeek fo, ala hapu nangatutuu madema, manefetoana-la, manapaleta mademaina-la, ma malanga solda'du matuaina fo manasa'e ndala-la, leo o mai.

YESKIAL 24:7

Kanisak-ka, ana da'di nai kota ndia, tehu daan-na, ana ta faa leo dae lain neu fa, te ana faa leo batu mateaina lain neu, nalosa ta bisa nakadofu ketu fan.

HOSEA 4:2

Ala soo-supa tehu ala ta tao tunga fan; ala lasapepeko-lasandandali, lanisa, lamanako, ma ala hohonge. Tatao-nono'i mangalauk-ka boetai nakadele, ma kanisak-ka ana da'di, latutungao.