YESKIAL 21:17 - Susula Malalaok Hehelu Palak Ma Hehelu Beuk

¹⁷ Neukose, Au totoko Au limang-nga boe, boema neukose Au nasa-melung ana tenak. Au, Manetualain nde manakokolak-ka.”

YESKIAL 21:17 ပူးပေါင်းရင်းမြစ်များ

YESAYA 1:24

Hu ndia de Manetualain Fo Manakoasa, fo Israel Manetualain-na, nafa'da nae, “Hai, Au musung-ngala lemin, neukose Au balas emi nenik nape'da dalek, fo emi ta tao susa Au so'on.

YEREMIA 31:19

Ami masadea O, tehu ami masasale-dale tatao-nono'ik ndia. Nai lelek O huku-doki ami-a, ami matete'a langa nanahu dale he'dik-ka. Ami mae de ami da'di nananakamumulu-nakamamaek, nanahu ami masala-masingo basa nai lelek ami bei muli solu.’

YEREMIA 6:25

Ala ta lapalani leu leo enok lain do leu leo tina leu fa, nana nai mamanak lala'en-na, musu-a leleuk tafa-sisilon.

YESKIAL 16:42

Basa ndia soona, besak-ka Au nasa-melung, ana tenak, fo Au daleng-nga tesa-tama falik. Neukose, Au ta amanasa do ape'da dalek so'on.

YESKIAL 21:14

Nah, hai hataholi daebafak fo, manasapu-manalalok-konei, mafa'da dede'a nananafa'da elak-ka leona. Totoko o limam-ma leona, fo da'di leo ta'du-tana ba'eneu tafaina ndia, ana mulai do'do-pau hataholi. Tafaina ndia neni bibii-namata'uk nanseli.

YESKIAL 21:16

Hai tafaina matane, leleuk leo kii ma leo kona neu, ma leo su'di bee neu fo tunga o dale hihiim-ma.

YESKIAL 21:18

Manetualain nafa'da au nae,

YESKIAL 22:13

Tehu besak ia, neukose Au hotu fe, basa o nakodaam-mala, ma kanisam-mala.

YESKIAL 36:31

Neukose emi mafandele-ma, emi ha'da-tatao mangalaum-ma, ma emi tatao-nono'im fo ta kandaak ndia fa, boema emi da'di malua seluk emi aoinam-ma, nanahu emi sala-singom-mala, ma emi tatao-nono'i ta kandaam ndia.

YESKIAL 5:13

Neukose o mame'da mita, Au nasa-melung ma Au fefepa-lili'u matuainang-nga, losa Au daleng-nga tesa-tama. Basa sila-la ala da'di soona, neukose o mamahele mae Au, Manetualain kokolak o o so, nanahu Au amanasa o ta lilineka fa.

ZAKHARIA 6:8

Basa boema, ata nusa so'dak ndia naloo bou-bou neu au nae, “Ndala manala'o leo Babel neu ndia, ana tao-na Manetualain nasan-na tenak so.”

BILANGAN 24:10

Balak kukumu liman-na no nasak, de nafa'da Bileam nae, “Au aloo o mai, soaneu supa-soo au musung-ngala, te se'kona, o fes baba'e-papalak losa la'i telu.

ULANGAN 28:63

Sama leo Manetualain nahiik tao malole soaneu emi, ma Ana fe emi mamade'u, leondiak boe, neukose nahiik tao namate-namopo emi, ma tao nakalulutuk emi boe. Neukose, Ana usiheni emi neme nusak fo, ta dook-ka so'on te, emi mangatuu-malan ndia, dalek mai.