YESKIAL 21:11 - Susula Malalaok Hehelu Palak Ma Hehelu Beuk

¹¹ Fofola tafaina ndia, fo ela nanapakek tataas esa, boema fen leo hataholi kanisak esa neu.

YESKIAL 21:11 ပူးပေါင်းရင်းမြစ်များ

ESTER 4:1

Lelek Mordekhai namanene hata fo ana da'di so, boema ana sii nakalulutuk bua papaken-na, de ana pake lafa lapik, fo da'di neu ta'du-tana dale he'dik. Ana nggali afu leo langan lain neu, boema ana la'ok nai kota dale, ma ana kii dola-dola mesan, no dale he'dik.

YESAYA 22:4

Boso taoafik neu au; nemen-na fo au kii-makaleleu, au leoinang manamate basak-kala so. Boso so'ba kokoe-nanasi au.

YEREMIA 25:33

Neu faik ndia te, hataholi-hataholi fo manataonisak neme Manetualain mai-a, neukose popolan-nala lalefu'ak nai basa daebafak-ka poin-na. Neukose nanaki-namatani tak, ma nanako'o tak soaneu nananatoik, te ka'da nanapo'ilotak nai dae sama leo hu'u-kadafu madodouk-ka.

YEREMIA 25:9

‘Neukose Au alo basa leoina manai neme ki mai-a, ma Au atang Nebukadnezar fo manek Babel-la boe. Neukose Au fe sila soaneu latee-latati la'ban Yehuda no laun-nala, ma basa leoina manai boboa-kaisun-nala. Leiona Yehuda no leoina titia-tatain-nala neukose Au tao akatoto'a-akatatak-kasa ma Au po'ilotak-kasa lakalulutuk soaneu losa dodoon-na. Hataholi fo manamitas-sala neukose ala nggenge-la ma lame'da bibi-namata'uk. Au, Manetualain nde manakokolak-ka.

YESKIAL 21:10

Fofola namatanen, fo ela ana bisa taonisa hataholi, fofolan fo ela isin-na nangale'do. Ta hapu seluk namahokok ba'eneu Au anang-ngala so'on, nana ala ta taoafik neu basa nasanene'dak ma hoholo-lalanek lala'en-na fa.

YESKIAL 21:12

Hai hataholi daebafak fo, manasapu-manalalok-konei, kii-makaleleu, ma maloo bou-bou leona! Nana tafaina ndia, naheheleaon la'ban Au anang-ngala. Basa mauli-malangan Israel-la, sama-sama loo basa leoina lala'en-na, neukose nanapauk nenik tafaina ndia, losa mate-mopos, Soona toko emi fanam-mala, da'di leo ta'du-tana susa,

YESKIAL 21:19

“Hai hataholi daebafak fo, manasapu-manalalok-konei, dulak-ma, enok dua, fo biasa manek Babel-la ho'i neni tafainan-na, fo ana la'ok tunga enok ndia. Enok ka duak sila-la, muse leme nusak fo esa mai; enok esa leo Raba, ma kota Amon-na neu; boema esak-ka leo Yerusalem, ma kota musu manai Yehuda neu. Pasak papak matu'du enok neu eno kaba'ek-ka.