YESKIAL 20:7 - Susula Malalaok Hehelu Palak Ma Hehelu Beuk

⁷ Au adenus fo, ala tu'u-tapaheni, sila hii lanuu dodoki-dudulak fo nanamaluak sila-la, ma Au kena-ka'is, fo ala boso tao langgenggeo aoinan-nala nenik, ala sene-do'ok neu sosongo-tatangok maneme Masir sila mai, nana Au nde, sila Aman Manetualain-na.

YESKIAL 20:7 ပူးပေါင်းရင်းမြစ်များ

2TAWARIKH 15:8

Lelek fo Asa namanene Azarya fo Obed anan ndia hala-kokolan boema, natetea-nahehele dalen-na. Ana si'uheni basa sosongo-tatangok manai nusak Yehuda ma Benyamin, ma nai ana sengi kota-kota manai letelepak Efraim-ma, boema ana tao nahii Manetualain mei tunu-hotun fo nanape'dak nai Manetualain Uman-na so'dan-na.

KELUARAN 16:12

“Au amanene basa hataholi Israel-la nakamuu-muun-na so. Mafa'das mae, ‘Nai fai le'donoson-na, ala hapu la'a paa, ma nai fai fafain-na, ala hapu la'a loti losa lakabete.’ Soona neukose ala bubuluk, lae Au nde Manetualain, fo sila Manetualain-na.”

KELUARAN 20:2

nafa'da nae, “Au nde emi Manetualain, fo mananoo emi kalua meme Masir mai, mamanak fo manatao emi da'di ata.

KELUARAN 20:4

Boso doki-dulak soaneu o aoinam-ma, dodoki-dudulak fo nalupa leo beek boe, nai lalai, nai daebafak-ka, do nai oe dale nai daebafak-ka buin-na.

KELUARAN 20:5

Boso sene-do'ok neu dodoki-dudulak matak leondiak-ka, nanahu Au nde emi Manetualain, de Au ta nau makasasamak-kana no hata esa boen. Hataholi fo nakamuu-nakadau Au-a, Au hukun losa tititi-nonosi ka telu ma ka 4.

KELUARAN 22:20

See tunu-hotu tutunu-hohotuk fe lamatua fe'ek-kala, ta'da fe'e ana tunu-hotu fe Au, fo Manetualain soona, muse hukunisan.

YESAYA 31:7

Neukose fain-na losa, soaneu emi tu'u-tapaheni, dodoki-dudula sosongo-tatangok fo nanataok neme lilofulak ma lilopilas, fo emi tao aom, fo henuk no sala-singok-ka.

YESKIAL 14:6

Boeo, mafa'da hataholi Israel-la mae Au, Manetualain Fo Mademaina, nafa'da nae, ‘Tukatei-saledale, neme o sala-singom-mala mai, ma tu'u-tapa heni, o sosongo-tatangom fo, nanamaluak ndia.’

YESKIAL 18:15

Ni'iana ndia, ana ta nau sene-do'ok neu hataholi Israel-la sosongo-tatangon fa, do na'a tutunu-hohotuk fo, nanatunu-hotuk nai mamana sene-do'ok neu lamatua daebafak-kala. Ana beita fufu'di-oodok nita hataholi fe'ek saoinan fa,

YESKIAL 18:31

Hahae tao basa tatao-nono'i mangalauk lala'en-na, fo tao mabebeu o dalem-ma, ma o dudu'a-aafim leona. Tao le'e de, emi muse mate?

YESKIAL 18:6

Ana ta sene-do'ok neu hataholi Israel-la, sosongo-tatangon fa, do na'a tutunu-hohotuk, fo nanatunu-hotuk nai mamana sene-do'ok neu lamatua daebafak-kala. Ana beita fufu'di-oodok nita, hataholi fe'ek saoinan fa, do ana sungu no inak fo, ana hapu he'di bulak.

YESKIAL 20:19

Au nde Manetualain, fo emi Manetualain-na. Tunga Au hoholo-lalaneng, ma Au paletang-ngala.

YESKIAL 20:8

Tehu, ala la'ban Au, ma ala ta nau lamanene Au fa. Ala ta nau tu'u-tapaheni dodoki-dudulak fo, nanamaluak sila-la fa, ma ala ta nau hahae sene-do'ok neu, sosongo-tatangok Masir sila-la boen. Nai lelek ala bei leme naa, Au sadia basa, fo sanga amanasas so.

YESKIAL 23:3

Nai lelek bei muli-solun-nala, ala leo leme Masir. Mopo na'de anafe'oanan-nala neme Masir, de ala da'di ina manasosoa-piaok.

YESKIAL 23:7

Ohola sosoa-piao no manapaleta matua-madema sila-la. Bai te, hu kande nasa sosoa-piaon nasuu nanseli, de ana tao nanggenggeo aoinan-na, nenik ana sene-do'ok neu hataholi sila sosongo-tatangon-nala.

YESKIAL 23:8

Ana sosoa-piao nakandoo, sama leo makahulun-na, ana sosoa-piao neme Masir, nai lelek mopo na'de anafe'oanan-na. Nai lelek bei anan-na, hataholi sungu non so, de ala taon da'di leo ina manasosoa-piaok.

YESKIAL 34:24

Au, Manetualain, neukose da'di sila Manetualain, ma manek fo, sama-na leo Au atang Dauk ndia, neukose ana da'di sila manakoasan-na. Au, Manetualain nde manakokolak-ka.

YESKIAL 6:9

nai naa, ala laso'da nai mamana tu'u-tapak dalek. Boema, neukose ala lafandele neu Au, boema ala bubuluk, lae Au huku sila, ma Au akamumulu-akamamaek sila, nana sila dalen-nala, ta lilineka loo Au fa. Ala la'oela Au, de ala hele sosongo-tatangok-ka nggati Au so. Boema, neukose ala malua seluk aoinan-nala, nanahu basa tatao-nono'i mangalaun lala'en-na, ma tatao-nono'i ta kandaan-nala fa.

IMAMAT 11:44

Au nde emi Manetualain, hu ndia de manea, fo ela emi malalaok-malalafuk mahele, nanahu Au malalaok-malalafuk.

IMAMAT 17:7

Leoina Israel-la, muse lilineka lahele neu Manetualain, ma ta bole do'do bana nai tina-la dalek makandondook so'on, soaneu tunu-hotu fe nitu mangalauk-kala. Muse tunga nakanenetek sila-la, losa dodoon-na.

IMAMAT 18:2

nanduku-nalosak paleta ia-la neu leoina Israel-la, “Au nde emi Manetualain.

IMAMAT 18:3

Emi boso na'da dulak, sama leo hata fo hataholi manai dae Masir-ra tao-no'in. Masir fo makahulun-na emi leo hai meme naa so, do hataholi manai Kanaan-nala, fo besak ia Au sanga o emi leo naa meu.

IMAMAT 20:7

Manea, fo ela emi malalao-malalafuk mahele, nanahu Au nde emi Amam Manetualaim.

YOSUA 24:14

Yosua kokolak nakandoo nae, “Da'di, besak ia, fe ha'da-holomata neu Manetualain. Mamahele neun no dalek-katematuak ma no lilinekak. Si'u heni basa lamatua daebafak, fo makahulun-na, emi bei-ba'i kaim-mala sene-do'ok-kasa neme Mesopotamia ma Masir. Ka'da mamahele neu Manetualain.