YESKIAL 20:5 - Susula Malalaok Hehelu Palak Ma Hehelu Beuk

⁵ Manduku-malosak hata fo Au afa'dan ia. Au hele basa Israel, de Au soo fes so. Au atu'du Au aoinang-nga neus, neme Masir, de Au afa'da ae, ‘Au nde Manetualain fo emi Manetualain-na.’

YESKIAL 20:5 ပူးပေါင်းရင်းမြစ်များ

KEJADIAN 14:22

Tehu, Abram nataa nae, “Au soo nai Manetualain, Fo Mademaina, manamaka dada'dik lalai-a, ma daebafak-ka matan,

1RAJA-RAJA 18:39

Nai lelek laun-na lita manada'dik ndia boema, ala lakatele leo dae a neu ma lafa'da lae, “Amak ndia Manetualain! Tete'e ka Amak ndia Manetualain!”

MAZMUR 103:7

Ana nafa'da dale tutu'un-na neu Musa, ma tatao-nono'in, neu leoina Israel-la.

MAZMUR 33:12

Maua-manalek ba'eneu leoina fo, ana manaku Manetualain da'di leo ndia Manetualain-na, maua-manalek ba'eneu hataholi fo Ana helen da'di Ndia nuun!

KELUARAN 3:16

Muu leona, fo maloo makabubua basa mane leo Israel-la. Fo po'a-benga neus, mae Au, Manetualain, fo sila bei-ba'i kain Abraham, Isak ma Yakob Manetualain-na, natu'du basa aoinan-na neu o so. Mafa'das mae Au mete basa sila so, de Au ita basa, leoina Masir-ra tao sila leo beek so.

KELUARAN 3:6

Au ia, o bei-ba'i kaim Abraham, Isak ma Yakob Manetualain-na.” Boema Musa ko'o ketu matan-na, nana ana bii mete Manetualain.

KELUARAN 3:8

Hu ndia de, Au kona u, fo soi-po'is leme hataholi Masir-ra liman mai, fo Au os kalua leme nusak ndia mai, leo nusa maloaina esa neu. Daen-na kamasu'ik ma nalole, de besak ia, leoina Kanaan, leoina Het, Amori, Feris, Hewi ma Yebus ala leo lai nusak ndia.

KELUARAN 4:31

Boema lamahele, ma nai lelek lamanene lae Manetualain, taoafik neu leoina Israel-la, ma nita sila doi-doson lala'en-na boema, lakaluku-lakatele.

KELUARAN 6:2

Au atu'du Au aoinang-nga neu Abraham, Isak ma Yakob da'di leo Manetualain Fo Manakoasa, tehu Au ta fes lalelak Au nenik na'dek ‘Manetualain fa’.

KELUARAN 6:3

Au boeo tao hehelu-balataak os boe. Au helu ae neukose Au fes nusa Kanaan-na, nusak fo makahulun-na, ala leo da'di leo hataholi manamai.

KELUARAN 6:8

Musa nanduku-nalosak basa Manetualain hala hehelun ndia neu leoina Israel-la, tehu ala ta taoafik neu Musa fa, nanahu tuni-ndenik fo ta nanuu susue-lalaik ndia, taon-nalas ketu namahehenan-nala so.

YESAYA 43:10

Hai Au anang-ngala lemi, Au sakasiing-ngala nde emi, Au hele emi, da'di Au atang-ngala, fo ela malelak Au, ma mamahele neu Au, ma bubuluk, mae Au nde Manetualain. Au Manetualain, fo ka'da kisak, ta hapu fe'ek, nai lelek Au beita, ma nai lelek Au nai ia.

YEREMIA 33:24

“Ade o tao afik basa neu hata fo hataholi-la kokolak basa neu Israel ma Yehuda? Ala lafa'da lae, Au tu'u-tapa heni leoina kaduak fo Au hele basak sila so. Hundia de, ala mete lakadadaek Au anang-ngala, ma ala ta tao sila da'di leo leoina esa fa.

YESKIAL 20:15

Nai moo solokaek ndia boe, Au fes nasanene'da mahelek, ae neukose Au ta o leoina Israel-la, masok leo Au sadia fes dae-a leu, dae fo kamasu'ik ma maoe-maisik, ma malole nanseli nai basa daebafak-ka lala'en-na.

YESKIAL 20:23

Nai moo solokaek ndia boe, Au soo ae neukose, Au tao tapasasalas leo basa daebafak-ka lala'en-na leu,

YESKIAL 34:24

Au, Manetualain, neukose da'di sila Manetualain, ma manek fo, sama-na leo Au atang Dauk ndia, neukose ana da'di sila manakoasan-na. Au, Manetualain nde manakokolak-ka.

YESKIAL 35:11

Hu ndia de, no Au Manetualain fo maso'dak-ka, na'den-na, neukose Au balas nape'da dalek neu o, nanahu emi mamanasa, emi mape'da dalek, ma emi ta hii Au anang-ngala fa. Neukose ala bubuluk, lae Au huku emi, nanahu emi tatao-nono'im soaneu sila.

YESKIAL 47:14

Au soo basa, ae neukose Au fe dae ndia, neu o bei-ba'i kaim. Hu ndia de, muse baba'e dae ndia neu emi hataholim-mala, fo ala hapu beke baba'uk.

DANIAL 12:7

Hataholi ndia so'uk liman duas leo lalai neu. Au amanenen ana soo nenik Manetualain fo manaketu basa taak-ka na'den-na nae, “Manada'dik sila-la neukose ala da'di teuk telu seselik. Lelek ala hahae fepa-li'u Manetualain anan-nala soona, manada'di matabeuk sila late'e.”

IMAMAT 18:2

nanduku-nalosak paleta ia-la neu leoina Israel-la, “Au nde emi Manetualain.

MARKUS 13:20

Leo uni'ka Manetualain ta tao keke'u faik ndia fa soona, ta hapu hataholi esa boen, hapu naso'da fa. Tehu, hu ka nde Manetualain hataholi kamahehele nala de, Ana tao keke'u faik ndia.

ULANGAN 14:2

Emi nde been-na, emiManetualaim-ma nuun emi; neme basa leoina fo manai daebafak ia lala'en-na, emi nde, Manetualain helen, soaneu da'di Ndia anan-nala.”

ULANGAN 32:40

No Au, Manetualain fo maso'dak-ka, na'den-na, Au so'uk Au limang-nga, Au soo-supa:

ULANGAN 4:34

Hapu hai lamatua daebafak, napalani ho'in-na leoina esa neme leoina-la tala'da mai, boema ana taos da'di ndia ana hehelin, sama leo emi Manetualaim-ma, Ana taon soaneu emi neme Masir so do beik? Emi mita matam, tao leo beek de, Manetualain no be'i-balakai matuainan-na, Ana fe soe-a, ma natee-natatik-ka mai, Ana tao manada'di beuk-kala, ma Ana tao dede'a matuaina-la.

ULANGAN 4:37

Nanahu, Ana sue-lai emi bei-ba'i kaim-mala, de Ana hele basa emi, nenik koasa matuainan-na, ma noo emi kalua meme Masir mai so.

ULANGAN 7:6

Emi muse tao basa sila-la, nanahu emi Manetualaim-ma, nuun emi. Ma neme basa leoina manai daebafak-ka lala'en-na, emi Manetualaim-ma, Ana helek-ka nde emi, soaneu emi da'di Ndia anan, fo malalao-malalafuk.

ULANGAN 7:7

Manetualain sue-lai ma Ana hele emi, ta hu kande emi ba'u lena neme leoina fe'ek-kala mai fa; te'e-te'e, emi nde been-na, leoina fo anak nanseli nai daebafak ia.

NINITAK 10:5

Boema ata nusa so'dak fo au itan ana heta ei na nai tasi dale ma nai ma'dak lain ndia, ana so'uk lima kona na leo lalai neu.

NINITAK 10:6

Ana soo-supa ninik Manetualain fo maso'dak losa dodoo na, ma mana makadada'dik lalai a, daebafa ka, ma tasi no basa hata lala'en fo manai dale ka. Ata nusa so'dak ndia nae, “Fai na neukose ta nakadodoo kana so'on!”