YESKIAL 20:47 - Susula Malalaok Hehelu Palak Ma Hehelu Beuk

⁴⁷ Madenu nula sila-la, fo lamanene hata fo Au, Manetualain Fo Mademaina, nafa'das nae, ‘Mamanene leona! Neukose Au tao apila ha'i-a, fo ana hotuheni basa ai manai o dalek kala, nai ai tuuk do ai mamatak boe. Ta hapu taonisa ha'i manapila lo'a-lo'ak ndia fa. Neukose ha'i ndia, ana pila nasalolo'de neme kona leo kii neu, fo basa hataholi-la lame'da ha'i ndia haan-na

YESKIAL 20:47 ပူးပေါင်းရင်းမြစ်များ

YESAYA 13:8

Neukose bibii-namata'uk-ka ho'un-nalas, ma ua-kakalun-nala lakapii fo lita he'dis, sama leo inak-kala sanga bongi. Neukose, esa mete esa no bibii-namata'uk, ma mata-panan-nala pilas, hu kande mamaek-ka.

YESAYA 30:33

Ana sadia basa mamanak soaneu hotu mane Asyur-ra, neme makahulun eli mai so. Mamanak ndia, madema ma maloa, ma henuk no ai ha'i. Neukose Manetualain tao napila ha'i-a, nenik Ana fuu ani hahaen-na neu, sama leo lee belerang-nga.

YESAYA 66:24

Lelek ala la'o, neukose lita hataholi manalena-la'ban Au-a, popolan-nala. Neukose, ta mate ulek fo mana'a hataholi sila-la, popolan-na fa, ma neukose ta mate ha'i fo, mana'as-sala fa; naniluk esa, neni bibii-namatau matuaina, ba'eneu basa hataholi-la.”

YEREMIA 17:27

Basa sila neukose ala da'di metema emi mamahele neu Au, ma tao fao sabat-ta da'di fai hehelik soaneu Au. Boso lu'a-lepa hata beek ndia boe tunga Yerusalem lelesu inan-nala nai faik ndia dalen-na. Metema emi la'o lena Au paletang sila-la soona, Yerusalem lelesu inan-nala ma uma manen-nala neukose Au hotu heni la'i esak-kasa ma ha'i ndia ta hapu nakamate fa.’ ”

YEREMIA 21:14

tehu neukose Au huku o nanahu o tatao-nono'im. Neukose au hotu heni o mamana manem-ma ma basa hata lala'en-na fo manai boboa-kaisun-nala neukose au hotu heni beo, Au, Manetualain, nde manakokolak-ka.”

YESKIAL 16:35

Hai Yerusalem, fo manasosoa-piaok-ka, mamanene hata fo, Manetualain Fo Mademaina, nafa'dan nae, “O o'duheni o ba'dum-ma so, de da'di leo ina manasosoa-piaok, o fe o aopaa-ma neu o tou susue-lalaim-mala, ma neu o sosongo-tatangom fo nana maluak sila-la. O taomisa o anam-mala, de o tunu-hotu fes neu sosongo-tatangok sila-la.

YESKIAL 17:24

Basa ai manai nusak-ka, neukose ala bubuluk, lae Au nde, Manetualain-na. Au lo'oheni ai mademaina-la, Au fe ai kaba'ok-kala lamadema. Ai maso'dak-ka, Au fen namatuu ma ai tuuk-ka, Au fen nanupu fo nakapela. Au fo Manetualain, kokolak basa so, de basa Au hala-kokolang lala'en-na, neukose nanatao natetuk.”

YESKIAL 19:14

Ha'i-a, ana pila nasalolo'de mai, de na'aheni, angol ndia ndanan-nala, ha'i-a, na'aheni ndanan-nala ma boan-nala. Besak ia, ndanan-nala, ta matea-la so'on; ta bisa taon da'di, aitete'e manek so'on Nakamee kikii-makaleleuk ndia nde, hataholi-la lakamee fali-fali loon.

YESKIAL 21:10

Fofola namatanen, fo ela ana bisa taonisa hataholi, fofolan fo ela isin-na nangale'do. Ta hapu seluk namahokok ba'eneu Au anang-ngala so'on, nana ala ta taoafik neu basa nasanene'dak ma hoholo-lalanek lala'en-na fa.

YESKIAL 21:32

Neukse, ha'i-a, na'aheni emi. Emi daam-ma, neukose ana faa nai emi nusam dale, fo ta hapu hataholi esa boen, nafandele emi so'on. Au Manetualain nde manakokolak-ka.’ ”

YESKIAL 24:5

Pake bi'ilopo maao paan-na, boema boso pake bi'ilopo lasik paan-na. Tu'tuk ai ha'i ba'uk-ka neu, fo paa nakadoto pesi-pesi. Nasu paa ndia no duin-nala.”

LUKAS 23:31

Nana metema soaneu aihuk fo bei maso'da ka, hataholi a taon sama leo iak so, na muda hata no ai hu tuu ka bai!”

ULANGAN 32:22

Neukose, Au nasa-melung lua ponu-ponu sama leo ha'i fo na'a losa daebafak-ka buin-na, Ha'i ndia na'aheni daebafak-ka no basa oe-isin lala'en-na, ma na'a losa letek-kala buin-na.