YESKIAL 20:40 - Susula Malalaok Hehelu Palak Ma Hehelu Beuk

⁴⁰ Nana nai dae Israel-la, fo nai Au lete malalao-malalafung-nga poin-na, emi basa-basam-mala, fo leoina Israel-la, neukose sene-do'ok neu Au. Nai naa, neukose Au amahoko, fo Au sipok emi tutunu-hohotum, emi tunu-hotum malolem-mala, emi fe-fe hehelim-mala.

YESKIAL 20:40 ပူးပေါင်းရင်းမြစ်များ

2 SEMUEL 24:23

Arauna fe basa sila-la leo manek-ka neu, boema nafa'da nae, “Sa'di leo been-na, Ama Manek Manetualain-na, sipok Ama Manek tunu-hotun.”

MAZMUR 2:6

nae, “Nai Sion, fo Au pupuku malalao-malalafung-nga, Au ndo ei basa manek fo Au helek-ka.”

YESAYA 56:7

“Neukose Au o emi leo Sion, leo Au pupukung fo, malalao-malalafuk-ka neu, ma Au fe namahoko-seteleek, nai Au uma mamasong-nga Tutunu-hohotuk fo, emi tunu-hotun nai Au mei tunu-hotung lain-na, neukose Au sipok-kana. Neukose loke Au Umang-nga soona lae, uma huhule-haladoik soaneu leoina lala'en-na.”

YESAYA 60:7

Leni fe o, bi'ihii bi'ilopo Kedar, bi'ilopo mane-a, nanasadiak neme Nebayot mai, soaneu o makaluku-makatelem. Tutunu-hohotuk sila-la, landaa no Manetualain dalen-na, Ana tao makalupu-makaseek, de Uman-na henuk no mandela-masa'ak.

YESAYA 66:20

Neme nusak sila-la mai, neukose ala loo falik emi tolano-tolanoom fo, leoina esa, da'di leo bua palsen soaneu Au. Neukose ala lo hataholi sila-la, leo Au pupukung fo malalao-malalafung-nga neu nai Yerusalem no ala sa'e ndala, keledei ma onta, ma no kaleta boema nggalobak, sama leo hataholi Israel-la biasa leni tunu-hotu gandum nai mamana balisi dale, leo Manetualain Uman neu.

YESAYA 66:23

Tunga-tunga bula beuk, ma tunga-tunga fai Sabat-ta, basa hataholi daebafak lala'en-na, neukose ala mai, soaneu sene-do'ok Au nai Yerusalem.

YEREMIA 31:12

Neukose ala mai neme pupukuk Sion-na mai no mata-pana malengak, nanahu Au fefeng neu sila-la, nde gandum, mina, angol, sapi ma bi'ilopo. Sila neukose sama leo osi bubu'u-palusa fo oa ai manadaik, ma ala ta to'a-ta hata esa boen.

YESKIAL 17:22

Manetualain Fo Mademaina, nafa'da dede'ak-kala nde ia nae. “Neukose, Au ketu-a pe'duk esa, neme ai kaiou mademaina mai, boema Au helu-a, ndana nulan esa; Au sele ai ndanak ndia neu letek fo, namadema leo ko'as-sa neu.

YESKIAL 17:23

Au falak-kana, nai lete mademaina manai Israel-la. Neukose, nanupu nai naa, fo nabuna-naboa, boema, ana da'di ai kaiou nanakoa-nanakiok. Basa manupui mata-matak lala'en-na, neukose landunu nai lain, ma lafuni aoinan-nala, nai sa'on dale.

YESKIAL 28:14

Au fe ata nusa so'dak fo, mata-panan nakatata'u, nanea o nai ndia. O leo nai Au lete malalao-malalafung lain, ma o la'ok nai batu poemata mangadilak-kala tala'da.

YESKIAL 40:2

Nai ninitak esa dalek, Manetualain noo au leo dae Israel-la neu, de Ana pe'da au nai lete mademaina esa poin-na. Au ita nai au matang-nga, uma bubuak esa, nalupa kota esa.

YESKIAL 43:12

Nakeketuk la'eneu Manetualain Uman-na nde ia: Basa mamanak manai letek ndia poin-na lala'en-na, nde been-na malalao-malalafuk.”

YESKIAL 43:27

Basa fai ka hituk sila-la soona, imam-mala muse mulai fe tutunu-hohotuk, nai mei tunu-hotuk ndia lain, tutunu-hohotu nanatunuk, ma tutunu-hohotu mole-dame soaneu laun-nala. Soona neukose, Au sue-lai emi basa-basam-mala. Au, Manetualain Fo Mademaina, nde manakokolak-ka.”

OBAJA 1:16

Au anang-ngala linu nininuk fo nalupa sila huhukun-na so, nai Au lete malalao-malalafung lain. Tehu nininnuk ba'eneu leoina manai daebafak ia, makahe'duk lena seluk bai. Ala ta hapu latapo'i leme huhukuk ndia mai fa. Sila muse linun losa basan, fo basa soona, neukose mopok-kasa fo ta hapu sesee-bobolon lai bee fa.”

ZEFANYA 3:11

Nai lelek ndia, hai anang-ngala lemin, emi ta paluu mame'da mamaek so'on, nanahu emi lena-la'ban basa Au so. Neukose, Au usi heni basa hataholi manakoao-ndaeaok-ka ma hataholi fo namatutua-nadedema aon-na, soona neukose, emi ta lena-la'ban seluk Au, nai Au pupuku malalao-malalafung lain so'on.

MALEAKHI 1:11

Basa leoina manai daebafak-ka lala'en-na, ala fe ha'da-holomata neu Au. Ala tunu boomenik, su'di nai bee-bee boe, fo ala fe ha'da-holomata neu Au na'deng-nga, ma ala tunu-hotu tutunu-hohotuk-ka nandaa, nana basa leoina-la, ala fe ha'da-holomata neu Au!

MALEAKHI 3:4

Boema sama leo nai tepo-lelek makahulun-na, neukose Manetualain nahiik tutunu-hohotuk fo laun Yehuda, ma laun Yerusalem-mala tunu-hotuk-ka.

ROMA 8:23

Tehu ta ka'da daebafa ka mesa kasa hoo-nggu'u fa; te ita hoo-nggu'u nai ita dalen dale boe. Ita sipo basa Manetualain Dula Dale na da'di neu Manetualain baba'e-babati makasososa na, tehu ita boeo bei tahani Manetualain soi-tefa na ita so'da na basa-basan lala'ena fo Ana tao ita da'di Ndia anan.

IBRANI 13:15

Hu ndia de, no Yesus hehela-nonolen, de ela leo bee na ita koa-kio Manetualain tataas esa; fo ndia nalupa ita tutunu-hohotu kokoa-kikion esa neun, fo ita tunu-hotun tunga difadoo ka soaneu tamatutua-tamadedema na'de na.

1 PETRUS 2:5

Emi sama leo batu maso'dak. Hu ndia de, ela leo bee na emi nau nanapakek soaneu mafofo'a Manetualain Uma samane na. No enok ndia, emi da'di imam, fo emi maso'da hehelik soaneu Manetualain, ma tunga Yesus Kristus, de emi fe tutunu-hohotu samanek neu Manetualain, fo nandaa no Manetualain dale na.

NINITAK 12:1

Boema hata matabeu matuaina esa da'di nai lalai. Inak esa pake le'do da'dileo bua papake na, bei napadeik nai bulak lain. Nai langa na, hapu bulamolik esa ala taon neme nduuk sanahulu dua mai.

NINITAK 21:10

Boema Manetualain Dula Dale na koasa na au, de ata nusa so'dak ndia no au leo lete mademaina esa poi na. Natu'du au kota malalaok Yerusalem, fo ana kona neme nusa so'da ka mai fo neme Manetualain mai,