YESKIAL 20:4 - Susula Malalaok Hehelu Palak Ma Hehelu Beuk

⁴ Hai hataholi daebafak fo, manasapu-manalalok-konei, ade, o sadia basa soaneu maketu-mala'dis so do beik? Nah, taon leona! Fes nasanene'dak neu tatao-nono'i ta kandaak lala'en fo, sila bei-ba'i kain-nala tao-no'in.

YESKIAL 20:4 ပူးပေါင်းရင်းမြစ်များ

YESAYA 5:3

Da'di, besak ia, Au tia-laing-nga nafa'da nae, “Emi basa-basam fo, laun Yerusalem ma Yehuda-la lemin, maketu-mala'di Au osi angol-la ma Au.

YEREMIA 11:14

Hu ndia de, Yeremia, boso hule-haladoi soaneu sila, ade moke tutulu-fafalik neme Au-a soaneu sila. Metema sila mai dudu'a-aafi makale'ok-ka dalek fo loke tutulu fafalik neme Au-a mai soona neukose Auta nau amanene fas.”

YEREMIA 15:1

Manetualain nafa'da au nae, “Neukose Au ta sue-lai leoina ia-la so'on, leomae Musa ma Semuel lapadeik nai ia, fo loke susue-lalaik neu sila. Madenu laoina ia-la la'o, te Au ta nau mete-lakanae fas!

YEREMIA 7:16

Manetualain nafa'da nae, “Yeremia, boso hule-haladoi fe hataholi ia-la. Boso moke tutulu-fafalik, do hule-haladoi soaneus; boso makaseti Au, nana Au ta nau amanene dokodoek ndia fa.

YESKIAL 14:14

Leomae Noh, Danel ma Ayub, ala leo leme mamanak ndia, tehu sila telu tatao-nono'i malolen-na, hapu soi-tefa-na ka'da sila telu samanen-na mesak-kana. Au, Manetualain Fo Mademaina, nde manakokolak-ka.

YESKIAL 14:20

Ma leomae Noh, Danial ma Ayub, ala leo leme ndia, tehu no Au, Manetualain fo maso'dak-ka, na'den-na, neukose ala ta hapu soi-tefa-la, su'di see boen, nakalenak sila anan-nala boeo, ta. Ka'da sila mesak-kasa, nde laso'da, nanahu sila tatao-nono'i malolen-na.”

YESKIAL 22:2

“Hai hataholi daebafak fo, manasapu-manalalok-konei, ade o maheheleaom basa, soaneu maketu-mala'di kota fo, henuk no kanisak ndia so do? Matu'dun basa tatao-nono'in fo, nanamaluak lala'en-na.”

YESKIAL 23:36

Manetualain nafa'da au nae, “Hai hataholi daebafak fo, manasapu-manalalok-konei, o maheheleaom basa soaneu maketu-mala'di Ohola ma Oholiba so do? Kena-ka'is la'eneu tatao-nono'i ta kandaak fo, ala tao-no'i basan ndia so.

YESKIAL 23:45

Tehu neukose, hataholi ndoos-sala laketu-lala'di hataholi ka'a-fa'di ka duak sila-la, nenik enok hohonge, ma kanisak-ka, nana memak sila lasala so.”

1 KORINTUS 6:2

Ade emi ta bubuluk neukose Manetualain hataholi kamahehele nala nde laketu-lala'di daebafak ia fa do? Da'di metema memak neukose emi nde maketu-mala'di daebafak ia soona, ade emi ta maketu-mala'di mabe'i dede'a sosoa-ndandaa tak sila la fa do?