YESKIAL 20:3 - Susula Malalaok Hehelu Palak Ma Hehelu Beuk

³ “Hai hataholi daebafak fo, manasapu-manalalok-konei, kokolak moo mauli-malangan sila-la, fo mafa'das mae Au, Manetualain Fo Mademaina, nafa'da nae leo ia, ‘Emi mapalani manseli, moke natutu'duk neme Au mai! No Au, Manetualain fo maso'dak-ka na'den-na, Au ta nau emi moke Au natutu'duk fa! Au, Manetualain Fo Mademaina, nde manakokolak-ka.’

YESKIAL 20:3 ပူးပေါင်းရင်းမြစ်များ

AMSAL 15:8

Manetualain sipok hataholi malole-a huhule-haladoin; tehu Ana ta hii hataholi mangalauk-ka tunu-hotun fa.

AMSAL 21:27

Manetualain nape'da dale nasak, hataholi malelesik-ka tunu-hotun fa, nakalenak, metema ana tunu-hotu no muu-dauk.

AMSAL 28:9

Metema, o ta tunga Manetualain hoholo-lalanenfa soona, neukose Manetualain boeo, malua o huhule-haladoim.

YESAYA 1:12

See nadenu emi, fo meni basa tunu-hotuk sila-la lala'en-na, nai lelek emi mai sene-do'ok neu Au? See nadenu emi meu heheta-aa'i Au Uma Malalao-malalafung-nga?

YESAYA 1:15

Metema, emi so'uk emi limam-ma, fo emi hule-haladoi soona, Au ta nau taoafik neu fan. Au ta paluu emi huhule-haladoim dede'un-na de'ubee fa, ma Au ta nau amanene fan, nana emi manisa la'i ba'uk-ka nenik emi limam ndia so.

YESAYA 58:2

Tunga faik, sila sene-do'ok neu Au, ma sila hii bubuluk Au hihii-nanaung, nono'kabai, sila tao hata fo malole, ma sila lilineka neu Au hoholo-lalaneng. Sila lafa'da, lae sila lamahoko sene-do'ok neu Au, ma lahiik Au hoholo-lalaneng, fo ndoos ma matetuk-ka.”

YESKIAL 14:1

Leoina Israel-la, mauli-malangan de'ubee, ala mai leo au mai, fo latane Manetualain hihii-nanaun.

YESKIAL 20:2

au amanene Manetualain nafa'da au nae,

YESKIAL 20:31

Nakalenak losa besak ia boe, emi tao manggenggeo emi aoinam-mala nenik, emi bei meni tutunu-hohotuk, ma emi tunu-hotu emi anam-mala, da'di leo tutunu-hohotuk neu sosongo-tatangok-kala. Boema, emi bei mapalani, moke natutu'duk neme Au mai? No Au, Manetualain fo maso'dak-ka na'den-na, neukose Au ta fe emi loak, fo moke natutu'duk neme Au mai fa.

YESKIAL 33:30

Manetualain nafa'da nae, “Hai hataholi daebafak fo, manasapu-manalalok-konei, hataholi fo emi leoina esa, ala kokolak o na'dem-ma, nai lelek latongo lai mamanak manadeka no papala nanadamak-kala, do langatuuk lai uma-la lelesun-nala bafan-na. Sila esa nafa'da esa nae, ‘Ayo, mai fo teu tamanene, Manetualain nafa'da beek nai faik ia.’

AMOS 8:12

Neukose hataholi-a naleu-nalaak neme kii leo kona ma neme dulu leo muli neu, fo ana sanga Au hala dede'a-kokolang, tehu ala ta hapu fan.

MIKHA 3:7

Hataholi-hataholi fo lafa'da memak fai manamaik-ka nenini na, neukose ala hapu mamaek, nanahu lafa'da memak-ka, ta la'e fan. Mopo basa-basas mata-panan, nanahu Manetualain ta nataa fas.

MATEOS 3:7

Hataholi Farisi la ma hataholi Saduki la boeo makadotoknan mai fo loke Yohanis salanis. Tehu Yohanis mete nitas ala mai boema nafa'das nae, “Hei, hataholi mangalau kala lemin! See ka nde nafa'da emi nae, emi ta hapu malai meme Manetualain huhuku mana mai na fa?

LUKAS 3:7

Hataholi makadotok mai leo Yohanis, fo ana salamis. Yohanis nafa'das nae, “Emi hataholi mangalau kala! See ka nde nafa'da nae, emi hapu naladeak neme Manetualain huhukun fo manamai ka?

YOHANIS 4:24

Hu ka nde Manetualain ndia, nde Dula Dale ka, de no ka'da Manetualain Dula Dale na koasa na, de hataholi a hapu sene-do'ok neu Ama ka, sama leo Ama ka nai ia.”

SEMUEL SUSULAK-KA ESAN-NA 28:6

Boema, noke natutu'duk neme Manetualain mai, tehu Manetualain ta nataa fa, nau tunga me'i-afek do tunga batu Urim ma Tumim-ma, do tunga nabi-la boe.