YESKIAL 20:27 - Susula Malalaok Hehelu Palak Ma Hehelu Beuk

²⁷ Nah, hai hataholi daebafak fo, manasapu-manalalok-konei, mafa'da hataholi Israel-la hata fo Au, Manetualain Fo Mademaina, afa'das: Hapu buti fe'ek fo natu'du, tao leo beek de, sila bei-ba'i kain-nala lakamumulu-lakamamaek Au, ma ala ta lilineka neu Au fa

YESKIAL 20:27 ပူးပေါင်းရင်းမြစ်များ

MAZMUR 78:57

Ala lalelesi sama leo bei-ba'i kain-nala de ta bisa namahele fas, sama leo kokouk fo, ana peko so.

YESAYA 65:7

nanahu sila sala-singon, ma sila bei-ba'i kain-nala sala-singon. Ala lakadadaek Au, nenik ala tunu fe lamatua daebafak-kala boomenik, nai mamana sosongo-tatangok-ka nai pupukuk lain. Neukose Au balas sila, nandaa no sila tatao-nono'in, nai tepo lelek maneuk-ka.”

YESKIAL 14:13

metema nusak esa nasala-nasingo, ma ta lilineka neu Au fa soona, neukose Au huku nusak ndia. Neukose, Au tao akalulutuk mamana pepe'da nana'an-nala, ma Au fe soe la'a-ndoes-sa mai, ma Au taoisa, nau hataholi do bana-manu boe.

YESKIAL 18:24

Tehu metema, hataholi malole esa, ana ta tao tatao-nono'i malole so'on, boema ana mulai tao tatao-nono'i mangalauk, ma tatao-nono'i nanamaluak lala'en fo, hataholi mana tao tatao-nono'i mangalauk-kala biasa tao-no'in; ade, hataholi ndia, neukose naso'da nahele do? Ta! Neukose, lafandele heni basa tatao-nono'i malolen sila. Neukose maten, hu kande sala-singon, ma ana ta lilineka neu Au fa.

YESKIAL 2:7

Manduku-malosak Au hala hehelung lala'en-na neus, su'di ala nau lamanene do ta. Mafandendelek te, hataholi sila-la, malenalanga-masabasook-kala.

YESKIAL 3:11

Muu leo o leoina, fo manai mamana okak ndia, fo manduku-malosak hata fo Au, Manetualain Fo Mademaina, nafa'dan neu sila, su'di ala nau lamanene do ta.”

YESKIAL 3:27

Mahani te, metema Au kokolak seluk o o, fo Au fe falik o be'i-balakaim, fo o hapu kokolak seluk soona, o muse manduku-malosak hata fo Au, Manetualain Fo Mademaina, afa'dan neu leoina ndia. Neukose, sila nggelok lamanene, tehu nggelok soona ta, nanahu memak sila, leoina malenalanga-masabasook.”

YESKIAL 3:4

Manetualain nafa'da seluk nae, “Hai, hataholi daebafak fo, manasapu-manalalok-konei, muu leo hataholi Israel-la leona, fo manduku-malosak basa Au hala hehelung lala'en-na neus.

YESKIAL 39:23

Ma basa leoina-kala, neukose ala bubuluk, lae hataholi Israel-la, nanafook leo mamana tu'u-tapak neu, nanahu sila sala-singon neu Au-a. Au la'oelas so, ma Au po'ilotak musu-a sengis, de musu-a taonisas lai natee-natatik dale.

YESKIAL 39:26

Metema ala leo seluk no nee-nee lino-linok nai sila nusan-na, fo ta hapu hataholi nakabibiik-kasa fa, soona neukose lafandele heni, tao leo beek de ala hapu mamaek, hu kande lalelesi Au.

BILANGAN 15:30

Tehu metema, hataholi Israel esa, do hataholi nusa dea esa, ana bubuluk nakanenetek-ka, tehu ana tao sala-singok soona, ndia nana'de nakadadaek Manetualain. Soona muse hukunisa hataholi ndia,

ROMA 2:24

Nai Susula Malalaok dale nanasulak nae leo ia, “Hu ka nde emi hataholi Yahudi, de Manetualain na'de na nanatao nanggenggeok nai leoina fe'e kala dalek.”

NINITAK 13:5

Bana ndia sipo hak fo koao-ndaeao de nalosa nakamumulu-nakamamaek Manetualain. Manetualain fen koasa bulak hahulu dua dale na.