YESKIAL 20:18 - Susula Malalaok Hehelu Palak Ma Hehelu Beuk

¹⁸ Nasafalin-na, Au anoli-afa'da sila ana muli-solun-nala ae leo ia, ‘Boso tunga emi bei-ba'i kaim-mala, tao nakanenetek-kala. Boso na'de dulak neme sila ha'da-tataon-nala mai, ma boso tao manggenggeo emi aoinam-mala nenik, sene-do'ok neu sila sosongo-tatangon-nala boe.

YESKIAL 20:18 ပူးပေါင်းရင်းမြစ်များ

MAZMUR 106:39

Hu kande tatao-nono'ik ndia, de ala da'di langgenggeo, ma ala ta lilineka neu Manetualain fa.

YEREMIA 11:10

Sila tao sala-singok fo nanatao basak neme sila bei ba'i-kain-nala fo ala ta nau lamahele neu Au fa, de sila lamahele neu lamatua daebafak fe'ek, ma ala ta nau tunga Au paletang-nga fa. Leomae Israel ma Yehuda la'olena hehelu-balatak, o Au tao basan neu sila bei ba'i-kain-nala.

YEREMIA 2:7

Au os leo, nusa maoe-maisik-ka neu fo la'a buna-boak, ma basa hata malole lala'en manai naa-la. Tehu ala losa ndia boema, ala tao langgenggeo Au daeng-nga, ma ala tao Au hata-hetong da'di hata esa fo nanamaluak.

YEREMIA 3:9

ma ana ta name'da bibii-mamaek makandondook fa. Ana hohonge, nanahu ana sene-do'ok neu ai ma batu, nalosa nusak ia ana da'di naggenggeo.

YEREMIA 32:23

Tehu nai lelek ala mai lo nusak ia mai de latona-la boema, ala ta nau tunga O paletam-mala fa, ma ala ta laso'da tunga O nanoli-nafa'dan fa. Basa hata fo O paletak neu sala ala ta tao-no'i esa boen. Hu ndia de O muni fes basa susa-soe iala neu sila.

YESKIAL 18:14

Tehu metema, hataholi manatao tatao-nono'i mangalauk makadotok ndia maanak, de ni'iana ndia, nita aman tatao-nono'in lala'en-na, tehu ana ta tao tunga fan.

YESKIAL 18:19

Tehu, fafa'kama hapu hataholi natane nae, tao le'e de, ni'iana ndia ta lu'a-lepa fali aman, sala-singon-nala fa. Natataa-na nae, hu kande, ni'iana ndia malole, ma ana tao tunga ndoon-na. Ana tunga Au hoholo-lalaneng, ma ana taon no dale katematuan-na, de naso'da nahele.

YESKIAL 2:3

“Hai, hataholi daebafak manasapu-lalok-konei, Au adenu o muu leo hataholi Israel fo, manalena-la'ban neu Au-a. Hataholi sila-la, malenalanga-masabasook-kala, sama leo sila bei-ba'i kain-nala boe.

YESKIAL 20:7

Au adenus fo, ala tu'u-tapaheni, sila hii lanuu dodoki-dudulak fo nanamaluak sila-la, ma Au kena-ka'is, fo ala boso tao langgenggeo aoinan-nala nenik, ala sene-do'ok neu sosongo-tatangok maneme Masir sila mai, nana Au nde, sila Aman Manetualain-na.

AMOS 2:4

Manetualain nafa'da nae, “Hataholi Yehuda-la lasala-lasingo tataas esa so, hu ndia de, tao leo bee-o, neukose Au hukus. Ala la'olena Au paletang-nga la, ma ala ta taoafik neu Au nanoling-ngala fa. Ala la'ok sala nanahu bei-ba'i kai-nala sene-do'ok neu lamatua daebafa fe'ek-kala tatao-nono'in.

BILANGAN 14:31

Emi mafa'da basa, mae neukose emi anam-mala nanafook. Tehu sila nde, neukose Au os leo nusak fo, emi ta sipok-kana ndia fa, de neukose nusak ndia, ana da'di sila dae-oen.

HATAHOLI 7:51

Tolanoo kala langa batu manseli, ma tea na seli soaneu emi tunga Manetualain! Emi di'idoo mala pake nanseli neu Manetualain dede'a-kokolan! Emi mo emi bei ba'ikai mala matak esa! Emi la'ban Manetualain Dula Dale na tataas esa!

1 PETRUS 1:18

Emi bubuluk hata fo nanabae basak soaneu se'i po'i emi neme so'da manda'di tak fo emi bei ba'i mala ue ela kala. Baba'e na ta nanabaek ninik hata fo hapu nalutu fan sama leo lilo fulak do lilo pilas a,