YESKIAL 2:7 - Susula Malalaok Hehelu Palak Ma Hehelu Beuk

⁷ Manduku-malosak Au hala hehelung lala'en-na neus, su'di ala nau lamanene do ta. Mafandendelek te, hataholi sila-la, malenalanga-masabasook-kala.

YESKIAL 2:7 ပူးပေါင်းရင်းမြစ်များ

KELUARAN 6:29

Tehu, Musa nataa nae, “Manetualain, O bubuluk, mae au ta kokolak alelak fa. Masa bole, manek-ka nau namanene au?”

YEREMIA 1:17

Yeremia, maheheleaom leona! Muu leona, fo manduku-malosak neus, basa hata fo Au paletan neu o. Boso bii-mamata'u neus, fo ela Au boso tao-ala o boetai bii-mamata'u seluk, metema o masasalematak moos.

YEREMIA 1:7

Tehu Manetualain nataa nae, “Boso mafa'da mae, o bei muli-soluk manseli. Metema, Au adenu o muu leo su'di see muu soona, o muse muu, ma Au adenu o mafa'da basa hata lala'en-na, o muse manduku-malosak-kana neus.

YEREMIA 17:20

Manduku-malosak Au hala-hehelung-nga neu manek-kala ma basa hataholi Yehuda-la boema basa Yerusalem laun-nala lala'en-na fo manala'ok tunga lelesu sila-la.

YEREMIA 23:28

Nabi fo manamalame'ik-ka muse nafa'danae, ‘Ia ka'da me'is-sa.’ Tehu nabi fo manahapu hala haituak neme Au mai-a, muse nanduku-nalosak hala haituak ndia no matetun-na. Te gandum-ma ta hapu nakasasamakana no ha'de aik-ka fa.

YEREMIA 26:2

Manetualain nafa'da neu au nae, “Mu mapadeik neu Au umang-nga so'dan-na, fo kokolak mo Yehuda laun fo manamai hule-haladoi manai ndia. Manduku-malosak neu sila basa hata fo Au paletak-ka neu o-a, soaneu mafa'dan neu sila. Boso mafa'da kulang esa boen.

YEREMIA 34:6

Boema Manetualain hala-haituan ndia au anduku-alosak-kana neu manek Zedekia nai Yerusalem,

YEREMIA 36:14

Boema basa malanga sila-la ladenu Yehudi (fo nde Netanya anan-na, fo Selemya upun-na, fo Kusyi melun-na) neu lo Barukh neu fo paletan soaneu ana mai ma neni fes susulak nanalunuk fo ana lees basa ndia.

YEREMIA 42:21

Hundia de, besak ia au anduku-alosak ita Aman Manetualain hala-haituan-na neu emi so. Tehu em ta nau tunga hala-haituak ndia fa.

YEREMIA 44:20

Neu inak ma touk manamataak manae leondia, au afa'das ae,

YEREMIA 6:28

Sila basa-basas ta tunga paleta, ma langabatuk-kala, de langan-nala tean-na, sama leo liti ma besi-a. Ha'da-paliin-nala kaboo-kabalik, ma ala la'ok su'di leo bee leu soona, ala kokolak langgenggeo hataholi fe'ek na'den-na.

YEREMIA 7:27

Basa boema Manetualain nafa'da nae, “Hu ndia de, hei Yeremia, leomae o mafa'da basa sila-la neu Au anang-ngala boeo, neukose ala ta taoafik neu o dede'a-kokolam fa. Leomae o maloos boeo, neukose ala ta lataa fa.

YESKIAL 11:25

Boema, au tui hataholi nanatu'u-tapak-kala, basa hata lala'en fo, Manetualain natu'dun neu au.

YESKIAL 12:2

“Hai hataholi daebafak fo, manasapu-manalalok-konei, o leo nai hataholi malenalanga-masa'ba sook-kala tala'da heon. Sila mamatak, tehu ta lita fa; madi'idook, tehu ta lamanene fa, nana ala nau lalenalanga-lasa'basoo.

YESKIAL 2:5

su'di ala nau lamanene do ta; te Au paluuk-kande, sila muse bubuluk, lae hapu nabi nai sila tala'da.

YESKIAL 20:27

Nah, hai hataholi daebafak fo, manasapu-manalalok-konei, mafa'da hataholi Israel-la hata fo Au, Manetualain Fo Mademaina, afa'das: Hapu buti fe'ek fo natu'du, tao leo beek de, sila bei-ba'i kain-nala lakamumulu-lakamamaek Au, ma ala ta lilineka neu Au fa

YESKIAL 3:10

Basa boema, Manetualain nafa'da nae, “Hai, hataholi daebafak fo, manasapu-manalalok-konei, taoafik matalolole, ma mafandendelek basa hata lala'en fo, Au afa'dan neu o.

YESKIAL 3:17

“Hai, hataholi daebafak fo, manasapu-manalalok-konei, Au so'u o da'di manamanea neu leoina Israel-la. Manduku-malosak nasanene'dak fo, Au fek ia-la neus.

YESKIAL 3:4

Manetualain nafa'da seluk nae, “Hai, hataholi daebafak fo, manasapu-manalalok-konei, muu leo hataholi Israel-la leona, fo manduku-malosak basa Au hala hehelung lala'en-na neus.

YESKIAL 33:7

Hai hataholi daebafak fo, manasapu-manalalok-konei, Au so'u o da'di leoina Israel-la, manamanean. Manduku-malosak nasanene'dak-ka nde ia neus:

YESKIAL 40:4

Touk ndia, nafa'da au nae, “Hai hataholi daebafak fo, manasapu-manalalok-konei, mamanene matalolole, ma taoafik neu basa hata lala'en fo, au atu'dun neu o, nana hu kande dede'ak ndia de, Manetualain koasan-na, noo o leo ia mai. Mafa'da leoina Israel-la, basa hata fo, neukose o mitan.”

AMOS 3:13

Manetualain Fo Manakoasa, ma Mademaina nafa'da nae, “Besak ia taoafik leona, fo fe nasanene'dak neu Yakob tititi-nonosin-nala.

YUNUS 3:2

Nae, “Muu leo Niniwe, fo kota matua ndia, fo manduku-malosak neu laun-nala, hala heheluk fo Au fen neu o.”

MATEOS 28:20

Boema manolis, fo ala tao tunga basa hata fo Au paleta basan neu emi a. Ma mafandendelek te, neukose Au o ahele emi losa fai mate'e ka.”