YESKIAL 2:4 - Susula Malalaok Hehelu Palak Ma Hehelu Beuk

⁴ Ala lalangabatu, ma ala ta fe ha'da-holomata neu Au fa. Au adenu o muu leo hataholi sila-la, fo manduku-malosak hata fo Au, Manetualain Fo Mademaina, afa'da neus,

YESKIAL 2:4 ပူးပေါင်းရင်းမြစ်များ

1RAJA-RAJA 22:14

Tehu Mikha nataa nae, “No Manetualain fo maso'dak-ka na'de na, neukose au afa'da ka'da hata fo Manetualain nafa'dan neu au!”

2TAWARIKH 30:8

Boso malanga batu sama leo sila, tehu tunga neu Manetualain. Mai leo Yerusalem mai, leo Manetualain Uman fo emi Manetualain hele heheli basan ba'eneu Ndia mesak-kana losa dodoon-na. Mai fo sene-do'ok neun fo ela nasan-na tenak soaneu emi.

2TAWARIKH 36:13

Manek Nebukadnezar-ra nakaseti Zedekia fo ana soo-supa nenik Manetualain na'den-na nae neukose ana lilineka neu Nebukadnezar. Tehu makabuin-na Zedekia tao nakabubua mangalauk la'ban Nebukadnezar. Zedekia nalanga bat neu Amak fo Israel Manetualain-na. Ana ta nau tuka tei-sale dale neme sala-singon mai, ma ana ta nau fali leo Manetualain mai fa.

MAZMUR 95:8

“Boso malanga batu, sama leo o bei-ba'i kaim-mala leme Meriba, sama leo nai lelek leme Masa, fo nai moo solokaek-ka.

AMSAL 21:29

Hataholi dale ndoos-sa, namahele aoinan-na; tehu hataholi mangalauk-ka, ta bii-mae nalelak fa.

YESAYA 48:4

Au bubuluk, ae o dalem-ma natea, ta tunga paleta, ma langa batuk.

YEREMIA 1:7

Tehu Manetualain nataa nae, “Boso mafa'da mae, o bei muli-soluk manseli. Metema, Au adenu o muu leo su'di see muu soona, o muse muu, ma Au adenu o mafa'da basa hata lala'en-na, o muse manduku-malosak-kana neus.

YEREMIA 3:3

Hu ndia de, oe ta mai neme lalai mai, ma nai fai sele-nggalik-ka, u'dan-na ta mai fa. O hihii mae, sama leo ina mana sosoa-piaok-ka, ma bibii-mamae tak.

YEREMIA 36:21

Boema manek-ka nadenu Yehudi soaneu ho'in-na susulak nanalunuk ndia. Ana ho'i nan neme Elisama kaman dale mai boema, Yehudi lees-sana neu manek-ka, ma neu basa mauli-malanga fo bei manamapadeik okofefeo manek-ka.

YEREMIA 5:3

Te'e-te'e, Manetualain nokek-ka nde, lilinekak-ka. Manetualain fepa emi, tehu emi ta mafaduli fa. Ana tao nakalulutuk emi, tehu emi ta nau nanoli emi fa. Emi langa batu, ma ta nau tuka tei-sale dale meme emi sala-singom mai fa.

YEREMIA 6:15

Tunga ndoon-na, ala mae, nanahu ala tao basa, dede'a nananakamumulu-nakamamaek ndia so. Tehu lakapapalu lou, ma bibii-mamae tak-kala. Hu ndia de, neukose ala tu'da, sama leo hataholi fe'ek-kala boe; metema Au hukus soona, mopo dipon-nala. Au, fo Manetualain nde manakokolak-ka.”

YEREMIA 8:12

Hai Au anang-ngala lemin, tunga ndoon-na, emi muse mae, nanahu emi tao basa hata fo, nananakamumulu-nakamamaek ndia so! Tehu emi makapapalulou, ma bibii-mamae tak-kala. Hu ndia de, neukose emi tu'u meu, sama leo hataholi fe'ek fo, manatu'u basak-kala so; metema Au huku emi soona, mopo emi dipom-ma.

YESKIAL 3:11

Muu leo o leoina, fo manai mamana okak ndia, fo manduku-malosak hata fo Au, Manetualain Fo Mademaina, nafa'dan neu sila, su'di ala nau lamanene do ta.”

YESKIAL 3:27

Mahani te, metema Au kokolak seluk o o, fo Au fe falik o be'i-balakaim, fo o hapu kokolak seluk soona, o muse manduku-malosak hata fo Au, Manetualain Fo Mademaina, afa'dan neu leoina ndia. Neukose, sila nggelok lamanene, tehu nggelok soona ta, nanahu memak sila, leoina malenalanga-masabasook.”

YESKIAL 3:4

Manetualain nafa'da seluk nae, “Hai, hataholi daebafak fo, manasapu-manalalok-konei, muu leo hataholi Israel-la leona, fo manduku-malosak basa Au hala hehelung lala'en-na neus.

YESKIAL 3:7

Tehu, leoina Israel-la, ta nau lamanene o fa, lena-lenak Au bai, ala ta taoafik neu Au makandondook fa. Sila basa-basas, lalangabatu, ma ala hii ka'da lena-la'ban Au.

AMOS 7:15

Tehu Manetualain naloo au neme au tatao-nono'ing dalek mai, de nadenu au anduku-alosak hala hehelun-na neu hataholi Israel-la.

ZAKHARIA 7:12

Latea dalen-nala, nalosa natea sama leo batu-a. Au amanasa anseli, nanahu ala ta nau tunga nanolik fo Au fen tunga nabi makahuluk-kala fa.

MATEOS 10:16

“Taoafik neu dede'ak esa nde ia te: Au adenu emi sama leo bi'i lopo tapandoe sa, neu leo busa fui makaa mangalau ka tala'da neu. Hu ndia de, emi muse manea sama leo menge a, tehu emi dale ma ndoos, sama leo manupui kalua sina.

ULANGAN 10:16

Da'di, mulai neme hatematak ia mai, emi muse tunga neu Manetualain ma boso boe malangabatu seluk bai.

ULANGAN 31:27

Au bubuluk, ala langa batu lanseli, ma ala nau lena-la'ban paleta. Au bei aso'da ia boeo, ala lena-la'ban Manetualain; mu'da hata no, mahani te, au mate bai!