YESKIAL 2:3 - Susula Malalaok Hehelu Palak Ma Hehelu Beuk

³ “Hai, hataholi daebafak manasapu-lalok-konei, Au adenu o muu leo hataholi Israel fo, manalena-la'ban neu Au-a. Hataholi sila-la, malenalanga-masabasook-kala, sama leo sila bei-ba'i kain-nala boe.

YESKIAL 2:3 ပူးပေါင်းရင်းမြစ်များ

2RAJA-RAJA 17:14

Tehu, Israel ma Yehuda, ta nau lamanene fa. Lalanga batu, sama leo sila bei-ba'ikain-nala, fo ta lemahele neu sila Manetualain fa.

2RAJA-RAJA 17:15

Israel ma Yehuda, ta nau tunga Manetualain paletan-nala, ma ta lilineka neu hehelu-balataak, fo Ana tao basan no sila bei-ba'ikain-nala fa. Ala ta taoafik neu kekena-kaka'in fa, tehu ala songo neu sosongo-tatangok, sosoa-ndandaa taak-ka, nalosa sila boeo, da'di sosoa-ndandaa taak. Ala tunga leoina manai sila boboan kaisun-nala, ei tata'bun-na, leomae Manetualain kena-ka'i basan so.

EZRA 9:7

Neme ami bei-ba'i kaim-mala tepo-lelen, losa besak ia, ami fo O anam-mala, masala-masingo neu O. Hu ndia de, mane nusa fe'ek-kala sengi ami, moo basa ami manem-mala, boema basa ami imam mala. Ala taolisa ami, ma bonga ami umam-mala, ma foo loo ami da'di leo hataholi nanafook. Lakamumulu-lakamamaek langge'a ami, sama leo nai faik ia.

NEHEMIA 9:26

Tehu O anam-mala lalenalanga-lasa'basoo, ma ala ta tunga O fa, ala ta taoafik neu O hoholo-lalanem ma O nakanenetem-ma fa, ala taolisa nabi-nabi fo manafes nasanene'dak-ka, ma manamadenu fo ala fali ma'is leo O mai, fo sila Manetualain-na. Ou Manetualain, nai lelek lakamumulu-lakamamaek O,

MAZMUR 106:28

Basa boema, ala sene-do'ok neu Baal neme Peor, ma la'a nana'ak fo, nanatunu-hotuk soaneu lamatua daebafak-kala.

YESAYA 30:1

Manetualain nafa'da nae, “Soe ba'eneu mauli-malangan Yehuda-la, nanahu ala la'ban Au. Ala tunga dale tutu'uk fo, ta neme Au dale tutu'ung-nga mai fa. Ala lima-lee, hehelu-balataak fo, nasei-kosalak no Au dale hihiing-nga. Hu ndia de, sala-singon-nala ladodou.

YEREMIA 1:7

Tehu Manetualain nataa nae, “Boso mafa'da mae, o bei muli-soluk manseli. Metema, Au adenu o muu leo su'di see muu soona, o muse muu, ma Au adenu o mafa'da basa hata lala'en-na, o muse manduku-malosak-kana neus.

YEREMIA 3:25

Da'di, nemen-na fo, ami lu'a-lepa bibii-mamaek, ma nemen-na fo, ami da'di matasi'da-matasaek. Nana, ami ma ami bei-ba'i kaim-mala, masala-masingo basa neu ami Amam Manetualain so, ma ami ta tunga mita paletan-na fa.”

YEREMIA 36:2

“Ho'im-ma susulak nanalunuk esa, fo sulak-kana nai ndia basa hata fo Au afa'da basan neu o la'eneu Israel ma Yehuda, ma la'eneu basa leoina lala'en-na. Sulak ma laiesak Au hala-kokolang ndek lelek Au kokolak makasososang neu o-a nai manek Yosia paletan-na tepo-lelen-na losa faik ia.

YEREMIA 44:20

Neu inak ma touk manamataak manae leondia, au afa'das ae,

YEREMIA 44:21

“Ade emi maedaeng-nga Manetualain ta bubuluk do nasanggango heni tutunu-hohotuk fo nanatunu-hotuk neme mei bei ba'ikai manamatem-mala, neme manek-manek-kala ma emi mauli-malangam-mala ma nusak ia laun-nala ma neme emi ia mai boe, nai kota-kota Yehuda ma nai enok-enok Yerusalem fa do?

YESKIAL 17:12

“Matane malenalanga-masa'basook sila-la, ade sila lalelak nakandandaak ndia, sosoa-ndandaan do ta Mafa'das mae manek Babel-la nai Yerusalem so, de ana foo neni mane Yehuda no basa kota ndia hataholi matua-mademan-nala, leo Babel leu.

YESKIAL 24:3

Au, Manetualain, anuu nakandandaak esa ia, soaneu manduku-malosak-kana neu Au anang fo, ala hii ka'da lena-la'ban sila: Di'a oe leo ulek dale neu, soona so'un leo la'o lain neu.

YESKIAL 40:4

Touk ndia, nafa'da au nae, “Hai hataholi daebafak fo, manasapu-manalalok-konei, mamanene matalolole, ma taoafik neu basa hata lala'en fo, au atu'dun neu o, nana hu kande dede'ak ndia de, Manetualain koasan-na, noo o leo ia mai. Mafa'da leoina Israel-la, basa hata fo, neukose o mitan.”

AMOS 7:15

Tehu Manetualain naloo au neme au tatao-nono'ing dalek mai, de nadenu au anduku-alosak hala hehelun-na neu hataholi Israel-la.

MALEAKHI 3:7

Sama leo emi bei-bai kaim makahulun-nala, emi basa-basam-mala boeo la'ok sala neme Au hoholo-lalaneng mai, ma ta lilineka nai nakalala'on-na dalek fa. Fali leo Au mai leon, soona neukose Au boeo fali leo emi neu. Tehu emi matane mae, ‘Ami muse tao leobeek, fo ami fali leo O meu?’

BILANGAN 20:10

Musa no Harun laloo lakabubua basa hataholi Israel-la lala'en-na, de lapadeik lai pupuku batu ndia matan-na. Boema Musa nafa'da nae, “Mamanene leon, hai leo-ingu manalena-la'ban paleta-la lemin! Ade ami muse kalua fe emi oe, neme pupuku batu ia dalek mai do?”

HATAHOLI 7:51

Tolanoo kala langa batu manseli, ma tea na seli soaneu emi tunga Manetualain! Emi di'idoo mala pake nanseli neu Manetualain dede'a-kokolan! Emi mo emi bei ba'ikai mala matak esa! Emi la'ban Manetualain Dula Dale na tataas esa!

ROMA 10:15

Ma tao leo beek fo hataholi hapu tui-benga halak ndia, metema hataholi sila ta nanadenu fa? Nai Susula Malalaok dale nanasulak nae leo ia, “Malole na seli, metema hataholi mai fo nini Hala Malole maneme Manetualai na mai!”

ULANGAN 9:24

Nai lelek neme au alelak emi-a, emi lena-la'ban Manetualain tataas esa.

ULANGAN 9:27

Mafandendelek O atam-mala, fo nde Abraham, Isak ma Yakob, ma boso mete leoina ia langabatun-na, tatao-nono'i mangalaun-nala, ma sala-singon-nala.