YESKIAL 19:7 - Susula Malalaok Hehelu Palak Ma Hehelu Beuk

⁷ Ana hona nakalulutuk kota musu-la, ma ana tao nalutu kota-kota-la. Nusak-ka laun-nala lala'en-na, ala dele bee-too, nai lelek lamanene singa nangao

YESKIAL 19:7 ပူးပေါင်းရင်းမြစ်များ

2RAJA-RAJA 23:33

Yoahas paletan-na, nate'e ndek lelek Nekho, fo mane Masir-ra, foo ninin da'di hataholi nanafook neme Ribla, fo nai dae Hamat-ta, de nakaseti Yehuda, fo ana bae bea dede'un-na, lilofulak kilo 3.400 ma lilopilas kilo 34, leo ndia neu.

AMSAL 19:12

Manek-ka nasa-melun sama leo; dinis fo nakadoe na'u-aiana.

AMSAL 28:3

Manakoasa fo, ana tuni-ndeni hataholi nuu-taa hata-taak-ka, sama leo u'daina mai, fo ana tao nalutu, tina-osi buna-boan.

YEREMIA 22:17

Tehu o, Yoyakim, fe'ek. K'da o sanga nanalak neu o aopam-ma. O tao misa hataholi fo ta nasala-nasingo fa, ma o tuni-ndeni laun-na nenik nasa meluk.

YESKIAL 12:19

Mafa'da basa leoina lala'en-na, hata fo Au, Fo Manetualain Mandemaina nafa'dan neu laun Yerusalem fo bei manaleo nai sila nusan-na. Neukose ala dele too-too nai lelek sila la'a, ma ala dele ngge'be-ngge'be no bibii-namata'uk-ka, nai lelek sila linu. Sila daen-na, neukose ana da'di dae tokotiik, nana basa hataholi manaleo nai ndia, ala la'olena Au hoholo-lalaneng nakandondoo henin.

YESKIAL 19:6

Singa ana ndia namatua, de ana leo-napalasa no singa fe'ek-kala. Ana nanoli sanga nana'an-na, de ana da'di singa mana'a hataholi boe.

YESKIAL 19:8

Tehu leoina-la, leme nusak manai titia-tatain-nala mai, de lakahapi-lan neme mamanak lala'en-na mai. Ala pilu dala neu, fo sue kande ala ho'u-lan, boema ana masok leo hataholi sila hihi'in dale neu.

YESKIAL 22:25

Basa mauli-malangan-nala, sama leo singa kaa-na nana'an-na soona, nangao. Ala taolisa laun-na, ala loso-la hata-heton ma su'i-beten-nala, ma hu kande sila tatao-nono'in de, inak makadotok ala da'di inafalu.

YESKIAL 30:12

Neukose Au tao ama'da Lee Nil-la, ma Au fe Masir lala'en-na, leo hataholi mangalauk-kala neu. Neukose Au adenu hataholi nusa dea-la, fo ala tao lakalulutuk nusak ndia lala'en-na. Au fo Manetualain, nde manakokolak-ka.”

YESKIAL 34:4

Emi ta mafaduli bi'ilopo tapandoes-sala fa, emi ta puli-mamo'do kamahe'dis-sala fa, emi ta sanga manamopok-kala, ma emi ta foo falik manamatofa-matalak-kala fa. Tehu emi taos no balakaik, ma ta pake susue-lalaik fa.

YESKIAL 45:8

Dae ndia, ana da'di manapaleta manai Israel-la, pusakan, fo ela ala boso tuni-ndeni seluk Au anang-ngala, te ala fe dae lenak ndia neu leo-leo Israel-la, fo ala taon da'di sila pusakan.

AMOS 6:8

No balakaik Manetualain Fo Manakoasa ma Mademaina, Ana fe basa hala nasanene'dak-ka nde ia nae, “Au ta hii hataholi Israel-la koao-ndaeaon fa; Au ta hii sila uma manen fo malole-mana'an-nala fa. Neukose Au fe sila nusan-na polon-na, no basa hata manai dalek-kala lala'en-na, leo musu neu.”

MIKHA 1:2

Mamanene leon, hai leoina-la lemin! Taoafik leon, hai laun manai daebafak-ka lala'en-na lemin! Manetualain Fo Mademaina mai, da'dileo sakasii, fo la'ban emi basa-basam-mala! Mamanenen Ana kokolak neme Uma malalao-malalafun-na nai nusa so'dak-ka.