YESKIAL 19:14 - Susula Malalaok Hehelu Palak Ma Hehelu Beuk

¹⁴ Ha'i-a, ana pila nasalolo'de mai, de na'aheni, angol ndia ndanan-nala, ha'i-a, na'aheni ndanan-nala ma boan-nala. Besak ia, ndanan-nala, ta matea-la so'on; ta bisa taon da'di, aitete'e manek so'on Nakamee kikii-makaleleuk ndia nde, hataholi-la lakamee fali-fali loon.

YESKIAL 19:14 ပူးပေါင်းရင်းမြစ်များ

KEJADIAN 49:10

Neukose Yehuda ho'u aitete'e nusak-ka, neukose tititi-nonosin paleta losa dodoon-na. Neukose leoina-kala leni bea mai, ma ala senek ma lakatele nai matan-na.

2RAJA-RAJA 24:20

Manetualain namanasa nanseli no laun Yerusalem-mala, ma hataholi Yehuda-la, de nalosa, Ana ta taoafik-kasa so'on.

2TAWARIKH 36:13

Manek Nebukadnezar-ra nakaseti Zedekia fo ana soo-supa nenik Manetualain na'den-na nae neukose ana lilineka neu Nebukadnezar. Tehu makabuin-na Zedekia tao nakabubua mangalauk la'ban Nebukadnezar. Zedekia nalanga bat neu Amak fo Israel Manetualain-na. Ana ta nau tuka tei-sale dale neme sala-singon mai, ma ana ta nau fali leo Manetualain mai fa.

NEHEMIA 9:37

Basa dae ia oe-isin lala'en-na muse fen leo mane-mane nusak-ka neu. O so'u basa manakoasa sila-la soaneu O anam-mala, da'dileo huhukuk soaneu ami sala-singom neu O-a. Ala paleta tunga dale hihii-nanau mesan-na neu ami ma ami bana-manum. Hu ndia de, besak ia ami doi-doso, henuk no toto'a-tataak ma dale he'di!”

MAZMUR 110:2

Neme Sion mai, neukose Manetualain tao namaloa o nusam-ma; koasa o musum-mala leona!

MAZMUR 79:7

Nana ala tao lamopo-lamate O anam-mala so, ma ala tao lakalulutuk mamana leleon-nala.

YEREMIA 38:23

Au afa'da seluk ae, “Basa Ama Manek sao anan lala'en-na neukose nananenik lo deak neu, lo hataholi Babel-lala. Ama Manek boeo neukose ta mala deak neme sila mai fa. Ama Manek-ka neukose nanaho'u nak neme manek Babel-la mai, ma kota ia nanahotu-heni la'isak-kana.”

YEREMIA 52:3

Manetualain namanasa nanseli neu hataholi Yerusalem ma Yehuda boema ana usi henis de ta nasulu-nahapa fa. Zedekia ana tao nasak neu Nebukadnezar fo manek Babel,

RATAPAN 4:20

Ala ho'u-la manek fo Manetualain helek-ka, hataholi fo ami mamahenan da'dileo manafe maso'dak, ma manamasulu-mahapa soaneu musu nook-ka.

YESKIAL 15:4

Sosoa-ndandaan ta, te ka'da taon da'di ai ha'i. Ma metema, ha'i-a na'aheni pe'dan duas, fo tala'dan-na, ana da'di ha'ikaak soona, ade bei hapu paken do ta?

YESKIAL 17:10

Memak, okan-nala latea so, tehu ana bisa moli nakandoo, boema namade'u do ta? Metema ani timu-a fuu la'en soona, neukose ana male do ta? Neukose namatuu neme mamana seselen-na do ta?”

YESKIAL 19:1

Manetualain nadenu au akamee, nakamee kikii-makaleleuk ia, soaneu maneana Israel dua. Nae leo ia:

YESKIAL 19:11

Ndanan-nala tean-na seli, de ta la'dis no lai-laik fa de nandaa taon da'di aitete'e manek. Poin-na, namadema losa ko'as-sa. Basa hataholi-la lasamanan, nana deman-na seli ma doon makadotok nanseli.

YESKIAL 20:47

Madenu nula sila-la, fo lamanene hata fo Au, Manetualain Fo Mademaina, nafa'das nae, ‘Mamanene leona! Neukose Au tao apila ha'i-a, fo ana hotuheni basa ai manai o dalek kala, nai ai tuuk do ai mamatak boe. Ta hapu taonisa ha'i manapila lo'a-lo'ak ndia fa. Neukose ha'i ndia, ana pila nasalolo'de neme kona leo kii neu, fo basa hataholi-la lame'da ha'i ndia haan-na

YESKIAL 20:48

Neukose ala bubuluk lae Au, Manetualain nde tao napila ha'i ndia, de ta hapu hataholi esa boen, bisa taonisa ha'i ndia fa.’ ”

YESKIAL 26:17

Basa soona, neukose lakamee fe o, nakamee natoi-natonok-ka nde ia nae: Kota fo nanakoa-nanakiok-ka, nakalulutuk so! Ofan-nala lala'en-na, nanasapu balisik neme tasi maloaina mai. Makasososan-na, laun-nala koasa nai tasi-a, de ala tao-la hataholi tasi su'uk-kala, ala bii-lamata'u.

HOSEA 10:3

Ta dook-ka so'on te, neukose lafa'da lae, “Ita manen ta, nana ita ta bii-tamata'u neu Manetualain fa. Manek esa, sosoa-ndandaan beek ba'eneu ita?”

HOSEA 3:4

Hataholi Israel-la leondiak; Doon-na seli, laso'da no ta lanuu manek, do mauli-malangan fa, ala ta fe tutunu-hohotuk do lutu batu fo lamahele nanuu koasa, ta lanuu sosongo-tatangok, do koasa makahatuk fo bisa nafa'da sila maso'dan nai fai manamaik-ka, leo beek.

AMOS 9:11

Manetualain nafa'da nae, “Neukose fain-na losa, Au tao-a Dauk nusan-na fo'a seluk. Besak ia, nusak ndia da'di sama leo uma fo ana tu'u neu so. Tehu neukose Au tao ahii papala nanadaman-nala, fo Au afofo'a falik-kana, fo ana da'di sama leo makahulun eli.

LUKAS 19:41

Lelek Yesus boetai deka no Yerusalem, de Ana mete nita kota ndia boema Ana kii.

YOHANIS 19:15

Tehu ala eki lakandoo lae, “Tao misan! Tao misan! Lona-nggangen!” Boema Pilatus natanes nae, “Ade au muse lona-nggange emi mane ma do?” Tehu malanga ima mala lataa lae, “Ami manem ka'da esa mesa kana, fo nde Kese la!”

HAKIM-HAKIM 9:15

Boema makatema dila-nggauk ndia nataa nae, ‘Metema, te'e-te'e emi nau tao au da'di emi manem soona, mai masulu-mahapa nai au sa'ong dale. Metema, emi ta nau fa soona, neme au ndanang fo manggauk ia, neukose ana kalua ha'i, fo ana hotu heni basa ai aras manai Libanon-nala.’ ”