YESKIAL 19:10 - Susula Malalaok Hehelu Palak Ma Hehelu Beuk

¹⁰ O inam, sama leo ai angol mana'a hiik-ka, fo ana moli nai osi fo nai lee anak-kala su'un-na Ana da'di ai fo, doon makadotok, ma naboa, nanahu oe ba'u nai ndia.

YESKIAL 19:10 ပူးပေါင်းရင်းမြစ်များ

MAZMUR 1:3

Hataholi ndia, ana hapu buna-boak nai basa ue-le'din lala'en-na dalek; hataholi ndia, sama leo ai-a ana moli nai lee su'un-na, fo naboa la'e fain-na, ma doon-na, ta male nita fa.

MAZMUR 128:3

O saoinam-ma, sama leo ai angol-la fo nalole nai umam dale O anam-mala sama leo, ai setun-na nupun-nala nai o meim-ma, boboa-kaisun.

YESKIAL 17:6

Ai ndia ana moli, de ana da'di ai angol manaleloakak ma kaba'oanak, tehu ndanan-nala lakapepela leo manupui kaka'ka ndia neu, ma okan-nala ala tola deman-na seli leo dae dale neu. Ai angol ndia, doon-na makadotok nanseli.

YESKIAL 19:13

Besak ia, ai angol ndia, nanaselek nai moo solokaek-ka, nai dae tokotik ma oe ta.

YESKIAL 19:2

O inam sama leo singa ina fo, mabe'i-balakaik ma palani. Nakaboboi anan-nala nai singa ao makadelek-kala tala'da.

HOSEA 2:2

Manetualain nafa'da nae, “Hai Au anang-ngala lemin, au saong ta emi inam so'on, ma ndia saon ta Au fa. Hu ndia de madede'a moon, fo ela ana boso hohonge ma ana boso boe da'di manasosoa-piaok seluk bai.

HOSEA 2:5

Emi inam, fo manasosoa-piaok ndia, ta name'da mamaek fa. Nafa'da nae, ‘Neukose, au u leo au tou susue-lalaing, fo manafe au nana'ak ma nininuk, tema wol ma tema a'ba lutu, mina setun ma angol-la.’

YOHANIS 15:1

Yesus kokolak seluk nae, “Au nde ai huu angol matetu ka, boema Au Amang nde mana palusa osi a.

ULANGAN 8:7

Emi Manetualaim-ma, no emi leo nusak fo maoe-maisik-ka meu; nusak fo, lee ma oematan makadotok, ma oe manafaak-ka nai dae dale, fo ana faa leo bafak-kala, ma pupukuk-kala neu.

ULANGAN 8:9

Neukose, emi ta mamala'a-mamandoe, do to'a-taa nai ndia fa. Besi-la, lai batu piak manai sila-la dalek, ma emi bole kali liti-a nai pupukuk-kala dalek.