YESKIAL 19:1 - Susula Malalaok Hehelu Palak Ma Hehelu Beuk

¹ Manetualain nadenu au akamee, nakamee kikii-makaleleuk ia, soaneu maneana Israel dua. Nae leo ia:

YESKIAL 19:1 ပူးပေါင်းရင်းမြစ်များ

2RAJA-RAJA 23:34

Basa boema, Mane Nekho-a, ana so'u Yosia anamanen fo mana'de Elyakim-ma, da'di mane Yehuda, boema ana foi nasafali Elyakim na'den-na, de na'de Yoyakim. Boema, no Yoahas leo Masir leu, de maten neme naa.

2RAJA-RAJA 24:12

de Mane Yoyakhin-na no inan, anan-nala, malanga solda'du manai lain-nala, ma uma manek-ka, hataholi mana'a ngga'din-nala, lakatele neu Nebukadnezar. Boema Yoyakhin da'di hataholi nanafoo nenik. Dede'ak ndia, ana da'di ndek lelek Nebukadnezar, paleta neu teu ka 18-na.

2TAWARIKH 35:25

Nabi Yeremia taon-na nakamee kii-makaleleuk esa soaneu Manek Yosia. Losa besak ia, nakameek ndia nanapakek nai Israel fo basa manamakameek-kala, nau inak do touk boe, ala paken nai fai nasanene'dak soaneu Yosia fai mamaten-na. Ala sulak nakameek ndia leo susula nakamee kii makaleleuk-ka dalek neu.

2TAWARIKH 36:10

Neu teu manamaik-ka boema, Manek Nebukadnezar-ra foo neni Yoyakhin leo Babel neu da'di leo hataholi nanafook, ma ana ho'i neni bua-lo'a kabelik-kala leme Manetualain Uman-na mai boe. Basa boema Nebukadnezar so'u Zedekia, fo Yoyakhin to'o-na da'di manek neu Yehuda ma Yerusalem.

2TAWARIKH 36:3

Nekho fo manek Masir-ra ho'un-na Yoahas de ana foo nenin leo Masir neu, boema nadenu Yehuda bae bea dede'un-na lilofulak kilo lifun telu natun haa, ma lilopilas kilo teluhulu haa. Basa bema ana so'u Elyakim fo Yoahas tolanoon-na da'di manek, de ana foi nasafali Elyakim na'de-na da'di Yoyakim. Basa boema foo neni Yoahas leo Masir neu.

2TAWARIKH 36:6

Lelek Nebukadnezar fo manek Babel-la loso-na Yehuda boema, ana ho'un-na Yoyakim, de noon no nanalangek leo Babel neu.

YEREMIA 22:28

Au Yeremia afa'da ae, “Ade manek Yoyakhin ana da'di sama leo ule ba'ek fo nanatapa henik ma ta lahiik-kana fa do? Hu ka nde ndia de ndia no anan-nala nanausik ma nanatu'u-tapak lo nusak fo dook-ka ba'eneu sila do?”

YEREMIA 22:30

“Nananaketu basak soaneu hataholi ndia mopo anan-nala ma nai so'dan-na dalek ana ta hapu dai hata esa fa boen. Neme ndia tititi-nonosin mai ta hapu da'dik manapaleta nai Yehuda da'di leo manek fo Dauk tititi-nonosin-na. Au, Manetualain, nde manakokolak-ka.”

YEREMIA 24:1

Manetualain fe au ninitak esa nae, faik esa boema Yoyakhin fo Yoyakim ana manen-na fo manek Yehuda no basa malanga manapaleta Yehuda-la, basa malelak-kala, ma basa manadoki-dulak malelak nanafua nenik neme Nebukadnezar fo manek Babel-la, fo ninis dai leo nanahukuk neme Yerusalem leo Babel neu. Au ita sapai dua henuk no ai boa kaak-a nai dalek beten-na nai Manetualain Uman so'dan-na.

YEREMIA 24:8

Tehu Zedekia fo manek Yehuda, no basa malangan-nala fo manadekak non nana, ma hataholi Yerusalem fo bei elak-kala fo manaleo mahelek nai nusak ia, ado nanalali lo Masir neu-a, sila basa-basas neukose Au tao as sama leo ai boa kaak fo kabok iala fo ta hapu na'a fan. Au, Manetualain, nde manakokolak-kala.

YEREMIA 9:1

Malole lenak, au langang-nga sama leo oedolu, fo oe henun, ma au matang-nga da'di oelolok, fo ana faa nakandoo! Boema au kii lele'do-le'odaen, kii-makaleleu hataholi fo, ami leoina esa, de musu nok-ka taonisas.

YEREMIA 9:10

Au, fo Yeremia afa'da ae, “Au sanga kii ma teisusa dale he'dik, nanahu moo mana'uk manai moo solokaek-ka, ma manai letek-kala, lamatuu-tongo so, de hataholi ta tunga ndia fa Ta tamanene bana-manu halan-nala so'on, manupui ma bana-manu fe'e-fe'ek-kala lalai, de mopok-kasa so.”

RATAPAN 4:20

Ala ho'u-la manek fo Manetualain helek-ka, hataholi fo ami mamahenan da'dileo manafe maso'dak, ma manamasulu-mahapa soaneu musu nook-ka.

RATAPAN 5:12

Ala ho'u-la ami mauli-malangam-mala de ala lonas, ala ta koa-kio ami toulasim-mala so'on.

YESKIAL 19:14

Ha'i-a, ana pila nasalolo'de mai, de na'aheni, angol ndia ndanan-nala, ha'i-a, na'aheni ndanan-nala ma boan-nala. Besak ia, ndanan-nala, ta matea-la so'on; ta bisa taon da'di, aitete'e manek so'on Nakamee kikii-makaleleuk ndia nde, hataholi-la lakamee fali-fali loon.

YESKIAL 19:2

O inam sama leo singa ina fo, mabe'i-balakaik ma palani. Nakaboboi anan-nala nai singa ao makadelek-kala tala'da.

YESKIAL 2:10

fo nanasulak nai boboan duas. Boema nai susula nanadikuk ndia dalek, nanasulak, kikii-makaleleuk, haladoik-ka, ma hoo-nggu'uk-ka.

YESKIAL 26:17

Basa soona, neukose lakamee fe o, nakamee natoi-natonok-ka nde ia nae: Kota fo nanakoa-nanakiok-ka, nakalulutuk so! Ofan-nala lala'en-na, nanasapu balisik neme tasi maloaina mai. Makasososan-na, laun-nala koasa nai tasi-a, de ala tao-la hataholi tasi su'uk-kala, ala bii-lamata'u.

YESKIAL 27:32

Boema, ala lakamee, nakamee natoi-natonok esa, ‘See sama leo Tirus, fo mopon nai tasi tala'dak so?

YESKIAL 28:12

“Hai hataholi daebafak fo, manasapu-manalalok-konei, kii-makaleleu soaneu mane Tirus-sa leona. Manduku-malosak hata fo Au, Manetualain Fo Mademaina, nafa'da neun nae, ‘O da'di hai dulak neme matetu-mandaak-ka mai so; makahulun-na, te'e-te'e o manatee-tenok ma mata-pana makeek!

YESKIAL 32:16

Nasanene'da kahelek ia, neukose ana da'di nakamee, kikii-makaleleuk. Basa inak-kala leme leoina fe'ek-kala mai, fo neukose ala lakamee nakameek ndia, da'di leo ta'du-tana fafaluk ba'eneu Masir, ma basa laun-na lala'en-na. Au, ManetualainFo Mademaina, nde manakokolak-ka.”

YESKIAL 32:18

“Hai hataholi daebafak fo, manasapu-manalalok-konei, kii-makaleleu ba'eneu laun manai Masir-ra. Haituas leo hataholi manamatek-kala mamanan-na leu, sama-sama loo nusa mabe'i-balakaik fe'ek-kala.

YESKIAL 32:2

“Hai hataholi daebafak fo, manasapu-manalalok-konei, fe nasanene'da mahelek neu Mane Masir-ra. Fo manduku-malosak Au hala hehelung-nga nde ia neun mae, ‘O heo-haam sama leo singa molisoluk-ka nai leoina-la tala'da, tehu o lupam-ma sama leo beis-sa naso'da nai oe dale. O tao kelupua basa lee lala'en-na oen-na nenik o eim-ma.

AMOS 5:1

Hai, hataholi Israel-la lemin! Mamanene leona! Au sanga akamee nakamee susa esa ba'eneu emi nae lao ia: