YESKIAL 18:9 - Susula Malalaok Hehelu Palak Ma Hehelu Beuk

⁹ Ana tunga Au paletang-ngala, ma ana tao tunga Au hoholo-lalaneng-ngala. Hataholi leondiak-ka, nde hataholi fo manatao tunga ndoon-na, de neukose naso'da nahele. Au, Manetualain Fo Mademaina, nde manakokolak-ka.

YESKIAL 18:9 ပူးပေါင်းရင်းမြစ်များ

1RAJA-RAJA 9:4

Metema o da'di ata neu Au no dale ndoos ma tao tunga ndoon-na sama leo o amam Dauk, ma o tunga Au hoholo-lalaneng ma Au paletang-nga la,

AMSAL 12:28

Hataholi fo, ana tunga eno ndoos-sa, neukose so'dan-na naua-nanale; tehu hataholi fo, ana tunga eno mangalauk-ka, neu leo mamates-sa neu.

YESKIAL 11:12

Soona besak-ka emi bubuluk, mae Au nde Manetualain-na, ma Au huku emi, nanahu emi la'olena Au nakaneneteng-ngala, ma emi ta taoafik neu Au paletang-ngala fa, nenik emi tunga leoina manai emi titia-tataim-mala, hoholo-lalanen.”

YESKIAL 18:10

Tehu metema, hataholi ndia anan-na, ana hii ka'da namanako, nanisa, ma ana tao tatao-nono'i mangalauk fe'ek makadotok

YESKIAL 18:17

Ana beita tao nita, tatao-nono'i mangalauk, do ana fe hataholi manatonak-kala, fe bunak. Ana tunga Au hoholo-lalaneng, ma ana tao tunga Au paletang-ngala. Neukose, ta mate ni'iana ndia, hu kande aman sala-singon-nala fa, tehu naso'da nahele.

YESKIAL 18:19

Tehu, fafa'kama hapu hataholi natane nae, tao le'e de, ni'iana ndia ta lu'a-lepa fali aman, sala-singon-nala fa. Natataa-na nae, hu kande, ni'iana ndia malole, ma ana tao tunga ndoon-na. Ana tunga Au hoholo-lalaneng, ma ana taon no dale katematuan-na, de naso'da nahele.

YESKIAL 20:11

Nai naa, Au fes Au paletang-ngala, ma Au anolis, Au hoholo-lalaneng fo, ala muse tungan, nana hataholi manatao tungan-na, neukose naso'da nahele.

YESKIAL 20:13

Tehu, ala la'ban Au neme moo solokaek-ka boe. Ala la'olena Au paletang-ngala, ma ala ta sipok Au hoholo-lalaneng fo, metema hataholi-a tao tungan soona, naso'da nahele. Ala tao langgenggeo fai Sabat-ta, nanseli. Hu ndia de, bei leme moo solokaek-ka ndia, Au sadia basa, sanga kalua Au nasa-melung soaneus, fo Au tao amate-amopos.

YESKIAL 36:27

Neukose Au akona, Au Duladaleng-nga leo emi dalem dale neu, ma Au anea emi, fo ela emi maso'da tunga Au hoholo-lalaneng, boema emi tunga basa Au paletang-ngala.

YESKIAL 37:24

Neukose ala da'di esa nai manek esa paletan-na dae, sama leo Mane Dauk-ka, fo ana paleta losa dodoon-na. Neukose, ala tunga Au hoholo-lalaneng no lilinekak. Sila, boema sila tititi-nonosin-nala, neukose ala leo dae ndia, dae fo Au fen neu Yakob, ma sila bei-ba'i kain-nala leon losa dodoon-na.

IMAMAT 18:5

Tunga Au fe emi nakanenetek ma hoholo-lalanek-kala. Metema, emi tao leondiak soona, emi maso'da. Au nde Manetualain-na.”

AMOS 5:14

Sanga enok fo tao malole, fo boso tao mangalauk, fo daenga emi maso'da. Soona Manetualain Fo Manakoasa, neukose te'e-te'e, Ana leo nai emi tala'da sama leo emi mafa'dak-ka.

AMOS 5:24

Malole lenak sanga enok, fo daenga eno ndoos ma matetuk-ka, ana faa sama leo oe-a, ma tatao-nono'ik fo tunga ndoon-na, ana faa sama leo lee manama'da taak-ka.

AMOS 5:4

Manetualain nafa'da hataholi Israel-la nae, “Fali leo Au mai leona, soona neukose emi maso'da.

HABAKUK 2:4

Mafandendelek te, hataholi mangalauk-ka, neukose ta naso'da fa, tehu hataholi manatao tunga Manetualain hihii-nanaun-na, neukose naso'da, nanahu ana lilineka neu Manetualain.”

LUKAS 1:6

Saotouk saoinak ia la so'da nala nandaa no Manetualain dale na. Duas tunga basa paleta ma Manetualain hoholo-lalanen no dale katematuak.

YOHANIS 14:21

Hataholi fo ana sipok Au paleta ngala fo ana tao tungan soona, ndia nde sue-lai Au a. Boema Au Ama nga sue-lai hataholi manasue-lai Au a. Neukose Au boeo sue-lai hataholi ndia, fo Au atu'du Au aoina nga neu hataholi ndia.”

HATAHOLI 24:16

Hu ndia de au sanga enok matalolole tatas esa fo daenga au dale bobongo ana nga balisi soaneu Manetualain, ma balisi soaneu hataholi daebafa ka.

ROMA 1:17

Hu ka nde Hala Malole ndia de, Manetualain natu'du eno na tao leo beek, fo hataholi daebafa ka tututin no Manetualai na, ana da'di malole falik; eno na nde, tamahele Manetualain neme makasososa na losa mate'e na. Dede'ak ndia nandaa no Susula Mala lao ka isi liin nae, “Hataholi fo namahele Manetualain, ma tututi-nanaton no Manetualain malole falik soona, neukose hataholi ndia hapu maso'da ka!”

ROMA 8:1

Besak ia, ta hapu huhukuk soaneu hataholi fo laso'da lo Kristus Yesu sa so'on.

ULANGAN 11:1

“Sue-lai emi Manetualain-ma, ma tunga paletan lala'en-na, tataas esa.

ULANGAN 4:1

Boema Musa nafa'da leoina ndia nae, “Tunga basa hoholo-lalanek fo, au anolin neu emi, fo ela emi bole maso'da losa emi leo nai dae fo emi bei-ba'i kaim-mala Manetualain-na fen neu emi-a.

ULANGAN 5:1

Musa naloo nakabubua basa leoina Israel-la lala'en-na, boema nafa'das nae, “Tolano-tolanoong-ngala lemin, Mamanene hoholo-lalanek fo au fen neu emi, nai faik ia. Manoli hoholo-lalanek sila-la, fo tungas no lilinekak.

ULANGAN 6:25

Metema no lilinekak, ita tunga basa paleta lala'en fo, ita Manetualain paletan neu ita, soona neukose Ana sue-lai ita.’ ”

1 YOHANIS 2:29

Emi bubuluk basa, nai Kristus maso'da na dalek, Ana tunga ka'da Manetualain hihii-nanaun. Hu ndia de emi muse bubuluk te, hataholi fo naso'da tunga Manetualain hihii-nanau na, hataholi ndia nde been-na Manetualai nanan.

1 YOHANIS 3:7

Ana ngala lemin! Emi boso nau su'di see a, hela namopo emi. Nana metema see tunga Manetualain hihii-nanaun soona, Manetualai nanan hataholi ndia, sama na leo Kristus boeo, Manetualain Anan.