YESKIAL 18:8 - Susula Malalaok Hehelu Palak Ma Hehelu Beuk

⁸ Ana ta fe hataholi manatonak-kala, fe bunak fa. Ana ta nau tao, tatao-nono'i mangalauk fa, ma naketu tunga ndoon-na, nai basa nale'a-napilik lala'en-na dalek.

YESKIAL 18:8 ပူးပေါင်းရင်းမြစ်များ

2 SEMUEL 22:24

Ana bubuluk nae au bu'u-ba'eng ta, ma au adook au aoinang-nga neme salak-ka mai.

NEHEMIA 5:15

Gobelnol makahuluk-kala, ala da'di lelepa mabela soaneu laun-na, nana lakaseti laun-na fo faik esa soona, esan-na fe doi fulak haahulu soaneu sila nana'a-nininun ma angol. Nakalenak hataholi mana'a ngga'din-nala boeo tuni-ndeni laun-na. Tehu au ta nau tao leondiak fa, nanahu au bii-amata'u neu Manetualain.

MAZMUR 15:5

ma ana fe hataholi nakatotonak doik, ta pake bunak fa; fo ana ta nau sipo doi sosolo dalek, soaneu nakatutu'dak hataholi sala tak-ka. Hataholi fo, manatao leondiak-ka, neukose tetu-temak tataas esa.

KELUARAN 22:25

Metema, emi tona doik neme hataholi nuu-taa hata-taak esa, nai Au leoinang dale soona, boso tao sama leo hataholi manala'ok huta-bu'uk-ka, fo noke bunak.

AMSAL 28:8

See da'di hataholi kamasu'ik, hu kande ana ho'i bunak, ma ana ho'i nanalak makadotok nanseli soona, neukose su'i-beten, tu'da leo hataholi fo, nanuu dale kasian, soaneu hataholi nuu-taa hata-taak-ka, liman dale neu.

YESAYA 1:17

fo manoli tao tatao-nono'i malole leona. Mapadedeik matetu ndoos ma matetuk-ka, ma tu'u-tapa heni tuni-ndenik-ka; fe anamaak-kala haak, ma masala'e inafalu-la dede'an-na.”

YESAYA 33:15

Emi hapu makatatakak, metema emi kokolak, ma tao-no'i hata fo ndoos-sa. Boso sanga nanalak nenik lulumu-eese hataholi nuu taa-hata taak-ka, ma boso sipo doi sosolo dalek. Boso tunga mo hataholi fo, ana tutu'u kanisak, do tatao-nono'i mangalauk fe'ek.

YEREMIA 15:10

Tete'ek-ka au ia ua-nale tak! Sosoak hata au inang bongi au? Au muse alea-apilik ma asipo bafak neu hataholi manai nusak ia. Leomae au beita akatotonok ita do tona-nggange fa, tehu basa hataholi supa-soo au.

YESKIAL 11:12

Soona besak-ka emi bubuluk, mae Au nde Manetualain-na, ma Au huku emi, nanahu emi la'olena Au nakaneneteng-ngala, ma emi ta taoafik neu Au paletang-ngala fa, nenik emi tunga leoina manai emi titia-tataim-mala, hoholo-lalanen.”

YESKIAL 18:13

Ana fe hataholi manatonak-kala, fe bunak. Ade, hataholi leondiak-ka, neukose naso'da do ta? Ta naso'da fa! Ana tao basa tatao-nono'ik fo, nanamaluak sila-la so, de neukose maten! Tatao-nono'in nenenin-na nde, mamates ndia.

YESKIAL 18:17

Ana beita tao nita, tatao-nono'i mangalauk, do ana fe hataholi manatonak-kala, fe bunak. Ana tunga Au hoholo-lalaneng, ma ana tao tunga Au paletang-ngala. Neukose, ta mate ni'iana ndia, hu kande aman sala-singon-nala fa, tehu naso'da nahele.

YESKIAL 22:12

Hapu nggelok boe, hataholi se'ba-baen, fo ana taonisa hataholi, ana da'di kelumatuk fo ana musi hataholi daan, ma ana lumu-ese nonoo hataholin-na. Sila basa-basas lafansele heni Au so. Au, Manetualain Fo Mademaina, nde manakokolak-ka.

IMAMAT 19:15

Metema, emi maketu-mala'di soona, maketu-mala'di tunga matetun-na; boso mook hataholi nuu-taa hata-taak-ka, ma boso bii-mamata'u neu hataholi kamasu'i-makabetek-ka.

IMAMAT 19:35

Boso tipu-dai hataholi fe'ek nenik uuku-dodouk, tatais do susu'di pepekok.

ZAKHARIA 8:16

Emi muse tao tunga paleta-la nde ia nae: Metema emi kokolak soona, kokolak ndos neu emi nonoo hataholim-ma. Ho'i nakeketuk tunga ndoos ma matetuk, ma neni mole-dame.

ZAKHARIA 8:19

“Ala tao okaaok manai hataholi Yahudi-la bulak ka 4, ka 5, ka 7, ma ka 10-na dalek, neukose ana da'di feta fo henuk no namahokok-ka, ma hika-setelek ba'eneu laun Yehuda-la. Sue-lai ndoos ma mole-dame-a!”

ULANGAN 23:21

Metema, emi helu mae, emi fe hata esa leo emi Manetualaim-ma neu soona, no lai-laik, tao matetu emi hehelum ndia, nanahu emi Manetualaim-ma, Ana la'ok nakandoo, fo metema, emi ta tao matetu fan soona, emi masala-masingo.