YESKIAL 18:7 - Susula Malalaok Hehelu Palak Ma Hehelu Beuk

⁷ Ana beita tipu-dai nita, do namanako fa. Ana fe falik hataholi mahutak-kala, bua pepe'dan soaneu hutan-nala. Ana fe hataholi kamala'ak-kala la'a, ma ana fe hataholi ba'du tak-kala, bua papakek.

YESKIAL 18:7 ပူးပေါင်းရင်းမြစ်များ

NEHEMIA 5:10

Au boe, au tolanoong-ngala ma au tia-laing-ngala, tona fe laun-na doik ma gandum so. Neukose ami ta moke falik-kasa fa.

AYUB 22:6

Metema, o tolanoom-ma, ta bae huta-bu'un fa soona, o loso-ma basa bua papaken-na.

AYUB 24:3

Lalai leni kisa-anamaak-kala, keledein-nala; ala besilaa-la faluina esa sapin-na, da'di neu bua pepe'dak.

AYUB 24:9

Hataholi mangalauk-ka ana tao ni'iana ina-ama taak-ka, da'di ndia atan, ma anaho'i-na hataholi nuu-taa hata-taak fo, nahuta neun-na, ana bongi beun-nala.

MAZMUR 112:4

Mangale'dok-ka, nasalaa nai makahatuk dale, ba'eneu hataholi manatao tunga ndoon-na, ba'eneu hataholi fo ndoos ma matetuk, manasue ma manalai.

MAZMUR 112:9

Ana baba'e hata-heton, fo ana fe hataholi nuu ta-hata tak-ka; ana tao hata malole tataas esa, hu ndia de, ana koasa ma nanafe ha'da-holomata.

MAZMUR 41:1

Soaneu mauli-malanga nakameek. Dauk kokoa-kikion-na.

KELUARAN 22:25

Metema, emi tona doik neme hataholi nuu-taa hata-taak esa, nai Au leoinang dale soona, boso tao sama leo hataholi manala'ok huta-bu'uk-ka, fo noke bunak.

KELUARAN 22:26

Metema emi ho'i-ma hataholi fe'ek ba'du manalun-na da'di neu bua nggangga'dek soona, muse emi fe falik ba'du manalu ndia, bei dai le'do-a beita tenak fa,

KELUARAN 23:9

Boso tao su'di bebe'ik-ka neu hataholi nusa dea; emi bubuluk, metema da'di hataholi nusa dean-na, emi mame'da he'din-na leo beek so, nana makahulun-na, emi da'di hataholi nusa dea nai Masir boe.”

AMSAL 14:31

See tao malole neu hataholi nuu-taa hata-taak-ka soona, ana fe ha'da-holomata neu ndia Manetualain-na; tehu see tuni-ndeni hataholi tapandoes-sa soona, nakamumulu-nakamamaek Manamakadada'dik-kana.

AMSAL 28:27

See tulu-fali hataholi nuu-taa hata-taak-ka soona, neukose ana ta to'a-taa fa. See ta tulu-fali hataholi nuu-taa hata-taak-ka paluun-na fa soona, neukose, ana hapu soo-supak.

AMSAL 28:8

See da'di hataholi kamasu'ik, hu kande ana ho'i bunak, ma ana ho'i nanalak makadotok nanseli soona, neukose su'i-beten, tu'da leo hataholi fo, nanuu dale kasian, soaneu hataholi nuu-taa hata-taak-ka, liman dale neu.

AMSAL 3:31

Boso mape'da dalek neu hataholi maseti-malakak, ma boso tunga hataholi sila ha'da-tataon.

YESAYA 1:17

fo manoli tao tatao-nono'i malole leona. Mapadedeik matetu ndoos ma matetuk-ka, ma tu'u-tapa heni tuni-ndenik-ka; fe anamaak-kala haak, ma masala'e inafalu-la dede'an-na.”

YESAYA 33:15

Emi hapu makatatakak, metema emi kokolak, ma tao-no'i hata fo ndoos-sa. Boso sanga nanalak nenik lulumu-eese hataholi nuu taa-hata taak-ka, ma boso sipo doi sosolo dalek. Boso tunga mo hataholi fo, ana tutu'u kanisak, do tatao-nono'i mangalauk fe'ek.

YESAYA 5:7

Nana Manetualain Fo Manakoasa osi angol-la nde been-na, nde hataholi Israel-la, ma hataholi Yehuda-la nde been-na, osi angol fo Ana selen. Namahena ndoos ma matetuk-ka neme sila mai, tehu hapu ka'da tatao-nono'i ha'da hataholi tak-ka Namahena, sila lapadedeik latetu ndoos-sa, tehu hapu ka'da hoongguk-ka, fo loke ndoos ma matetuk-ka.

YEREMIA 22:3

“Tao ndos ma matetuk. Po'i hataholi manake'di-ndiuk neme hataholi manake'di-ndiuk koasan-na. Boso tuni-ndeni do tao mangalauk neu hataholi manamai, do falu ina ana maak. Boso tao misa hataholi f salan ta nai mamanak ia.

YESKIAL 16:49

Sodom no nggolo-nggolon-nala koao-ndaeao, nanahu mamana pepe'da nana'an makadotok, ma laso'da no nee-nee lino-linok ma mole-dame. Tehu, ala ta taoafik neu hataholi nuu taa-hata taak-ka, ma hataholi matasi'da-matasaek-ka fa.

YESKIAL 18:12

Ana hii ke'di-ndiu, hataholi nuu taa-hata taak-ka, namanako, ana besila-na, hataholi mahutak-kala bua pepe'dan soaneu hutan-nala. Neu leo hataholi dinitiu-la uma sosongon-na, ma ana sene-do'ok neu sosongo-tatangok fo nanamaluak-kala.

YESKIAL 18:16

do ana tuni-ndeni, do namanako su'di beek-ka. Ana fe falik hataholi mahutak-kala bua pepe'dan soaneu hutan-nala. Ana fe hataholi kamala'ak-kala, la'a, ma ana fe hataholi ba'du tak-kala, bua papakek.

YESKIAL 18:18

Nasafalin-na, aman fo ana hii ka'da tipu-dai, namanako, ma ana tao tatao-nono'i mangalauk fe'ek-kala, neukose maten, hu kande sala-singon-nala.

YESKIAL 7:23

Tasi'bu-a, ana da'di nai nusak-ka lala'en-na; nai mamanak lala'en-na, hapu kanisak ma tatao-nono'ik fo, ta lalelak susue-lalaik-ka fa.

DANIAL 4:27

Hu ndia de ela leo been-na Ama Manek tunga au nanoli-nafa'dang. Ama Manek boso boe tao sala-singok seluk bai, tehu tao-no'i hata fo malole ma ndoos ma matetuk, ma sue-lai hataholi nuu-taa hata-taak-ka. No enok ndia, neukose Ama Manek naua-nanale nahele.”

IMAMAT 19:13

Boso lumu-ese emi nonoo hataholim-ma do malaka-ma bua-lo'an. Boso ho'u mahele hataholi fo naue-nale'di fe emi-a, ngga'din-na, leomae ka'da le'odaek esa boe.

IMAMAT 19:15

Metema, emi maketu-mala'di soona, maketu-mala'di tunga matetun-na; boso mook hataholi nuu-taa hata-taak-ka, ma boso bii-mamata'u neu hataholi kamasu'i-makabetek-ka.

IMAMAT 25:14

Da'di, metema emi mase'o dae leo emi nonoo hataholim, fo hataholi Israel, do asa dae neme emi nonoom ndia mai soona, boso mase'o-banasa no eno puta-paik.

AMOS 2:6

Manetualain nafa'da nae, “Hataholi Israe la lasala-lasingo tataas esa so, hu ndia de, neukose Au hukus. Hataholi manatao tunga ndoon-na, tehu ana ta hapu nggati falik hata totona-na fa, lase'o henin fo ana da'di ata. Leondiak boe, sila ha'da-tataon neu hataholi nuu-taa hata-taak fo ana ta hapu bae hutan-na, leomae hutan ndia belin-na ka'da ta'bueis pasan esa.

AMOS 2:8

Nai mamana makaluku-makatele lala'en-na, hataholi-la sungu loo ba'du fo ala ho'i-lan da'di neu bua pepe'dak esa neme hataholi nuu-taa hata-taak-ka, hutan-na mai. Ala ho'i-la angol fo ala ho'i-lan neme hataholi manamahutak neu sila, fo linu nai sila Manetualain-na, Uman dale.

AMOS 3:10

Manetualain nafa'da nae, “Hataholi-la tao lahenu sila uma manen-nala nenik bua-lo'as fo ala hapus neme lumu-esek ma tatao-nono'i susue-lalai taak-ka mai. Lena-lenak ala ta tao tunga ndoon-na makandondook fa.

AMOS 6:3

Emi matea mahele ka'da mae, fai susa-soe bei dook-ka, tehu emi tatao-nono'im nde tao-na fai maneni mamates ndia losa no lai-laik.

MIKHA 2:1

Soe ba'eneu hataholi fo ana tutu'u eno mangalauk, nai lelek fai la'odaen-na nangape'uk nai pepe'uk lain, boema ana taon nai fai fafain-na, nanahu lanuu be'i-balakaik soaneu ala tao-no'i tatao-nono'ik ndia.

MIKHA 3:2

tehu nakalenak emi ta mahiik hata fo malole fa, te emi mahiik hata fo mangalauk. Au leoinang-nga bei maso'dak, tehu emi ali heni loun-na, ma emi sii-sii isin-na neme duin-na mai.

ZEFANYA 1:9

Neukose Au huku basa hataholi fo ala sene-do'ok, sama leo hataholi fo ta lalelak Au fa, ma sila fo lamanako, ma lanisa, fo ala tao lahenu sila malangan-na uman-na nenik bua-lo'a nakok-kala.”

MALEAKHI 3:5

Manetualain Fo Manakoasa, nafa'da nae, “Neukose Au mai neu emi, fo aketu-ala'di. Neukose no lai-laik, Au da'di sakasii neu hataholi manasuangik-kala, manahohongek-kala, manasakasii pepekok-kala, hataholi fo ana ta bae natetu hataholi mana'a ngga'di-la, ngga'din-na fa, manatuni-ndeni faluina-anamaak-kala, hataholi nusa dea, ma neu basa hataholi fo ana ta fe ha'da-holomata neu Au fa.”

LUKAS 3:11

Yohanis nataa nae, “Hataholi fo nanuu ba'du biak dua soona, muse ana fe esa leo ba'du ta ka neu; ma hataholi manana'a-nininu ka, muse ana baba'e fe hataholi nana'a-nininu ta ka.”

ULANGAN 24:17

Boso losom-ma, hataholi nusa dea, ma anamaak-kala hak-ka, ma boso ho'i-ma, inafalu esa bua papaken-na, da'di neu bua nape'dak esa.