YESKIAL 18:30 - Susula Malalaok Hehelu Palak Ma Hehelu Beuk

³⁰ Manetualain Fo Mademaina, nafa'da nae, “Hai hataholi Israel-la lemin! Neukose Au aketu-ala'di hataholi lala'en-na, nandaa no tatao-nono'in-nala. Tukatei-saledale meme emi sala-singom mai. Boso po'ilotak emi sala-singom, tao nakalulutuk emi aoinam-ma

YESKIAL 18:30 ပူးပေါင်းရင်းမြစ်များ

EZRA 10:11

Hu ndia de, manaku emi sala-singom neu Manetualain fo ita bei-ba'i kain-nala sene-do'ok-ka, ma tao hata fo, nanda no Manetualain dalen-na. Madook emi aoinam-ma, neme hataholi nusa dea, fo manaleo nai ita nusan-na, ma usiheni basa saoinak maneme nusa dea sila.”

PENGKHOTBAH 12:14

Neukose Manetualain naketu-nala'di la'iesak ita tatao-nono'in; malole ma mangalauk, nakalenak nananafunik-kala boe.

PENGKHOTBAH 3:17

Au dale dodoong-nga, neukose Manetualain naketu-nala'di, nau hataholi malole do hataholi mangalauk boe, nana nai de'deak lala'en-na, ma tatao-nono'ik lala'en-na, neukose ala da'di nai faik fo Manetualain naketuk-ka.

YESAYA 21:12

Boema au ataa ae, “Neukose fafaik-ka, ana losa, tehu le'odae boe. Metema o matane soona, mai leona, fo matane seluk.”

YESAYA 59:20

Manetualain nafa'da anan-nala nae, “Neukose, Au mai leo Yerusalem mai, fo soi-tefa emi basa-basam fo, manatukatei-saledale neme sala-singon-nala mai.

YEREMIA 25:5

Ala ladenu emi la'o ela emi ha'da-tataom fo mangalauk-ka, ma emi tatao-nono'im fo masala-masingok-ka, fo ela emi hapu leo mahele nai nusak fo nanafek neme Manetualain neu emi bei-ba'i kai manamatem-mala ma neu emi da'di leo hata pusaka.

YEREMIA 3:22

Hei basa emi fo, manala'oela Manetualain so, fali ma'im-ma leona! Neukose, Ana tao nalea-nahai emi, ma Ana taon-na emi da'di manalilinekak. Emi mafa'da mae, “Ya, besak ia ami mai leo Manetualain, nanahu ami Manetualain ndia.

YEREMIA 35:15

Au adenu laiesak Au atang-ngala ma basa nabi-la neu emi tatas es, fo ala nasiat emi soaneu tao mahii emi ha'da-tataom-mala, ma bosobai tao mangalauk ba'in. Ala fe emi nasanene'dak fo boso sene-do'ok neu lamatua daebafak fe'ek ma boso makaluku-makatele neu sila, fo ela emi leo mahele nai nusak ia, fo Au fe basan neu emi bei ba'ikai manamatem-mala. Tehu emi ta nau tao afik ma ta nau mamanene neu Au fa.

YESKIAL 14:6

Boeo, mafa'da hataholi Israel-la mae Au, Manetualain Fo Mademaina, nafa'da nae, ‘Tukatei-saledale, neme o sala-singom-mala mai, ma tu'u-tapa heni, o sosongo-tatangom fo, nanamaluak ndia.’

YESKIAL 18:21

Metema, hataholi mangalauk esa, ana ta tao sala-singok so'on, fo ana mulai tunga Au hoholo-lalaneng, boema ana tao tatao-nono'i malole ma tatao-nono'i ndoos soona, neukose ta mate fan.

YESKIAL 18:29

Ma emi, hai hataholi Israel-la lemin! Emi mafa'da mae Manetualain tatao-nono'in ndia, salan. Hai hataholi Israel-la lemin! Ade, Au tatao-nono'ing ndia, salan do? Ta! Emi nde sala dei!”

YESKIAL 24:14

Au, Manetualain Fo Mademaina, kokolak basa so. Fain-na losa so, ba'eneu Au mulai tao hata esa. Neukose, Au ta afandele heni o sala-singom fa, ma Au ta fe do'o do ampon neu o, do Au sue-lai o fa. Neukose o nanahukuk, nandaa no o tatao-nono'im lala'en-na. Au Manetualain Fo Mademaina, nde manakokolak-ka.”

YESKIAL 33:11

Mafa'das mae no Au, Manetualain fo maso'dak-ka na'den-na, Au ta amahoko fa, metema mate hataholi masala-masingok esa; nasafalin-na, Au hii ana tukatei-saledale neme sala-singon-nala mai, fo ela naso'da nahele. Hai leoina Israel-la lemin, hahae tao tatao-nono'i mangalauk-ka leona! Tao le'e de, emi nau mate?

YESKIAL 33:20

Leomae leondiak boe, leoina Israel-la lafa'da, lae Au tatao-nono'ing ndia, ta ndoos ma matetuk fa. Tete'ek-ka, neukose Au aketu-ala'dis, tunga sila esa-esak tatao-nono'in.”

YESKIAL 33:9

Metema o fe hataholi mangalauk ndia nasanene'dak, tehu ana ta nau hahae tao, tatao-nono'i managalauk fa soona, neukose ana mate da'di leo hataholi masala-masingok, tehu neukose o maso'da.”

YESKIAL 34:20

Hu ndia de Au, Manetualain Fo Mademaina, afa'da emi hai bi'ilopo maao-la lemin, neukose Au mai da'di leo manakee-manafula nai bi'ilopo mabe'i-balakaik-ka no bi'ilopo tapandoes-sa tala'da.

YESKIAL 36:19

Au hukus nandaa no sila ha'da-tataon, boema Au tao tapasasalas leo nusa dea-la leu.

YESKIAL 43:9

Tehu neme besak ia, sila muse hahae sene-do'ok neu sosongo-tatangok, ma ala pe'daheok sila manen-nala popolan-nala. Basa ndia soona, neukose Au leo nai sila tala'da heon, losa dodoon-na.”

YESKIAL 7:27

Neukose Manek-ka, ana kii-makaleleu, ma ketu maneana namahehenan-na, boema neukose laun-na, ana dele ngge'be-ngge'be no bibii-namatauk-ka. Neukose, Au huku emi nandaa no emi tatao-nono'im lala'en-na, ma Au aketu-ala'di emi, sama leo emi maketu-mala'di hataholi fe'ek. Soona besak-ka, emi bubuluk mae Au nde Manetualain-na.”

YESKIAL 7:3

Manetualain nafa'da nae, “Hai Israel, besak ia, o fai mate'em-ma, ana losa so. Au aketu-ala'di o, nandaa no o tatao-nono'i ta kandaam-ma fa.

DANIAL 9:13

Susa-soe fo nanasulak nai Musa susula hoholo-lalanen lala'en-na dalek, O mapalunis neu ami so. Tehu leomae leondiak boe, ou Manetualain fo ami Manetualaim, ami ta nau sipok-kana fo tao mamahoko O dalem-ma fa. Ami ta nau la'oela ami sala-singom makandondook fa, boeo ami ta nau taoafik neu O nanolim-mala fa.

HOSEA 12:6

Manetualain ndia nde Manetualain Fo Manakoasa. Na'den-na nde Manetualain. No na'dek ndia, nde Ana nau hataholi-a sene-do'ok neun.

ZAKHARIA 1:4

Boso sama leo emi bei-ba'i kaim. Makahulun eli, basa nabi-la landuku-lalosak Au hala hehelung-nga neus, fo ela ala boso boe tao seluk tatao-nono'i mangalauk, ma tao sala-singok bai. Tehu ala ta lafaduli ma ala ta nau tunga Au fa.

MALEAKHI 3:18

Neukose Au anang-ngala, lita seluk hataholi malole, ma hataholi mangalauk, hataholi manasene-do'ok, ma manasene-do'ok tak-ka, so'dan-nala ta sama fa.”

MATEOS 16:27

Ta doo ka so'on te Ana Hataholi ka sama-sama no ata nusa so'da nala, neukose ala mai no Ama ka koasa na. Nai lelek ndia, neukose Ana balas hataholi a esa-esak, nandaa no tatao-nono'in.

MATEOS 25:32

Neukose nalo nakabubua basa leoina lala'ena neu mata na. Boema Ana ta'da ba'es neu bubuak dua, sama leo mana foo a ta'da fe'e bi'ilopo neme bi'ihii ka mai.

MATEOS 3:2

“Tukatei-saledale meme emi sala-singo mala mai leona, nana ta doo ka so'on te, neukose Manetualain Ana paleta leo Mane ka so!”

MATEOS 3:8

Matu'dun nai emi tatao-nono'i ma dalek mae, emi tukatei-saledale meme emi sala-singo mala mai so.

LUKAS 13:3

Ta makandondook! Tehu mafandendelek leona: te metema emi ta tukatei-saledale meme emi sala-singo mala mai fa soona, neukose emi basa-basa mala boeo mopo-mate sama leo hataholi sila la.

LUKAS 13:5

Ta makandondook! La'iesa seluk Au afa'da: Te metema emi ta tukatei-saledale meme emi sala-singo mala mai fa soona, emi basa-basa mala boeo neukose mopo-mate sama leo hataholi sila la.”

HATAHOLI 26:20

Au kokolak no mangale'dok o hataholi la ae, sila muse tukatei-saledale leme sala-singo nala mai, fo ala fe so'da na leo Manetualain neu, ma latu'dun nai maso'da nala dalek lae, sila tukatei-saledale leme sala-singo nala mai so. Au afa'da dede'ak ndia makasososa na neme Damsyik, de basa boema neme Yerusalem, ma neme basa Yudea lala'ena, ma neme basa hataholi ta Yahudi la tala'da.

ROMA 2:5

Tehu emi langa batu ma emi ta nau oebeu dale mala fa. Hu ndia de, emi nde tao mambela seluk emi huhuku ma nai Fai Mate'e ka, metema Manetualain natu'du nasa-melun fo naketu-nala'di tunga matetu na.

YAKOBIS 1:15

Basa soona, metema ana tunga ndia hihii-nanau mangalaun ndia soona, ana bongi sala-singo ka; ma metema sala-singo ka namatua soona, ninini na nde mamate sa.

1 PETRUS 1:17

Emi maloo Manetualain ndia mae Amak, nai lelek fo emi hule-haladoi neun. Na, Manetualain ndia nde naketu-nala'di hataholi daebafa ka, nandaa no esa-esak tatao-nono'in, nana Manetualain ta metematak fa. Hu ndia de, nai lelek fo emi bei maso'da nai daebafak ia, ela leo bee na, emi mamatutua-mamadedema Manetualain, nai emi maso'da ma dalek.

NINITAK 2:16

Hu ndia de, tukatei-saledale meme emi sala-singo mala mai leona! Metema ta soona, ba'ihanak seluk fa bai te neukose Au mai neu emi, soaneu Au atati o hataholi sila la ninik tafaina manai Au bafa nga.

NINITAK 2:5

Hu ndia de, mafandendelek leona te, emi tu'da meu nai doo ka so! Tukatei-saledale meme emi sala-singo mala ma tao-no'i hata fo makahulu na emi tao-no'in nana. Metema ta soona, neukose Au ne'i fo Au fe'aheni emi banu eim sila la neme mamana nala mai.

NINITAK 20:12

Ma au ita hataholi manamate kala ana-matua lapadeik lai kandela manek ndia mata na. Boema susula kala boeo nanabukak. Boema susula fe'ek esa nanabukak, fo nde Susula Hataholi Maso'da ka. Basa boema huhuku ka nanaketuk neu hataholi manamate kala, nandaa no sila tatao-nono'in tunga hata fo nanasulak nai susulak sila la dalek.

NINITAK 22:12

Yesus nae, “Taoafik neu dede'ak ia leona! Ta doo ka so'on te neukose Au mai uni ngga'di soaneu bae hataholi a esa-esak tunga hata fo ana tao-no'i nana.