YESKIAL 18:28 - Susula Malalaok Hehelu Palak Ma Hehelu Beuk

²⁸ Ana mulai nasasale dale, boema ana tukatei-saledale neme sala-singok fo, ana tao-no'ik-kala mai, soona tao leo bee-o naso'da, de ta mate fan.

YESKIAL 18:28 ပူးပေါင်းရင်းမြစ်များ

MAZMUR 119:1

Maua-manalek ba'eneu hataholi fo, so'dan-na bu'u-ba'en ta, ma ana tunga Manetualain hoholo-lalanen-nala.

MAZMUR 119:59

Au dudu'a-dodoo basa, au ha'da-paliing so, de au aheluk, neukose au tunga O nakanenetem-ma.

MAZMUR 119:6

Metema, au taoafik neu basa O paletam-mala, soona neukose, au ta hapu mamaek fa.

YESKIAL 12:3

Hu ndia de, hai hataholi daebafak fo, manasapu-manalalok-konei, poti-ma o bua-lo'am neu popotik esa dalek, bei dai le'do-a beita tenak ia fa, sama leo hataholi nanatu'u-tapak-kala biasa taon. La'oela o umam-ma no le'do-le'dok, nai fai lele'don-na, sama leo hataholi fo loon leo mamana tu'u-tapak neu. Nai hataholi malenalanga-masa'basook sila-la matan, tao bolok neu o umam-ma papalan-na, soona ho'i-ma o popotim-ma, fo kalua tunga bolok ndia. Masaa-ma, popotik ndia, fo makahatu kiu-kiu soona, la'o leona; potiketu o mata-panam, fo ela o boso mete mita enok fo o tunga ndia. Nemen-na fo, basa leoina Israel-la lala'en-na, lita basa hata fo o taon ndia, fo ela ana da'di nasanene'dak ba'eneu sila. Fafa'kama ala bubuluk, lae sila nde malenalanga-masabasook-ka.”

YESKIAL 18:14

Tehu metema, hataholi manatao tatao-nono'i mangalauk makadotok ndia maanak, de ni'iana ndia, nita aman tatao-nono'in lala'en-na, tehu ana ta tao tunga fan.

YESKIAL 18:21

Metema, hataholi mangalauk esa, ana ta tao sala-singok so'on, fo ana mulai tunga Au hoholo-lalaneng, boema ana tao tatao-nono'i malole ma tatao-nono'i ndoos soona, neukose ta mate fan.

YESKIAL 18:27

Tehu metema, hataholi manatao tatao-nono'i mangalauk-ka, ana ta tao sala-singok so'on, te ana mulai tao tatao-nono'i ndoos ma malole soona, neukose samanen-na naso'da.

YESKIAL 18:29

Ma emi, hai hataholi Israel-la lemin! Emi mafa'da mae Manetualain tatao-nono'in ndia, salan. Hai hataholi Israel-la lemin! Ade, Au tatao-nono'ing ndia, salan do? Ta! Emi nde sala dei!”

YESKIAL 18:31

Hahae tao basa tatao-nono'i mangalauk lala'en-na, fo tao mabebeu o dalem-ma, ma o dudu'a-aafim leona. Tao le'e de, emi muse mate?

YESKIAL 33:12

Nah, hai hataholi daebafak fo, manasapu-manalalok-konei, mafa'da hataholi Israel-la, mae metema hataholi malole-a, ana tao sala-singok, soona makahulun-na, ana tao tatao-nono'i malole-la, ta bisa tulu-fali fan. Metema hataholi masala-masingok esa, ana hahae tao sala-singok soona, neukose ana ta hapu huhukuk fa, ma metema hataholi malole-a, ana tao sala-singok soona, neukose ana ta hapu so'dak fa.

ULANGAN 32:29

Ela leo been-na, ala da'di manatee-tenok, fo neukose, ala lalelak, fo ala dudu'a-dodoo sila soda mate'en-na.

TITUS 2:14

Ana tunu-hotu basa ao ina na soaneu ita, ma Ana se'i-po'i ita teme mangalauk lala'ena mai, fo Ana tao ita da'di Ndia hataholi kamahehele malalao-malalafuk ma mana manggate tao tatao-nono'i malole.