YESKIAL 18:23 - Susula Malalaok Hehelu Palak Ma Hehelu Beuk

²³ Ade, o dodoo mae, Au Manetualain Fo Mademaina, namahoko, metema mate hataholi mangalauk-ka do? Ta makandondook! Au hii, ana tukatei-saledale neme sala-singon-nala mai, fo ela naso'da nahele.

YESKIAL 18:23 ပူးပေါင်းရင်းမြစ်များ

2 SEMUEL 14:14

Neukose, ita basa-basa-tala manamatek mesa-mesan; nana ita ia, sama leo oe fo po'a henin leo dae lain neu, fo ta hapu aso falik-kana so'on. Manetualain boeo, neukose Ana ta tao naso'da falik hataholi manamate basak-ka so'on; hu ndia de, sa'di leo been-na, au Ama Maneng sanga enok, fo ela hataholi nanatu'u-tapa henik-ka, bisa fali ma'in seluk.

AYUB 37:23

Te'e-te'e, ita Manetualain, koasan-na ba'un-na seli; ita ta tapalani deka fan, Ana tao tunga ndoon-na, ma ndoos ma matetuk tataas esa; Ana beita tuni-ndeni nita hataholi daebafak-ka fa.

MAZMUR 147:11

Manetualain namahoko neu hataholi kamahehelek-ka, neu hataholi fo, namahena nalele neu susue-lalain.

YEREMIA 31:20

Israel, o nde been-na Au anang susueng, anan fo nanasue-laik nai Au dale bobongo anang-nga. Tunga faik Au dodoki-aali O, tehu Au hii ka'da afandele neu o tatas esa. Neukose Au tao-a O henuk no susue-lalaik.

RATAPAN 3:33

Dalen-na ta losa soaneu po'ilotak ita doi-doso ma dale he'di fa.

YESKIAL 18:32

Metema, mate hataholi esa soona, Au susa. Tukatei-saledale meme emi sala-singom mai, fo ela emi maso'da mahele. Au, Manetualain Fo Mademaina, nde manakokolak-ka.”

YESKIAL 33:11

Mafa'das mae no Au, Manetualain fo maso'dak-ka na'den-na, Au ta amahoko fa, metema mate hataholi masala-masingok esa; nasafalin-na, Au hii ana tukatei-saledale neme sala-singon-nala mai, fo ela naso'da nahele. Hai leoina Israel-la lemin, hahae tao tatao-nono'i mangalauk-ka leona! Tao le'e de, emi nau mate?

HOSEA 11:8

Manetualain nafa'da nae, “Hai Israel, hapu nai bee, Au po'ilotak do Au la'oela o. Hapu nai bee, Au tao akalulutuk o, sama leo Adma do? Do Au tao o, sama leo Zeboim do? Au daleng-nga ta losa soaneu tao dede'ak ndia fa, nanahu Au susue-lalaing ba'un-na seli ba'eneu o!

MIKHA 7:18

Ta hapu Manetualain sama leo O fa, ou Manetualain, fo manafe do'o do ampon neu bei ela O hataholim nanahelek-kala, sala-singon. O ta mamanasas losa dodoon-na fa; nasafalin-na, O mamahoko matu'du O susue-lalaim fo too-lanen ta ndia.

LUKAS 15:10

Leondiak boe Manetualain ata nusa so'da nala neukose lamahoko, metema hapu hataholi mangalau ka tukatei-saledale neme sala-singo nala mai.”

LUKAS 15:32

Tehu ita muse tao feta ma tamahoko-setelee, nana o fa'di ma makahulu na maten so, tehu besak ia naso'da falik. Makahulu na mopon, tehu besak ia hapu fali kana so.’ ”

1 TIMOTIUS 2:4

Ana nau, fo ela basa hataholi lala'ena hapu so'dak, ma lalelak eno ndo sa.

YAKOBIS 2:13

Nana neukose Manetualain ta natu'du susue-lalain neu hataholi fo, ta nalelak susue-lalai ka fa. Tehu susue-lalai ka, neulau na ba'u lena hoholo-lalane ka.

2 PETRUS 3:9

Amak Manetualain ta nakamama'ak fe hata fo Ana helu basa ka fa, leomae hataholi nggelok laedaenga leondiak. Dede'a nasafali na, Ana ta hae lai namanasa emi fa nana, Ana ta nau mate-mopo emi esa boen. Ana nau fo ela basa hataholi lala'ena, ala tuka tei-sale dale bee no'u leme sala-singo nala mai.