YESKIAL 18:20 - Susula Malalaok Hehelu Palak Ma Hehelu Beuk

²⁰ Neukose matek-ka nde, hataholi fo manatao sala-singok-ka. Anak-ka, ta nde muse lu'a-lepa, aman sala-singon, ma amak-ka, ta nde muse lu'a-lepa anan-na, sala-singon fa. Hataholi malole-a, neukose ana sipo baba'e-papala malole, nanahu tatao-nono'i malolen-na. Ma hataholi manatao mangalauk-ka, neukose ana doidoso, hu kande tatao-nono'i mangalaun-nala.

YESKIAL 18:20 ပူးပေါင်းရင်းမြစ်များ

1RAJA-RAJA 14:13

Basa laun Israel-la lala'en-na, neukose ala susa ma latoi-latonon. Ni'iana ndia nde Yerobeam teidalen-na mesa-mesak-kana nde neukose latoi-latonon no ha'da-holomata, nana ka'da ndia mesak-kana nde nandaa no Amak fo Israel Manetualain dalen-na.

1RAJA-RAJA 8:32

ou Amak, ela leo been-na O mamanenen nai nusa so'dak-ka, ma maketu O atam ia la dede'a na. Huku manamasala ka nandaa no tatao-nono'in, ma po'i sala taa ka.

2RAJA-RAJA 14:6

Tehu ana ta taonisa hataholi mana'a ngga'din sila-la, anan-nala fa, nanahu ana tunga Manetualain paletan-na, nai Musa Susulan dale, fo liin-na nae, “Boso hukumisa toulasik, hu kande anan-nala tatao-nono'i mangalaun-nala, ma boso hukumisa ni'iana, hu kande ina-aman tatao-nono'i mangalaun-nala. Bole hukunisa hataholi, ka'da hu kande, hataholi ndia, tatao-nono'i mangalaun-nala.”

2TAWARIKH 25:4

Tehu ana ta taonisa hataholi mana'a ngga'di sila-la anan-nala fa, nanahu ana tunga Manetualain paletan-na nai Musa Susulan dale fo liin-na nae, “Boso hukumisa ina-amak nanahu tatao-nono'i managalauk fo sila anan-nala tao-no'ik-ka, boema boso hukumisa ni'iana-la nanahu tatao-nono'i mangalauk fo sila ina-aman tao-no'ik-ka. Bole hukunisa ka'da hataholi see fo hu kande ndia mesak-kana tatao-nono'i mangalaun-na.”

2TAWARIKH 6:23

ou Manetualain, ela leo been-na O mamanenen nai nusa so'dak-ka fo O maketu O atam ia-la dede'an-nala. Huku manatao salak-kala ma po'i manatao sala taak-kala.

2TAWARIKH 6:30

ela leo been-na nai O mamana leleom manai nusa so'dak-ka mamanene boema fe do'o do ampon neus. Ka'da O mesam-ma nde bubuluk hataholi daebafak-ka dalen-na. Hu ndia de tao hataholi-a esa-esak nandaa no tatao-nono'in,

KELUARAN 32:33

Manetualain nataa nae, “Ka'da hataholi fo nasala-nasingo basa neu Au, neukose Au loseheni na'den-na neme susulak ndia dalek mai.

YESAYA 53:11

Hu ndia de, Manetualain nafa'da nae, “Name'da basa doidosok-ka soona, neukose naua-nanale, ma dalen-na, name'da namahokok. Au atang ndia, nde nandaa no Au daleng-nga, ana lu'a-lepa basa, hataholi makadotok huhukun-na so; hu no hataholi ndia de, neukose Au fe do'o do ampon neus.

YESKIAL 14:14

Leomae Noh, Danel ma Ayub, ala leo leme mamanak ndia, tehu sila telu tatao-nono'i malolen-na, hapu soi-tefa-na ka'da sila telu samanen-na mesak-kana. Au, Manetualain Fo Mademaina, nde manakokolak-ka.

YESKIAL 14:16

Leomae Noh, Danial ma Ayub, ala leo leme ndia, tehu no Au, Manetualain fo maso'dak-ka, na'den-na, neukose ala ta hapu soi-tefa-la, su'di see boen, lena-lenak sila anan-nala boeo, ta. Ka'da sila mesak-kasa, nde laso'da, tehu nusak ndia, neukose ana da'di moo solokaek.

YESKIAL 18:13

Ana fe hataholi manatonak-kala, fe bunak. Ade, hataholi leondiak-ka, neukose naso'da do ta? Ta naso'da fa! Ana tao basa tatao-nono'ik fo, nanamaluak sila-la so, de neukose maten! Tatao-nono'in nenenin-na nde, mamates ndia.

YESKIAL 18:30

Manetualain Fo Mademaina, nafa'da nae, “Hai hataholi Israel-la lemin! Neukose Au aketu-ala'di hataholi lala'en-na, nandaa no tatao-nono'in-nala. Tukatei-saledale meme emi sala-singom mai. Boso po'ilotak emi sala-singom, tao nakalulutuk emi aoinam-ma

YESKIAL 18:4

Hataholi lala'en-na, samanen-na nde been-na, Au nuung, nau ina-amak samanen-na, do anan-nala samanen-na boe. Hataholi masala-masingok-ka, neukose nde ndia mate-a.

YESKIAL 33:10

Manetualain nafa'da au nae, “Hai hataholi daebafak fo, manasapu-manalalok-konei, mafa'da leoina Israel-la mae, ‘Emi mafa'da mae leo ia: Ami lu'a-lepa aom, ami la'olenam, ma ami sala-singom-mala, hu ndia de, ami makalulutuk. Tao leo beek fo, ami hapu maso'da mahele?’

YESKIAL 33:6

Nasafalinna, metema manamanea ndia nita musu-a mai, tehu ana ta fepa meko-a, fo ana fe nasanene'dak neu laun-na fa, boema musu-a taonisa hataholi masala-masingok sila-la soona, neukose Au oke manamanea ndia, ana fe natataak la'eneu hataholi sila-la mamaten-na.

YESKIAL 4:4

Soona mangape'uk menik o boboa kiim-ma, fo Au fe leoina Israel-la salan-na tuni-ndeni-na o. Neukose o mangape'uk leondiak, faik natun telu siohulu, fo o doi-doso, nanahu sila salan-na. O mangape'uk leondiak faik esa soona, belin-na ba'u leoina Israel-la huhukun teuk esa.

IMAMAT 10:17

Tao le'e de, emi ta mi'a paa tutunu-hohotuk fo sala-singok hapu do'o do ampon ndia, nai mamanak malalao-malalafuk fa? Tutunu-hohotuk ndia malalao-malalafuk nanseli; Manetualain fen neu emi, fo ela hataholi Israel-la sala-singon hapu do'o do ampon.

IMAMAT 16:22

Bi'ihiik ndia, nde neni la'iesak leoina Israel-la sala-singon leo mamana tokotiik fo hataholi ta leo fan, de muse po'in nai moo solokaek-ka.

IMAMAT 19:8

Ba'eneu see, fo na'a paa ndia soona, ana lu'a-lepa aon salan-na, nanahu, ana ta fe ha'da-holomata neu hata fo nanafe hehelik soaneu Au so. Au ta sipok hataholi ndia da'di Au anang so'on.

IMAMAT 5:1

Paluu tunu-hotu tutunu-hohotu sala-singok hapu do'o do ampon: Metema, loke hataholi esa da'di sakasii matetuk nai manakee-mafula matan, tehu ana ta tui hata fo nitan do namanenen fa soona, ana muse lu'a-lepa tatao-nono'in buna-boan.

IMAMAT 5:17

Metema, hataholi esa ta name'da fa te ana tao sala-singok, nanahu ana la'olena Manetualain paletan esa soona, hataholi ndia nasala so, de muse ana lu'a-lepa tatao-nono'in ndia buna-boan.

BILANGAN 15:31

nanahu ana la'ban Manetualain, ma ana bubuluk Manetualain paletan-na, tehu ana la'olenan. Soona hataholi ndia mate, nanahu salan-na.

BILANGAN 18:1

Manetualain nafa'da Harun nae, “O ma o anam-mala, boema hataholi Lewi-la, muse lu'a-lepa sala-salak fo mana da'di nai Au Lalaa Temang-nga, tehu ka'da o moo o anam-mala mesam-ma, nde muse lu'a-lepa salak manai imam-mala ue-le'din-nala dalek.

MATEOS 16:27

Ta doo ka so'on te Ana Hataholi ka sama-sama no ata nusa so'da nala, neukose ala mai no Ama ka koasa na. Nai lelek ndia, neukose Ana balas hataholi a esa-esak, nandaa no tatao-nono'in.

ULANGAN 24:16

Boso hukumisa ina-amak, nanahu anan-na tatao-nono'i mangalaun-na, ma boso hukumisa anak-ka, nanahu ina-amak tatao-nono'i mangalaun-na. Bole hukunisa hataholi esa, nanahu ndia mesak-kana nde tao, tatao-nono'i mangalauk ndia.

IBRANI 9:28

Leondiak boe Kristus nanatunu-hotuk ka'da la'iesa, soaneu Ana loseheni hataholi ba'u sala-singon. Neukose Ana mai seluk nai kala'i dua na, tehu Ana ta mai naketu-nala'di dede'a sala-singok fa, te Ana mai soi-tefa hataholi mana mahani mamai na.

1 PETRUS 2:24

Kristus lu'a-lepa ita sala-singon neme ai nggangek lain, fo ela ita tatapo'i teme sala-singo ka koasa na mai, fo taso'da tunga Manetualain hihii-nanaun. Kristus hina nala, nde lakahahaik emi a.

NINITAK 2:23

Neukose Au taoisa la'iesak hataholi manatunga nala boe, fo ela basa salani kala lame'da lae, Au nde Ndia fo manabubuluk hataholi daebafa ka dudu'a-aafin ma dale nala. Neukose Au balas emi tunga emi esa-esak tatao-nono'in.

NINITAK 20:12

Ma au ita hataholi manamate kala ana-matua lapadeik lai kandela manek ndia mata na. Boema susula kala boeo nanabukak. Boema susula fe'ek esa nanabukak, fo nde Susula Hataholi Maso'da ka. Basa boema huhuku ka nanaketuk neu hataholi manamate kala, nandaa no sila tatao-nono'in tunga hata fo nanasulak nai susulak sila la dalek.