YESKIAL 18:19 - Susula Malalaok Hehelu Palak Ma Hehelu Beuk

¹⁹ Tehu, fafa'kama hapu hataholi natane nae, tao le'e de, ni'iana ndia ta lu'a-lepa fali aman, sala-singon-nala fa. Natataa-na nae, hu kande, ni'iana ndia malole, ma ana tao tunga ndoon-na. Ana tunga Au hoholo-lalaneng, ma ana taon no dale katematuan-na, de naso'da nahele.

YESKIAL 18:19 ပူးပေါင်းရင်းမြစ်များ

2RAJA-RAJA 23:26

Tehu Mane Manasye-a, tatao-nono'in, tao nafo'a Manetualain nasa-melun, la'eneu Yehuda; de nasa-melun ndia, beita tenak fa.

KELUARAN 20:5

Boso sene-do'ok neu dodoki-dudulak matak leondiak-ka, nanahu Au nde emi Manetualain, de Au ta nau makasasamak-kana no hata esa boen. Hataholi fo nakamuu-nakadau Au-a, Au hukun losa tititi-nonosi ka telu ma ka 4.

YEREMIA 15:4

Neukose Au tao basa leoina manai dabafak ia, ala mete seoona, langgenggengo ao. Au tao basa sila-la nanahu Manasye fo Hizkia ana manen-na tatao-nono'in nai Yerusalem, fo nai lelek ana da'di Yehuda manen-na.”

RATAPAN 5:7

Ami bei-ba'i kaim-mala lasala-lasingo, besak ia, taak-kasa so; tehu ami muse doi-doso, nanahu sila sala-singon-nala.

YESKIAL 18:18

Nasafalin-na, aman fo ana hii ka'da tipu-dai, namanako, ma ana tao tatao-nono'i mangalauk fe'ek-kala, neukose maten, hu kande sala-singon-nala.

YESKIAL 18:2

“Tao le'e de, ala kokolak dede'a bini-a nakandoo, nai nusa Israel-la? ‘Ina-amak, la'a angol makeis, tehu anak-kala, nisin-nala nde makeis-sa.’

YESKIAL 18:9

Ana tunga Au paletang-ngala, ma ana tao tunga Au hoholo-lalaneng-ngala. Hataholi leondiak-ka, nde hataholi fo manatao tunga ndoon-na, de neukose naso'da nahele. Au, Manetualain Fo Mademaina, nde manakokolak-ka.

YESKIAL 20:24

nanahu ala ta taoafik neu Au paletang-ngala, ala la'olena Au hoholo-lalaneng, ala tao langgenggeo fai Sabat-ta, ma ala sene-do'ok lahele neu sila bei-ba'i kain-nala, sene-do'ok neu lamatua daebafak-kala.

YESKIAL 20:30

Da'di, mafa'da hataholi Israel-la, hata fo Au, Manetualain Fo Mademaina, afa'das: ‘Tao le'e de, emi tao sala-singok, sama leo emi bei-ba'i kaim-mala tao no'in-nana? Emi sama leo sila boe, de emi tunga sosongo-tatangok fo nanamaluak sila-la.

YESKIAL 33:10

Manetualain nafa'da au nae, “Hai hataholi daebafak fo, manasapu-manalalok-konei, mafa'da leoina Israel-la mae, ‘Emi mafa'da mae leo ia: Ami lu'a-lepa aom, ami la'olenam, ma ami sala-singom-mala, hu ndia de, ami makalulutuk. Tao leo beek fo, ami hapu maso'da mahele?’

ULANGAN 5:9

Boso sene-do'ok neu dodoki-dudulak matak leondiak-ka, nanahu Au fo emi Manetualaim-ma, ta nau nakasasamak-kana o hata esa boen. Hataholi fo nape'da dale nasak neu Au, neukose Au hukun losa bobongi ka telu ma ka haa.