YESKIAL 18:18 - Susula Malalaok Hehelu Palak Ma Hehelu Beuk

¹⁸ Nasafalin-na, aman fo ana hii ka'da tipu-dai, namanako, ma ana tao tatao-nono'i mangalauk fe'ek-kala, neukose maten, hu kande sala-singon-nala.

YESKIAL 18:18 ပူးပေါင်းရင်းမြစ်များ

PENGKHOTBAH 5:8

Nakalenak manek-ka boeo naso'da neme keketu-kokoluk buna-boan mai.

YESAYA 3:11

Tehu soe ba'eneu hataholi mangalauk-ka! Neukose hataholi tao sila sama leo sila tao hataholi fe'ek-kala so.

YESKIAL 18:17

Ana beita tao nita, tatao-nono'i mangalauk, do ana fe hataholi manatonak-kala, fe bunak. Ana tunga Au hoholo-lalaneng, ma ana tao tunga Au paletang-ngala. Neukose, ta mate ni'iana ndia, hu kande aman sala-singon-nala fa, tehu naso'da nahele.

YESKIAL 18:19

Tehu, fafa'kama hapu hataholi natane nae, tao le'e de, ni'iana ndia ta lu'a-lepa fali aman, sala-singon-nala fa. Natataa-na nae, hu kande, ni'iana ndia malole, ma ana tao tunga ndoon-na. Ana tunga Au hoholo-lalaneng, ma ana taon no dale katematuan-na, de naso'da nahele.

YESKIAL 18:20

Neukose matek-ka nde, hataholi fo manatao sala-singok-ka. Anak-ka, ta nde muse lu'a-lepa, aman sala-singon, ma amak-ka, ta nde muse lu'a-lepa anan-na, sala-singon fa. Hataholi malole-a, neukose ana sipo baba'e-papala malole, nanahu tatao-nono'i malolen-na. Ma hataholi manatao mangalauk-ka, neukose ana doidoso, hu kande tatao-nono'i mangalaun-nala.

YESKIAL 18:24

Tehu metema, hataholi malole esa, ana ta tao tatao-nono'i malole so'on, boema ana mulai tao tatao-nono'i mangalauk, ma tatao-nono'i nanamaluak lala'en fo, hataholi mana tao tatao-nono'i mangalauk-kala biasa tao-no'in; ade, hataholi ndia, neukose naso'da nahele do? Ta! Neukose, lafandele heni basa tatao-nono'i malolen sila. Neukose maten, hu kande sala-singon, ma ana ta lilineka neu Au fa.

YESKIAL 18:26

Metema hataholi malole-a, ana ta tao malole so'on, fo ana mulai tao tatao-nono'i mangalauk soona, neukose maten, nanahu tatao-nono'i mangalauk fo, ana tao-no'ik-kala.

YESKIAL 18:4

Hataholi lala'en-na, samanen-na nde been-na, Au nuung, nau ina-amak samanen-na, do anan-nala samanen-na boe. Hataholi masala-masingok-ka, neukose nde ndia mate-a.

YESKIAL 3:18

Metema, Au afa'da ae neukose mate hataholi mangalauk esa, tehu o beita fen nasanene'dak fo ana tukatei-saledalen-na, fo ela ana hapu so'dak, soona neukose ana mate, sama leo hataholi masala-masingok, de o nde lu'a-lepa hataholi ndia mamaten-na.

YOHANIS 8:21

Boema Yesus nafa'da selu kasa nae, “Metema Au la'o soona, neukose emi sanga Au, tehu neukose emi mate nai emi sala-singo ma dalek. Nanahu Au u leo mamana ka, emi ta hapu losa fan.”

YOHANIS 8:24

Hu ndia de, Au afa'da emi te, neukose emi mate nai emi sala-singo mala dalek. Boema memak neukose emi mate nai emi sala-singo mala dalek, metema emi ta mamahele, ‘Au Nde Ndia, fo lafa'da lae, AU NDE NDIA.’ ”