YESKIAL 18:17 - Susula Malalaok Hehelu Palak Ma Hehelu Beuk

¹⁷ Ana beita tao nita, tatao-nono'i mangalauk, do ana fe hataholi manatonak-kala, fe bunak. Ana tunga Au hoholo-lalaneng, ma ana tao tunga Au paletang-ngala. Neukose, ta mate ni'iana ndia, hu kande aman sala-singon-nala fa, tehu naso'da nahele.

YESKIAL 18:17 ပူးပေါင်းရင်းမြစ်များ

AYUB 29:16

Au da'di amak, ba'eneu hataholi nuu-taa hata-taak-ka; au da'di manamasala'e, ba'eneu hataholi manamai-a.

MAZMUR 119:1

Maua-manalek ba'eneu hataholi fo, so'dan-na bu'u-ba'en ta, ma ana tunga Manetualain hoholo-lalanen-nala.

MAZMUR 119:3

Maua-manalek ba'eneu hataholi fo, ana tunga Manetualain hihii-nanaun, ma ana ta tao, tatao-nono'i mangalauk fa.

AMSAL 14:31

See tao malole neu hataholi nuu-taa hata-taak-ka soona, ana fe ha'da-holomata neu ndia Manetualain-na; tehu see tuni-ndeni hataholi tapandoes-sa soona, nakamumulu-nakamamaek Manamakadada'dik-kana.

AMSAL 29:14

Metema, manek-ka nasala'e hataholi tapandoes-sa, hak-ka soona, neukose ana paleta teu-teuk.

AMSAL 29:7

Hataholi malole-a, ana bubuluk hataholi tapandoes-sa hak-ka, tehu hataholi mangalauk-ka, ta dodoo nala fan.

YEREMIA 16:19

Manetualain, O nde masulu-mahapa au-a, ma fe be'i-balakaik neu au; O tulu-fali au, nai lelek au nai dudu'a-aafi makale'ok-ka dalek. Leoina-leoina fo maneme pe'dak leo pe'dak neu-a neukose ala mai leo O-a fo lafa'da lae, “Emi bei ba'i-kain-nala lanuu lamatuak daebafak masapepekok fo sosoa-ndandaan tak makandondook nanseli.

YESKIAL 18:13

Ana fe hataholi manatonak-kala, fe bunak. Ade, hataholi leondiak-ka, neukose naso'da do ta? Ta naso'da fa! Ana tao basa tatao-nono'ik fo, nanamaluak sila-la so, de neukose maten! Tatao-nono'in nenenin-na nde, mamates ndia.

YESKIAL 18:18

Nasafalin-na, aman fo ana hii ka'da tipu-dai, namanako, ma ana tao tatao-nono'i mangalauk fe'ek-kala, neukose maten, hu kande sala-singon-nala.

YESKIAL 18:28

Ana mulai nasasale dale, boema ana tukatei-saledale neme sala-singok fo, ana tao-no'ik-kala mai, soona tao leo bee-o naso'da, de ta mate fan.

YESKIAL 20:18

Nasafalin-na, Au anoli-afa'da sila ana muli-solun-nala ae leo ia, ‘Boso tunga emi bei-ba'i kaim-mala, tao nakanenetek-kala. Boso na'de dulak neme sila ha'da-tataon-nala mai, ma boso tao manggenggeo emi aoinam-mala nenik, sene-do'ok neu sila sosongo-tatangon-nala boe.

YESKIAL 20:30

Da'di, mafa'da hataholi Israel-la, hata fo Au, Manetualain Fo Mademaina, afa'das: ‘Tao le'e de, emi tao sala-singok, sama leo emi bei-ba'i kaim-mala tao no'in-nana? Emi sama leo sila boe, de emi tunga sosongo-tatangok fo nanamaluak sila-la.

YESKIAL 3:21

Metema, o fe hataholi malole ndia nasanene'dak, fo ana tunga o nanoli-nafa'dam, soona neukose Au ta huku hataholi ndia fa, ma neukose o maso'da.”

YESKIAL 33:13

Bole da'di, Au aheluk basa, Au sanga fe hataholi malole-a naso'da, tehu metema ana mulai tao sala-singok, nana namahena neukose ana hapu so'dak, nanahu makahulun-na, ana tao tatao-nono'i malole soona, ana dudu'a sala ndia. Au ta afandele ndia tatao-nono'i malole makahulun sila-la fa, de neukose maten, nanahu sala-singon-nala

DANIAL 4:27

Hu ndia de ela leo been-na Ama Manek tunga au nanoli-nafa'dang. Ama Manek boso boe tao sala-singok seluk bai, tehu tao-no'i hata fo malole ma ndoos ma matetuk, ma sue-lai hataholi nuu-taa hata-taak-ka. No enok ndia, neukose Ama Manek naua-nanale nahele.”

IMAMAT 18:30

Boema, Manetualain nafa'da nae, “Tunga Au fe nakanenetek-kala leona, fo boso nanadulak neme hataholi fo ala leo lakahuluk neme emi nai dae Kanaan-na, tatao-nono'in-nala. Boso tao manggenggeo o aoinam-ma mesak-kana, nenik tatao-nono'ik sila-la. Au, fo emi Manetualain.”

IMAMAT 18:4

Tunga Au hoholo-lalaneng, ma tao-no'i hata fo Au paletan. Au nde emi Manetualain.

MALEAKHI 3:7

Sama leo emi bei-bai kaim makahulun-nala, emi basa-basam-mala boeo la'ok sala neme Au hoholo-lalaneng mai, ma ta lilineka nai nakalala'on-na dalek fa. Fali leo Au mai leon, soona neukose Au boeo fali leo emi neu. Tehu emi matane mae, ‘Ami muse tao leobeek, fo ami fali leo O meu?’

LUKAS 19:8

Nai uman, Zakeos fo'a napadeik de nafa'da Yesus nae, “Lamatuak, au hata-heto ngala seli, neukose au fe hii kasa leo hataholi nuu ta-hata ta kala, ma see boe fo au ke'dindiu hain soona, neukose au bae fali kana la'i ha!”

ROMA 2:7

Manetualain fe maso'da matetu ka ma manaketu basa ta ka neu hataholi manatao-no'i lahele tatao-nono'i malole, fo ala hapu hata mandela-masa'ak ndia, ma matua-madema boema matea-mahele ka.