YESKIAL 17:9 - Susula Malalaok Hehelu Palak Ma Hehelu Beuk

⁹ Boema Au, Manetualain Fo Mademaina, atane: Ade, ai angol ndia naso'da fo namade'u do ta? Ade, manupui kaka'ka makasososak-ka, ana ta fe'ahenin no okan-nala, fo ana loso-na boan-nala, ana tao nala'di ndanan-nala, fo ana po'ilotak-kana, ana male fa do? Ta paluu be'i-balakaik ba'uk-ka, do hataholi makadotok soaneu fe'aheni ai ndia no okan-nala fa.

YESKIAL 17:9 ပူးပေါင်းရင်းမြစ်များ

2TAWARIKH 13:12

Ami mauli-malangam nde bee na Manetualain mesak-kana ma basa imam manai ia-la. Ala laheheleaon basa soaneu puu trompet-ta, da'di leo ta'du-tana ba'eneu ami soaneu sapu-ma emi. Hai hataholi Israel-la lemin, boso la'ban Amak fo emi bei-ba'i kaim Manetualain-na! Emi ta bisa sengi fa!”

2TAWARIKH 20:20

Balahaa fafaianan-na, laun-na kalua de leu leo moo maloa deka no Tekoa. Lelek ala sanga la'o boema, Yosafat fes hala-heheluk-ka nde ia nae, “Yehuda ma Yerusalem laun-nala lemin! Mamahele neu emi Manetualain leona, neukose emi makatatakak mabe'i. Sipok-ma nanoli-nafa'dak neme emi nabi-mala mai, soona neukose emi hapu buna-boan!”

YEREMIA 32:5

Makabuin-na neukose ala fua leni Zedekia lo Babel neu, fo leo nai naa losa au hukun. Leomae ana te-tati hataholi Babel-la, tehu ana ta nala fas. Au, Manetualain, nde manakokolak-ka.”

YEREMIA 37:10

Leounik-ka emi tao makala la'iesak soloda'du Babel-lala, de nalosa elak-kala ka'da hataholi fo hina-nala matuina-la nai lala teman-na dalek, tehu ala fo'a de ala hotuheni basa kota ia.’ ”

YESKIAL 17:10

Memak, okan-nala latea so, tehu ana bisa moli nakandoo, boema namade'u do ta? Metema ani timu-a fuu la'en soona, neukose ana male do ta? Neukose namatuu neme mamana seselen-na do ta?”

YESKIAL 17:8

Te se'kona, ai angol ndia, nanaselek nai dae maoe-maisik, ma oen-na makadotok, nalosa doon-na makadotok nanseli, ma boan-na inu-inu, de ana da'di ai angol malole.

AMOS 2:9

Leomae leondiak boe, hai Au anang-ngala lemin, hu ka nde emi, de Au tao amopo-amate hataholi Amori fo mademaina sama leo ai kaiou, ma balakaik sama leo ai terpentin.

BILANGAN 14:41

Tehu Musa nafa'da nae, “Tao le'e de, besak ia emi nau la'olena Manetualain paletan-na? Neukose emi ta sengi fa!