YESKIAL 17:3 - Susula Malalaok Hehelu Palak Ma Hehelu Beuk

³ Mafa'das mae, Manetualain Fo Mademaina, nafa'da emi nae leo ia: Manupui kaka'ka matuaina esa, bulun-na mana'ahiik, ma li'dan-na maloaina, ma balakain-na seli. Ana laa leo Letek Libanon-na poin-na neu, de ana helu la'di kaiou pe'duk, ndanak esa,

YESKIAL 17:3 ပူးပေါင်းရင်းမြစ်များ

YEREMIA 24:1

Manetualain fe au ninitak esa nae, faik esa boema Yoyakhin fo Yoyakim ana manen-na fo manek Yehuda no basa malanga manapaleta Yehuda-la, basa malelak-kala, ma basa manadoki-dulak malelak nanafua nenik neme Nebukadnezar fo manek Babel-la, fo ninis dai leo nanahukuk neme Yerusalem leo Babel neu. Au ita sapai dua henuk no ai boa kaak-a nai dalek beten-na nai Manetualain Uman so'dan-na.

YEREMIA 4:13

Mitak musu-a, ana to'da mai, sama leo ko'as-sa. Kaleta musun-nala, sama leo ani-sangu matuaina, ndalan-nala nggafan-na lena heni manupui kaka'ka. Wah, ita soe! Ita mopo-mate!

YEREMIA 48:40

Manetualain nafa'da sama, “Leo manupui kaka'ka la'u menik li'da lalapan-na, sama leo ndiak neukose leoina esa mai ma sapu-na Moab.

YEREMIA 49:16

O koam-ma tao-na namanggoa. Ta hapu esa boen fo ana bii o sama leo o dudu'a-aafim-ma. O leo nai batu maka'bik fo dook-ka nai lete poik. Tehu mae o tao uma nai mamana madema nanseli; deman-na sama leo manupui kaka-ka ndunun-na, Manetualain nakona o neme ndia. Manetualain fo nde nafa'da basa sila-la.”

RATAPAN 4:19

Manausi ami-la, lalaik lai-lai nanseli lai lena heni manupui kaka'ka. Ala usi ami nai letek-ka ma lapadei-la ami nai moo solokaek-ka.

YESKIAL 17:4

boema nenin leo nusak esa neu, de ana pe'dan neu kota manadangan esa.

YESKIAL 17:7

Nai lelek ndia, bei hapu seluk manupui kaka'ka fe'ek esa; li'dan-na maloaina, ma bulun-na, katen-na seli. Boema ai angol ndia, ana fe okan-nala ma ndanan-nala lasale leo manupui kaka'ka beuk ndia neu, no namahehenak, fo ela manupui ndia, ana fen oe ba'uk-ka, lena heni oe manai tina ndia dalek-ka.

YESKIAL 31:3

Mitak, Au akasasamak o, sama leo ai kaiou manai Libanon fo, henuk no ba'e mana'ahiik-kala, ma doon-na, makadotok nanseli; ana moli de deman-na seli, pe'dan-na losa lalai.

DANIAL 2:38

Nakadada'dik Ama Manek da'di manakoasa neu daebafak fo nanuu laun, ma neu manupaui ma bana fe'ek-kala. Ama Manek nde lilopilas manai dodoki-dudulak ndia langan-na.

DANIAL 4:22

Hei Ama Manek, Ama Manek nde ai mademaina ma balakaik ndia. Ama Manek matua-mademan boeo, ana popo-tama losa lalai, ma Ama Manek koasan-na namaloa losa daebafak-ka pe'dan-na.

DANIAL 7:4

Bana makasososak-ka, lupan-na sama leo singa, tehu nanuu manupui garuda li'dan-na Lelek au anganalon boema, no kaiboik li'dan-na nanafe'ahenik de natapo'i; nanandoo eik neme dae lain mai, de napadeik natetu nai eik 2 lain, sama leo hataholi-a.

HOSEA 8:1

Manetualain nafa'da nae, “puu pupuuk-ka, te soe-a mai! Musu sapun-na Au nusang-ngala, sama leo manupui balupua la'u manuana! Au anang-ngala, la'olena Au hehelu-balataang no sila, ma ala la'ban Au nanoling-ngala.

HABAKUK 1:8

Ndalan-na nggafan-na lena heni meoasu ma makaa-makisun lena heni busafui kamala'ak-ka. Solda'du manasa'e ndalan-nala, ala mai leme nusa dook-kala mai; mamain-nala sama leo manupui balupua la'u manuana.

MATEOS 24:28

Nai bee hapu paa puluk soona, nai ndia hapu manupui mana'a paa pulu kala.”

MATEOS 4:24

Ala benga Yesus nafeo basa nusa Siria lala'ena, nalosa hataholi makadotok mai leo Yesus mai. Ala lo basa hataholi kamahe'di mata-mata kala ma hataholi mana to'a-ta kala. Hataholi nitu sa'e kala, kamulu bi'i kala, ma lu'u ei kala de Yesus nakahahaik basa-basas.

ULANGAN 28:49

Neukose, Manetualain nadenu leoina esa, ana mai neme daebafak-ka pe'dan-na mai, fo ana la'ban emi, tehu emi ta malelak dede'an-na fa. Neukose, ala la'u leni emi, sama leo manupui kaka'ka, ana la'u neni manuana.